@Averysimpleman2025

كن مع الله ولا تبالي ✊

Ask @Averysimpleman2025

Sort by:

LatestTop

اكتر سورة بتحبوا تقرأوها / تسمعوها بصوت حد معين ولكم اجر من يسمعها ؟ 🤍🦋

amiraabdelaal886’s Profile PhotoTasneem ☄ذات الخمار ☄
البقرة الشيخ سعود الشريم
الحج الشيخ سعد الغامدي
يوسف الشيخ محمد جبريل
التوبة أحمد السيد (المشرف على البناء المنهجي وهي من أكثر ما يصبر الإنسان هذه التلاوة في هذه الآونة)
أحب سورة لقلبي البقرة
وأحب آية : إن الذين سبقت لهم منا الحسنى أولئك عنها مبعدون

لو وحدة قريبتنا بس ربنا يحفظنا ليها ف السحر والاعمال وبتيجي عندنا وبتبقا ضيفة تقيله لأبعد حد يعني بتقعد اليوم كله وبتدخل تفتش ف البيت وواخدة راحتها ع الاخر وللأسف مؤذية حتي ف كلامها ف احنا بنخاف منها ومش عارفين نتعامل معاها ازاي ، عندك حل او طريقة؟

السحر كفر دا أولا
فهل متأكدين انها بتعمل سحر ؟
لو مش متأكدين الإجابة دي مش ليكم
لو متأكدين يبقى من أول ثانيا
..
ثانيا
متستضيفوهاش أصلا
تجنبوها بشتى الطرق
..
ثالثا في الفقه
إذا كان في مفسدتين ولابد واحدة هي الل هتحصل ، ترتكب الأخف عشان الأعظم متحصلش
وبالتالي : مش مهم نبان قليلي الذوق في مقابل منتعرضش للسحر والأعمال دي وتوقف حياتنا نهائي
...
رابعا : التحذير منها مطلوب
للكل
عشان يتجنبوها ومتقولوش فضيحة ولا بتاع
ربنا يحفظكم ويجنبنا وإياكم السحرة والدجالين

Related users

ايه أفضل الطرق لزيادة التركيز لان التفكير مشتت وظاهر على التصرفات دايما فيه سرح وتوهان

هل فيه أنيميا ؟
هل فيه ضغوطات نفسية ؟
هل بنحاول نبعد نفسنا عن المشتتات ولا لأ ؟
بنسهر كتير وننام في النهار ؟
الحاجات دي كلها إجاباتها مهمة وهتحدد إن شاء الله الحل ايه

◾اسمه : ديّوث ✅ ▪️⁩وليس : متفتح ❌ ⁦▪️⁩اسمها : ربا ✅ ▪️⁩وليست : فائدة ❌ ⁦▪️⁩اسمه : خمر ✅ ▪️⁩وليس : مشروبات كحولية ❌ ⁦▪️⁩اسمه : تبرّج ✅ ▪️⁩وليس : حرية لباس ❌ ⁦▪️⁩اسمها : سرقة ✅ ▪️⁩وليست : شطارة ❌ ⁦▪️⁩اسمها : رشوة ✅ ▪️⁩وليست : هدية ❌ 🔹سمّوا المنكرات بِـ أسمائها وعلموها لأبنائكم وبناتكم.

GhofranM7med’s Profile Photoﻏُــفْــ♕ـــَࢪآטּ
جزيتم الفردوس الأعلى من الجنة 🌿

+ 1 💬 message

read all

‏هل الاعتذار ممكن ينسيك الكلام اللى جرحك ؟

خلينا متفقين على خطوط عريضة الأول كده :
١.ليه الإنسان يقول كلام يجرح من الأساس ؟ من باب أولى نمنع المشكلة ومنحولش السؤال ده لقضية عامة اللي ميقبلش يبقى وحش واللي يقبل يبقى حلو وبسمسم
٢.حصل وقولت كلام يزعل ، اعتذر فورا لأن دي حقوق عباد ، توبتك بينك وبين ربنا هيتغفر لك اللي بينك وبين ربنا ، لكن اللي بينك وبين العباد لازم تستسمحهم وزي م ذكرتهم بسوء في حضورهم أو في غيبتهم تذكرهم بخير في حضورهم وغيبتهم ودا أضعف الإيمان
٣.كلا الخيارين حسب قلب الشخص واستعداده النفسي وكمية الأذى الل اتسبب له متاحين ، انه ينسى ويسامح أو ميعرفش ينسى ولا يسامح ، لكن نصيحة
الساذج يسامح وينسى
الأحمق لا يسامح ولا ينسى
أما الحكيم يسامح ولا ينسى
الله المستعان
هل الاعتذار ممكن ينسيك  الكلام اللى جرحك

