انا 3ث ادبي وملمتش لسه حاجه ف المنهج اطلاقا بس انا عارفه المنهج بيتكلم عن ايه ومحي حلو بستوعب بسرعه مليش ف الحفظ اوي لان بنسي بسرعه جدا ملكش حل اني الحق اعمل حاجه ف كام يوم دول لان نفسي انقص بس 15 درجه او 20 حتي
ان شاء الله اكيد ف وقت تقدري تلمي المنهج وتحلي كويس ف كل ماده متقلقيش!بس الموضوع محتاج تركيز!سواء كنتي علمي او ادبي متركزيش ف حوار الحفظ افهمي بس اهم حاجه ! تمسكي الفصل تقريه اكتتر من مره ف البدايه تخلي عينك بس تعدي ع الموضوع كله مرتين ف البدايه مجرد قرأه سريعه بعدها تقدري تقسميه لفقرات وتفهمي هو بيتكلم عن ايه والمذاكره تكون بالورقه والقلم دا اهم حاجه! وبعد ما تخلصي الفصل تراجعي عليه تاني وتسمعيه لنفسك لقتيه تمام تنتقلي للي بعده! لازم برضو ف مصطلحات او تعرفيات عندك ف كل ماده ! اكتبيها ف ورق صغير والزقيه ع الحيطه !بحيث كل مره تشوفيه قدامك تراجعيهم وانتي قاعده وانتي بتلبسي او بتغيري هدومك او خارجه ف مكان ! المهم يكون ف مكان عينك بتقع عليه كل فتره هتلاقي المصطلحات ركزت وقدرتي تحفظيها بفهم! واهم قاعده عندك اصحي بدري ونامي بدري! دا هيفرق معاكي جدا ف الاستيعاب وتخلصي قدر كبير جدا من الماده لما تصحي بدري او بعد الفجر بساعه او اتنين دي اجمل مذاكره حرفيا ! لو حاجه معصلجه ف دماغك مش قادره تستوعبيها او حاجات مختلطه عليكي وشبهه بعض حاولي تربطيها بحاجه تانيه تسهلها عليكي مثال:(ف فكره الوحود بالقوه والوجود بالفعل عند فلاسفه كتيره! مكنتش بقدر افهمه لانه كان بيقول الوجود بالقوه هي مجود فكره نظريه مجرده عقليه ! الوجود بالفعل تطبيقها ف الواقع، كنت بشبها ان زي ما مثلا افضل اقول انا هذاكر دي مجرد فكره لسه ف دماغي! تبقا وجود بالقوه! طبقتها ف الواقع وبدات اذاكر فعلا يبقا دي كدا الوجود بالفعل) قيسي ع كدا كل حاجه تقدري تربطيها ف عقلك اللاوعي لانه العقل بيحب فكره التسلسل ولو عملتي الموضوع دا صح وذاكرتي بالتسلسل دا عمرك ما هتقدري تنسي المعلومه ! بالاضافه إلي انه فيديهوهات كتير يوتيوب بتعلمك ازاي تلمي المنهج ف وقت قصير ! وفيديوهات شرح كتيره للمنهج! برضو لو حاجه وقفه معاكي وحابه اني اساعدك ف مذاكره او تلخيص او اي حاجه انا معاكي ف اي وقت واللهي،اتمني اكون قدرت افيدك ومنتظر تيجي وتطمنيني ع نتيجتك بعد كل امتحان بإذن الله ..ايف ع الاطاله..بالتوفيق ي قمر💖