اقولك ليه لان الولاد نفسهم الل بيتخرجوا مبيشتغلوش مش اى محامى بيشتغل ..غير بقى لو فى واسطة او تقدير مع واسطة وكيل نيابة كده ...ما بالك البنات بقى !!!!!!
صح بس انا مش بايدى حاجه هعمل اللى عليا و اسيب الباقى على ربنا هحاول افضل احافظ على تقديرى و لما اتخرج اكمل دراسات ان شاء الله يمكن ربنا يكرمنى و اتعين و لو محصلش مش ههمد هدور على شغل برده مش شرط المحاماه يعنى اعرف ان فيه شغﻻنات تانيه زى مستشارين قانونين او غيرها بس انا لسه مش مطلعه اوى على مجاﻻت الشغل
ازاي اقدر اتخلص من الارتباك والتوتر ال بيصيبوني عند التعامل مع صحابي
كبدايه اتاكدى انهم كويسين و يتساهلوا صحوبيتك و ثقتك ﻻنهم فى راييى لو صحبه صالحه كدهوت و مقدرينك هتبقى نفسك معاهم من غير ما تخافى او توترى من رايهم فيكى او تصرفاتك انتى تتوترى لما تكونى حوالين ناس مش واثقه فيهم خايفه من فكرتهم و انطباعهم عنك انما مش صحابك اللى بجد دول مفروض بتشيلى عنك كل التحفظات و الشكليات ف تعاملك معاهم فرايي باه اختارى بس صحبه كويسه ثقه و لما تتعاملى معاهم مش تفضلى تقلقى نفسك و تفكرى هيقولوا عليكى ايه لو قلتى او عملتى كذا خليكى نفسك و على طبيعتك معاهم ﻻنهم لو صحابك بجد هيحبوكى عشان طبيعتك و شخصيتك فميبقاش اصﻻ فيه حاجه توترك ف التعامل بس ده كله لو كان سؤالك تقصدى بيه الصحاب الأوى يعنى انما لو قصدك الزمﻻ و الصحاب العادى ﻻ طبيعى التوتر دايما كده ف التعامل مع الصحاب اللى الواحد مش واخد عليهم ممكن تبقى تدورى ع مواضيع و حوارات مشتركه بينكو هتﻻقى الكﻻم ياخدكو و تنسى التوتر انا طولت اوى معلش اخدتنى الجﻻله 😅