لا تسامحو.. ماقد اختبرت شي زي كدا بس أظن دايمًا لازم نسامح عشان نفسنا تهدأ من جوا. "للصفح يا صديقي وقع عظيم، إنه مصفاة للأورام ولذة النفس الكبرى؛ الصفح إنه لسر سماوي"
منذ ١٢ أشهر.. ٣:٠٠ دايمًا ماكنت أختار الأشياء قبل الأخيرة، عمرها الحاجات الأخيرة ماتعجبني وماتلفتني وتخوفني بالمرة، الشي الأخير معناتو خلاص ماعد في شي بعدو، أظن إني أتعلق في الأشياء بزيادة، مرات أتمنى لو كل الأشياء مالها نهاية، لو ما خلّصت الشوكلاتة اللزيزة، لو ماغلّقت الكيكة، لو ما انتهى دا اليوم، لو ماجا الجزء الأخير من مسلسلي اللي أحبو، لو فضل الشي ماقبل الأخير للأبد مايروح ومايعطينا فرصة إنو نحزن عليه.. بس أمي تقول لو تفتح عمل الشيطان، بس أظن هادي هيا الحياة لازم دايمًا يكون فيها نهاية، ينتهي الألم وينتهي الحزن زي مابتنتهي السعادة وتروح المشاعر الحلوة، زي مابتنتهي حياتنا كولها ونموت ونروح لدار الخلود هناكا في المكان اللي محا أخاف فيه أكون الأخيرة ومحا تغلق فيه الأشياء اللي أحوبها محل محنا موعودين بالنعيم الأبدي اللهم اجعلني من أول الناس اللي يخشو الجنة
شخص يفضّل يكون مجهول.. لكنها بتعرف نفسها 🤎.. أبغا أتشكرها من هنا وأقولها إنها صبورة بالمرة أنا شخصية جدًا جدًا جدًا صعبة للي يعرفوني على حقيقتي واللي هما مو كتير وهيا عرفتلي وعرفت كيف تقرّب مني وتكسبني ومع إني عزبتها معايا كتير وهيا في عمرها ما احتاجتني وفي عمرها ما كنت حضيف لحياتها شي غير وجع الراس أنا مو أفضل شخص تعرفيه أو تتمني تصاحبيه، بس هيا صاحبتني وفضلت معايا وفي كل مرة كنت أعزبها كانت تصبر عليا، حطت في قلبي مشاعر حلوة وعلمتني أشياء حلوة ومع إنو كنت دايمًا أتبكبك إنو ماعندي صحبات أو بيستي ماقد حست بالإهانة أو قالتلي أنا هنا، كانت تعرفلي بالمرة تعرف متى تديني مساحتي للبكبكة ومتى تتدخل وتسمعني وتهوّن عليا، أحوبها بالمررة :{ مين يسألني والآسك حقتي مهجور من فين تطلعو 🙇🏽♀️؟