كلمة لطيفة 🌸

نفسي نفسي نفسي
الناس تبطل تسأل هيئة علماء الآسك أو الفيس
من كبار الفتايين ومن ليس لهم باع أبداااا في العلم
نفسي نبطل نسألهم أسئلة مصيرية محورية في حياتنا
ونسأل أهل الذكر
ربنا قال فاسألوا أهل الذكر إن كنتم لا تعلمون
مش أهل الآسك ولا أهل الفيس ولا كل من هب ودب
الله المستعان
كلمة لطيفة

هل رد الاساءه بنفس الالفاظ السيئه هاناخد عليها ذنوب؟

بالنسبة للضرب يبقى بالمثل
أما الألفاظ
شتيمة مجرد شتيمة لنفس الشخص بالمثل ، نفس الشتيمة مفيش ذنوب ، أعلى دا اعتداء
فيه حاجات حرام نقولها الل هي اتهام في دينه زي يا كا.فر يا فاسق يا فاجر إلخ
سب الدين طبعا لا يجوز ومصيبة لمن يعرف معناه ومقدار حرمانيته
لو شتم بأب أو أم أو أهل لا يجوز ردها لأهله أو أبوه أو أمه لأنهم مش ظلمونا
دا الل أعرفه الباقي لا أدري
والله أعلم
هل رد الاساءه بنفس الالفاظ السيئه هاناخد عليها ذنوب

‏اللهم أجرنا من موت الغفلة، ولا تأخذنا من هذه الدنيا إلا وأنت راضٍ عنا 🌿

gehad54054’s Profile Photoجِهاد Free Palestine
الجزاء من جنس العمل
هل جزاء الإحسان إلا الإحسان ؟
من عمل لحسن الخاتمة نالها بفضل الله
ومن لا ، لا
أسأل الله أن يرزقنا حسن شكره والتوكل عليه وحسن عبادته وأن يجنبنا الذنوب ما ظهر منها وما بطن وأن يردنا إليه ردا جميلا
اللهم أجرنا من موت الغفلة ولا تأخذنا من هذه الدنيا إلا وأنت راض عنا

+ 1 💬 message

read all

السلام عليكم عايزة البس الخمار بقالي شهور بفكر وبرجع ف قراري خايفة مثبتش وارجع اقلعه لكن جوايا حاجه بتقولي أن انا كويسة من جوايا والله وربنا بيحبني ف لازم احاول اتقرب منه وارضيه بس ف نفس الوقت خايفة الشيطان يخليني اقلعه او كلام ال حواليا بعدين ، بجد تعبت اوي م التفكير 💔

وعليكم السلام ورحمة الله وبركاته
ربنا يهديكم للخير
-حسن الخاتمة مبيجيش لأي حد كده ، بيجي للي واخدها جد أو واخداها جد
-ربنا بيقول : فإذا عزمت فتوكل على الله
الل بيستنى اللحظة المناسبة عمرها م بتيجي
-نقارن ، لبس الخمار أكثر سترا مما أقل منه ، واسع وساتر وفضفاض ، فهو حاجة ترضي الله سبحانه وتعالى ، ليه نؤخر طاعة ؟
-أكيد فيه أهل نحاول نخليهم يدعموا ، صحبة صالحة نحاوط نفسنا بيهم ، مش هنسيب نفسنا للشيطان يعني وكلام الناس
كل من على التراب تراب
كمية الانحدار في مستوى الحجاب الشرعي بقت مرعبة ، البنات بقت بتتساهل تظهر جزء من شعرها أو جسمها بكل أريحية
فاحنا نبتغي رضا الله وطاعته في زمن القابض على دينه كالقابض على الجمر
والحجاب الشرعي الواسع الفضفاض بيربي صاحبته عن أغلب الل بيبلسوه ، فمنسوفش ولا ننتظر
فإذا عزمت فتوكل على الله
السلام عليكم 
عايزة البس الخمار بقالي شهور بفكر وبرجع ف قراري خايفة مثبتش وارجع

