مش بنراجع نفسنا غير بعد ما بنقع بعد ما بنغلط بنراجع نفسنا واحنا لوحدنا و احنا بعيد عن الدوشه عشان نكتشف ان الفتره اللي فاتت كانت محتاجه تبعد عن الصوره عشان تشوفها اوضح عشان متقعش
ساعات بنندم ان احنا اصلنا طيب وكويسين وبنحب الخير لكل الناس ومفيش مانع اننا نيجي ع نفسنا عشان خاطر الناس بس في اوقات بنكره نفسنا من افعال الناس بنندم ان كنا ولو للحظه واحده كويسين مع حد ، احيانا بنشوف ان مينفعش ف الزمن دا مع الناس دي اننا نتعامل بأصلنا الطيب .
كل ما هيزيد غضبك من واقع الدنيا وخذلان الناس ليك كل ما عينك مش هتشوف تفاصيل كتير كويسه وكانت هتفرق معاك لو شفتها، وهتلاقي نفسك مركز في تفاصيل سلبيه تزود من غضبك واحساسك بالخذلان. لما تكون مزنوق في حفره الصح تستخدم طاقتك للخروج منها مش تستهلكها في تقطيم نفسك ولوم الدنيا عالحفره 🤙🏼
الارتباط محتاج شخص ناضج وعارف ان الارتباط وعد لازم يكون قده و ان المشاكل مش معناه انتهاء العلاقه واننا باقيين ع بعض ومهما يحصل مينفعش حد فينا يسيب التاني وسط الطريق ويمشي الارتباط عشان يستمر محتاج نضج وتفاهم قبل الحب الارتباط عشان يكمل محتاج شخص صادق يتمسك فيك مهما كانت الظروف.