توني مابعد درست فما بعد لبست 😁 لكن الطب البشري السكرب لونه كحلي
تعرفين احد من شعبتك الاولى او الثانيه تخصص طب بشري
إيه من الكلاس الأول والكلاس الثاني تخصصوا طب، لكن بنات الكلاس الأول أكثر، بس قصدك أعرف حساباتهم ولا بس هل تخصصوا طب أو لا؟؟
خايفه من البنات بالتحضيري وكيف بكون صداقات
مافيه أجمل من بنات التحضيري ❤️ فعلًا طول سنواتي ال12 في المدرسة ما شفت بنات جميلات مثل البنات اللي شفتهم في التحضيري، لطيفات ويساعدون وغصب تدخلين معهم حتى، وبعدين فيه كثير مثلك ما يعرفون أحد وكلكم أول مره تدخلون بمجتمع كبير مثل الجامعه، أول أسبوع هو الصعب لأنكم ما تعرفون بعض لكن بعدين خلاص بتعرفون بعض وتصيرون تسولفون مع بعض أنا أذكر كنت خايفه كذا لكن اللي ساعدني كثير أختلط مع البنات مشروع العلم، اختلطت مع بنات القروب اللي معي بعدين منها بديت اختلط مع بنات الكلاس كلهم، وفعلًا كلهم لطيفات جدًا، سواء بالترم الأول أو حتى الترم الثاني، وفيه بنات عرفتهم من غير الكلاسات اللي درست فيها، فيه وحده من بنات كلاسي جت للجامعة ما تعرف ولا وحدة، خلص ترم واحد بس نص إذا مو كل بنات الكلاس صديقاتها، يعني أبد أبد الوضع ما يخوف 😁
لولو متى نلبس سكراب بالتحضيري نلبسه
لا في التحضيري عندنا في سعود مافيه سكرب بعد التحضيري إذا تخصصتوا تلبسون سكرب على حسب تخصصكم
مبروك حبيبتي كنتي متوقعه وكل ما اشوفك تذاكرين ادعي لك
والله ما أدري من أنتِ بس شكرًا من القلب ❤️ يارب إنك دخلتي التخصص اللي تبين وربي يوفقك يارب ويسعدك ❤️
تخصصتي طب بشري
إيه
الطب البشري
فيه هنا بقية التخصصات لدفعتنا
كم صارت نسب التخصيص؟😨
94
انتي لولو بنت سعد الصليهم
إيه
ليش قلتي انه نسب القبول احتمال تنزل بالتخصيص؟
احتمال مثل ما قلتي 😁 يعني بما إن نسب القبول على دفعتنا نزلت توقعت إن نسب التخصيص راح تنزل، لكن الاحتمال صار خطأ 😂
انتي تحضيري صحي بسعود؟ كيف يحسبون المعدل للتخصص؟
إيه خلصت تحضيري هذي السنه، طريقة الحساب هي (المركبة/٢ + المعدل*١٠) يعني مثلًا المركبة كانت 90 نقسمها على اثنين 45 المعدل 5 نضربه في عشره 50 نجمعهم مع بعض 95
ايه يالولوة اذا تقدرين تصورينها الملفات او الكتب ؟ الشي اللي يريحك 💗 ودنا نطلع عليها قبل ماندرس تحضيري الله يسعدك 💛
الملفات قصدكم أيش؟؟ إذا تقصدون السلايدز ممكن انزلها لكن تصوير الكتب 😢 هذي يبغاله ذاكرة تخزينيه عاليه والله وبرامج عشان تضغطها ومن هالسوالف وأنا والله ما أعرف 😓 راح أدور طريقه للكتب لكن إذا ما قدرت فأنا آسفه الموضوع صعب صراحه 😅
تجربتك في يزيد 👌🏼 صدق يعني مفصلة ككل شي حرفيا !
الله يوفقك صراحه شاملة كل شي 😂❤️
يا حبيلك، والله أتمنى إنكم تستفيدون منها، كل اللي كتبته صدق صدق عن كل اللي جربته وعشته، كل تجاربي وطرقي كتبتها هناك، عاد الله ينفع بها يارب
-
البنات اللي يبغون الكتب، أنتم قصدكم أصور لكم الكتاب كامل؟؟ لأن مره مره صعب أصوره كامل، كتاب التقن يمكن يوصل أربع مية صفحة
كم كانت موزونتك؟
96
ماشاء الله معدلك جمييييييل ومبروك متابعتك بيزيد من زمان تستاهلي كل خيير 💕 بس حابة اعرف كيف كانت لغتك قبل التحضيري ؟ لغتي انا ماش 😢 وجالسة اطورها .. وايش نصائحك عشان اجيب معدل كامل 👌🏻🔥 انيريني حبيبتي 😍
يا حبيبتي، الحمدلله هذا كله من توفيق ربي لا غير لغتي ما كانت مره كويسه، يعني عاديه جدًا جدًا، كنت أفهم إنجليزي لكن مو مره يعني، نقدر نقول متوسطه إلى مبتدئه خصوصًا إني ما كنت أمارس اللغه كثير، في الإجازه الصيفيه حفظت كلمات وصرت أحاول شوي أتكلم إنجلش وأسمع مقاطع، وكنت كمان أتدرب على الاستماع والقراءه، ولمن دخلت تحضيري عشان يوميًا عندنا كلاسات إنجلش تحسنت لغتي الحمدلله نصيحتي للمعدل هي إعرفي نفسك، شوفي وش يناسبك من طريقة مذاكره ومن ترتيب للأيام، فيه ناس ما تمشي إلا بالمذاكره أول بأول وفيه ناس لا، أنتِ أعرفي وش اللي يناسبك وامشي عليه، وبإذن الله ماراح تضيعين، كتبت تجربتي ونصائح كثيييير في يزيد أتمنى تتطلعين عليها