ماذا قَـال شَـهيدكُ المُفضل !🥀

deemakim48162’s Profile Photoالله يلعن الاحتلال ويحرر لبلاد
أشخاص كتير وأقوال كتير
أولا وقبل كل شيء
-كل أحاديث النبي صلى الله عليه وسلم لأنه ربنا جمع له بين النبوة والشهادة ، حيث توفي متأثرا بالسم
هذا سيد الخلق صلى الله عليه وسلم
-متى استعبدتم الناس وقد ولدتهم أمهاتهم أحرارا
"عمر بن الخطاب"
-إن الله ليزع بالسلطان ما لا يزع بالقرآن
"عثمان بن عفان"
-هتف العلم بالعمل فإن أجابه وإلا ارتحل
"علي بن أبي طالب"
-لو أن الناس كلما استصعبوا أمرا تركوه لما قام للناس لا دنيا ولا دين
"عمر بن عبد العزيز"
هؤلاء من السلف الصالح رضوان الله عليهم
ومن المعاصرين
-طائرات إيطاليا تطير فوق العرش أم تحته ؟
طالما تطير تحته فنحن معنا من هو فوق العرش فلا يخيفنا أحد
"عمر المختار"
-لا تأكلوا أسود بلادكم فتأكلكم كلاب أعدائكم
-لن نترك غزة وحدها
رحمة الله عليه
ماذا قـال شـهيدك المفضل

Do you think remote work suits, why or why not?

Depends
Whether it is halal or haram
Whether you have what it takes or not , for example ; Time , techincal facilities , required skills .. etc
And also it is very important to give your family and loved ones the same time you were used to give , otherwise this remote work will take you from them and them from you
In this modern era , remote work and remote educational academies are the greatest achievements of this era , if exploited properly
Again , properly
Do you think  remote work  suits why or why not

نسألكم الدعاء

أسأل الله أن يلهمكم رشدكم ويقر عينكم ويبعد عنكم شياطين الإنس والجن وأن يقضي لكم حوائجكم ويجعلكم من السعداء في الدارين وأن يؤتيكم من الخير كله ما علمتم منه وما لم تعلموا وأن يردكم إليه ردا جميلا
نسألكم الدعاء

السلام عليكم يا من أتابع ، أنتم في نظرى خيرة أهل الأسك اتابعكم ، وأستفاد منكم أسالكم الدعاء لي بفك الكرب و جزيتم خيرا

وعليكم السلام ورحمة الله وبركاته
اللهم اغفر لنا ما لا يعلمون واجعلنا خيرا مما يظنون
لولا ستر الله لكان وكان وكان ...
الحمد لله
أسأل الله العظيم رب العرش العظيم أن يفرج كربكم ويقضي حوائجكم وأن يكشف عنكم الهم والحزن والغم وأن يقر عينكم وأن يكتبكم من السعداء في الدارين وأن يقدر لكم الخير حيث شاء ثم يرضيكم به
السلام عليكم يا من أتابع  أنتم في نظرى خيرة أهل الأسك اتابعكم  وأستفاد منكم

- يقول رسول الله ﷺ... دعوة المرء المسلم لأخيه بظهر الغيب مستجابة، عند رأسه ملك موكل به، كلما دعا لأخيه قال الملك الموكل به: آمين ولك بمثل . رواه مسلم . - اسالكم الدعاء فو الله إنها لأيام ثقال 💔

mora_ali5136’s Profile Photo✨♛احہٰمد♛✨
أسأل الله الذي شق لموسى البحر أن ييسر لكم كل صعب وأن يفرج عنكم كل كرب وأن يجعل لكم من كل ضيق مخرجا ومن كل هم فرجا وأن يرزقكم من حيث لا تحتسبون يارب يارب
يقول رسول الله ﷺ دعوة المرء المسلم لأخيه بظهر الغيب مستجابة عند رأسه ملك موكل به

