مصاصات ايه يا شييخه استغفر الله العظيم انتى مش عارفه انى مش عارفه انى مش ليا فى الحلويات و مش باكل الا اكل صحى !! و هو فيه طالبه جامعيه هييبه طول بعرض ( و احب ااكد على الطوول و استبعد العرض ) تمشى تلحس مصاصه !!
ممممم بصراحه المضوع مش خطر فى بالى قبل كده بس بعد ما حطييتى الفكره فى دمااغى اه فعلا اظن انى نفسى اروح و انتى طبعا نفسك يا موتسارت تروحى نبقى نروح سوا لما نكبر و اهه بالمره نصرخ و نصوت معاهم و نطلع الطاقه اللى مكبوته جوانا ^_^
على قكره السوال ده حالم كدهون شبهك على فكره مممممم بفكر فى ايه يا ستى مممم بفكر ان بابا وحشنى شويتين ديه البدايه و بعدين انى عايزه ابسطه و بعدين اللى يبسطه هو اجيب تقدير و اخليه فخور بيا كدهون و بينتهى سرحاانى انى انوى اذاكر :D و الحمد لله بيتوقف الموضوع ع النيه
ايه اخر حاجه عملتيها علشان تسعدى نفسك و ايه اخر حاجه حد عملها علشان يسعدك :D $$
ممم اخر حاجه عملتها عشان اسعد نفسى ممم مش جه فى بالى حاجه معينه بس انا فى امتحانات و الامتحانات و السعاده دونت ميكس اخر حاجه حد عملهالى عشان يسعدنى ان صاحبتى فاطمه جابتلى ورد و حلويات كتيير عشان عيد ميلادى و الاحلى كمان انها احتفلت بيا قبل الناس كلها عشان تبقى اول واحده تقولى كل سنه و انا طيبه <3
ايه هى الكتب او الروايات اللى نفسك تجبيها ولسة مجبتهاش ؟
عزازيل _ طغراء _ هيبيتا _ مخطوطه ابن اسحاق ( العائد) بس مش عارفه نزلت ولا لسه و كمان بفكر اجيب 1919 بس محتاره عشان الفيل الازرق مش عجبتنى خالص فخايفه ديه كمان مش تعجبنى بس عجبنى الجو التاريخى اللى فيها و فيه روايه اسمها ( www ) لاحمد خالد بدور عليها من فتره بس مش لاقيها :( بس هتروح منى فين ان شاء الله هلاقيها دول اللى فى بالى بس اكيد فيه كتير غيرهم