محتاجه رأي حضرتك ممكن

السلام عليكم ورحمة الله وبركاته
قرأت الرسائل كلها وحذفتها ثم هأجيب ع السؤال الأصلي
أنا كنت فاكر حضرتك مش متزوجة لغاية ما قرأت الرسالة الخاصة ب ده
حضرتك الموضوع ده خط أحمر بل مليون خط ، حضرتك مهما كان المشاكل بينك وبين زوجك مينفعش الاتجاه ان حد خارجي ممكن ينقذك ، حرام ، دي حياتك ، دا ابتلائك ، محدش يقدر يتعامل مع كل ده غيرك ، معرفش ايه الل حاصل بينكم لكن مش موضوعنا ، موضوعنا ان بوجود أسرة مينفعش نسيب الأسرة دي ونبص بره
هنقف بين يدي الله
كل الحجج الل بنفكر فيها مش هتنفع بين يدي الله ، كلها بلا استثنا ، المرأة مسئولة في بيت زوجها ومسئولة عن رعيتها ، كلكم راع وكلكم مسئول عن رعيته
دي نقطة ، خوف ربنا المفروض يكون موجود أكتر من كده ، لازم خوف وخشية ، ربنا حكم عدل ، قادر مقتدر ، شديد العقاب ذي الطول ، آه رحيم لل يستحق الرحمة ، بس منعصيهوش ونقول ربنا عالم بالحال
ملناش حجج
ومفيش حاجة اسمها حاولت ومنفعش ، جاهدت ومقدرتش ، الل ميجبش معاه مجهود ٥٠ ٪ لازم نعمل مجهود ١٠٠٪ وإن احتاج أعلى نعمله ، الموضوع حساب في الآخرة ، جنة ونار ، في كتير من المسلمين هيدخلوا النار قبل ما يدخلوا الجنة يتطهروا من ذنوبهم ، ومش سهلة ، مش سهلة خالص ، الغمسة الواحدة بتنسي نعيم الدنيا كله ، عذاب أليم ، ثم لأنهم موحدين لله مؤمنين بالرسول ربنا يرحمهم ويدخلهم الجنة بعدها ، لكن الموضوع جنة ونار ، احنا مش حمل النار ، لازم مجهود أكتر
الجزء التاني محدش يقدر ينقذ حضرتك ، كل الل بيستنوا مساعدة خارجية مبتجيش ، كل الل بيستنوا اللحظة المناسبة لقرار أو تغيير مبتجيش ، دي حاجات لازم نصنعها بنفسنا
الجزء التالت ، مهما كان الل حصل بين حضرتك وزوجك ، اسعوا للصلح عشان تتصلح حياتكم بإذن الله ، ربنا قال : إن يريدا إصلاحا يوفق الله بينهما
حكم من أهل حضرتك وحكم من أهله
وفيه بينكم أولاد ، أفضل مخرج هو استقرار الأسرة
رابعا ، طبعا أهل التخصص أدرى مننا بشغلهم ، قصدي الأطباء النفسيين ، وخصوصا إذا الموضوع مشكل عائق (زي م هو حاصل) على المستوى النفسي والاجتماعي وبيعوقنا عن التقدم في حياتنا ، ف آه، أنصح بشدة بزيارة أخصائية أو طبيبة نفسية .. وربنا يصلح الحال يارب
خامسا ، غير المحترم الل بيتكلم مع واحدة متزوجة وأنا باقولها بالفم المليان ، غير المحترم ، لازم ردعه وزجره وقفل كل الأبواب ف وشه
المشكلة أكبر مني ، لكن حاولت أقول رأيي ع قد م أقدر بما يرضي الله وأتمنى أكون أفدت

View more

محتاجه رأي حضرتك ممكن

+ 2 💬 messages

read all

نسيت الرمز 🎀

السلام عليكم
عذرا ع التأخير
قرأت الكلام كله
رحمة الله على والدي ووالدكم يارب وربنا يجعلهم في أعلى عليين
أما بعد
فحضرتك أول شيء في سن زواج ، طبيعي تفكيرك هيبقى كده ، شريك حياتك ، يا ترى مستقبلي شكله ايه ، النص التاني.. إلخ
دا تفكير أي شاب وأي بنت في سن الزواج
ودا محمود مش مذموم ، وقود لشيء كويس ، وقد يكون وقود لشيء وحش ، تمام.؟
يعني التصرف المبني على هذه الرغبة القلبية هو اللي بيحدد احنا ماشيين صح ولا غلط
يعني احنا في سن زواج والرغبة للارتباط مع شريك الحياة موجودة ، ايه تصرفنا بقى ؟
حضرتك بنت ، التصرف الطبيعي هو انتظار ابن الحلال الل هيجي يخبط ع بيتكم
وفي الأثناء دي إعداد النفس وبناء كياننا الخاص
حضرتك دكتورة صيدلانية ، نطور نفسنا في مجالنا ، وزوجة وأم مستقبلية فالحمد لله حضرتك ماشية صح خصوصا في دورات الشيخ الشعال جميلة ومفيدة .. شخص موفق
حضرتك ماشية صح
ايه الل حصل ؟
في ظل التفكير دا كله بزغ شخص ، عارفة لما حضرتك يبقى نفسك في فلوس وتقع فلوس حضرتك مش عارفة مسروقة ولا نظامها ايه ؟
هي دي الحيرة
لما تروحي محل ملابس وفيه دريس شكله حلو لكن ضيق ف لأ رغم انه حلو مش جايبينه عشان نرضي الله
هو ده نفس الشعور
بزغ شخص ، بس مخبطش ع الباب زي م كنا متوقعين
...
الأخ المحترم ده ربنا يبارك فيه ، مشي صح برضو ، لغاية خطوة الشات ، بعت وسيط يجس نبض ، بس شكله خوف بزيادة
فيه احتمالين
يا شاري ، يا بيلعب
لو شاري فهو الشيطان ضحك عليه خلاه يستعجل حاجة ودافعه خوف الرفض ومعرفة شعورك
لو بيلعب فهو زي أي حد بيلعب والأيام كفيلة تبين ده واحنا مفيش حاجة هتجرنا لكده
...
هنمسك في انه شاري
فيه احتمالين
يا هو أول حد يتقدم
يا حد يتقدم قبله
حضرتك هتعملي ايه ساعتها ؟
...
التشويش الل احنا فيه ده خلاصنا في حله
بالآتي :
-متعاملتوش شخصيا ، فمش لازم الانبهار ، الانبهار ممكن يروح مع أول حوار (نتعامل مع الوضع بعقلانية شوية)
-حضرتك شايفة صفاته كويسة ، جميل لكن مش كل حاجة ، ممكن أحسن اتنين ف الدنيا مينفعوش لبعض ، فالفيصل الرؤية الشرعية لو جه
-حضرتك هتستمري في بناء نفسك ، بأي حاجة ، وجديدة ، لأن الروتين بيخلي المخ في حالة راحة ، أما الجديد بيعمل update بسرعة فيساعد (حفظ قرآن علم شرعي ممارسة رياضة تعلم لغة تعلم كتاب طبخ .. إلخ)
-السوشيال ميديا بلاها الفترة دي ، وممكن لو بعدتي كتير هو يقرب ، ساعتها ولا أي اندهاش ، هتكرري ان مفيش شات وولا كلمة زيادة
-لو حد اتقدم قبله حضرتك أكيد هتوازني ، وراسمة لنفسك ليه صورة وااو فأي حد هيكون أقل ، لكن نصيحة تعرفي أخبار المتقدم ، لو قايلين ان باب الخطوبة مش مفتوح قبل ما نخلص خامسة خلاص الحجة معروفة ، ولو لأ والمتقدم غيره كويس ، عرفي والدتك بوضعك لو القلب لسة مايل (ان قريبكم قال كذا والوضع كذا ومفيش حاجة بيننا أصلا لكن
اتفق أنه هيتقدم بعد خامسة) رأيي ان حضرتك تعرفيها ساعتها
والحاجات دي نصيب كلها ، ربنا يقدر لحضرتك الخير ، أهم شيء التعلق دا نعالجه بالخمس نصايح دول ونزود عليهم علاقتنا بربنا وبأهلنا نقويها شوية ، يعني القيام والقرآن منسبهمش مثلا ، ونقعد مع أهلنا كتير ، هتفرق جدا
وربنا يقدر لكم الخير يارب وأتمنى أكون أفدت

View more

نسيت الرمز

+ 2 💬 messages

read all

🎀

ياريت الحوار كله عشان يبقى عندي تصور كامل للموضوع وأنصح بشكل أكثر إفادة
الحكم على الشيء فرع عن تصوره
من غير تفاصيل شخصية إلا السن والدراسة والعلاقة بربنا والعلاقة بالأهل وبنعمل ايه ف وقت فراغنا وبس
ويارب أقدر أفيد وكده كده هاجاوبه ان شاء الله دلوقتي أو لو انشغلت ذوية هيبقى أولوية النهاردة عاجلا بإذن الله

+ 2 💬 messages

read all

Next

Language: English