🔻حديثنا اليوم عن أحد أعظم القدوات من العلماء
🔻نتحدث اليوم عن الذي أجمع العلماء والمؤرخون أنه "المجدد الأول في الإسلام" على رأس المائة الأولى
🔻سليل الزواج الطاهر ؛ بين ابن الخليفة العادل المحدث العبقري عمر بن الخطاب ، وبين الفتاة الأمينة التقية الصالحة التي رفضت خلط الماء باللبن ، فهو حفيدهم
🔻تابعي جليل قابل الصحابة
🔻أشج بني أمية الذي بشر به عمر بن الخطاب
🔻رغم أنه وُلِد في بيت ملك ، إلا أنه تربى في المدينة النبوية حفظ فيها القرآن وكثير من الأحاديث وتعلم الفقه (لا تقولوا صغير ،صححوا معاييركم)
🔻وهو طفل صغير رأته أمه يبكي فسألته لماذا فقال : تذكرت الموت (أي قلب هذا)
🔻وهو طفل تأخر عن صلاة الجماعة فسأله شيخه لماذا فأجاب بسبب تمشيط شعره ، فأخبر الشيخ أباه فأجاب الأب أن احلق رأس الصبي (دور التربية الحازمة)
🔻كاره الظلم والظالمين (أشد أعداء الحجاج الثقفي الظالم)
🔻كان الذي لا يُجامل أحدا ولا يخاف في الله لومة لائم :
*الذي لم ينبهر من منظر الحجيج الكثير ، ولكنه فكر مباشرة أنهم كلهم خصماء الخليفة يوم القيامة
*الذي حين تأمل صوت الرعد قال : هذا صوت رحمته فكيف بصوت عذابه ؟
🔻معلم العلماء ، تربى على يد العلماء وهو شاب ، فكانوا يستفيدون منه أكثر مما يستفيد هو منهم وأطلقوا عليه : "معلم العلماء"
🔻الذي بكى بكاءا شديدا سمعه الناس يوم توليه الخلافة ، فخلع بيعته وقال أنه لم يطلبها ، وطلب من الناس أن يختاروا هم الخليفة ، فقالوا له : والله لا نختار إلا أنت (بويع بالشورى) فصار خامس الخلفاء الراشدين
🔻هو الذي ملأ الأرض عدلا ، وأخذ الحق من أقرب الأقربين ورده إلى المظلومين وعامة الشعب ، وكان لا يرضى الظلم حتى لغير المسلمين
🔻كان لا يأكل وهو خليفة إلا العدس
🔻راتبه وهو خليفة كل يوم درهمين
🔻وهو خليفة كان يملك ثوبا واحدا فقط ب٤ دراهم
🔻حاشتيه وهو خليفة هم الفقهاء ، وكان أغلب تذكيرهم له عن الموت فيبكي
🔻حينما تشتكي من السهر والتعب على مطلوبك ، استحضر هذا الاستحضار العجيب منه "تذكر سهر أهل النار" ..
🔻صاحب المقولة الخالدة التي يبنغي أن نستحضرها دوما :"لو أن الناس كلما استصعبوا أمرا تركوه ، لما قام للناس لا دنيا ولا دين"
🔻وهذه خاطرة عجيبة تأملوها : هل تعلم أن ثواب البخاري ومسلم ومالك وابن حنبل والشافعي والترمذي والنسائي وابن ماجة وأبي داوود وكل من ألف في علم الحديث وجمع الأحاديث النبوية ، ثواب ذلك كله في ميزان حسناته ، لأنه أول من دعا إلى هذا الهُدى ، أول من أمر بجمع الأحاديث النبوية الشريفة في كتاب ؟
🔻أتته امرأة تحكي له رؤيا عجيبة ؛ أن القيامة قامت وقد وُضِعَ الصراط ، فتقول : وأنت يا أمير المؤمنين .. لم تكمل حتى أُغمِي عليه ، كانت تقول : وأنت يا أمير المؤمنين "قد نجوت" (الله أكبر)
🔻مات مسموما فهو شهيد ، وعفا عن الخادم الذي دس له السم وأمره بالهرب حتى ينجو ، بعد أن أخذ الألف دينار التي أُغرِيَ بها الخادم لدس السم ، وأخرجها في سبيل الله (أي قلب هذا !)
🔻عاش ٣٩ سنة فقط وحكم قرابة سنتين ، فأي همة كانت لديه ؟! بكى الناس كلهم عليه وحزن عليه ملك الروم حتى
🔻آخر ما قاله قبل خروج روحه الطاهرة : تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِي الْأَرْضِ وَلَا فَسَادًا ۚ وَالْعَاقِبَةُ لِلْمُتَّقِينَ
🔻بشهادة سيدنا أنس بن مالك : ما رأيت أحدا أشبه بصلاة النبي صلى الله عليه وسلم ، من عمر بن عبد العزيز
رحم الله الإمام الزاهد الورع الحازم العادل العالم المجدد عمر بن عبد العزيزView more
لتفرقنا أيضا ، وأكلنا بعضنا
حسبنا الله ونعم الوكيل
يقول ابن عساكر رحمه الله : لم يسبق أن تغلبت أمة متفرقة على أمة مجتمعة
فنسأل الله أن يجمع شمل أمة محمد صلى الله عليه وسلم ، وأن يوحد كلمتهم على ما يرضيه يارب ، وأن يحرر المسجد الأقصى الأسير
+ 1 💬 message
read all
الحمد لله ويارب حضرتك تكون بخير يارب
أخي العزيز
شكر الله حسن ظنك بي وغفر لي ما لا تعلم وحفظك من كل مكروه وسوء وشر
حاسس بيك ، ربنا يكرمك ويوفقك
وخصوصا ان دي آخر سنة والواحد لسان حاله : المفروض خلصنا بقى ايه حياة الطلبة المملة دي احنا كبرنا ع الحاجات دي يارب التخرج يبقى بكرة
(استعجال وملل ، وضياع بوصلة أحيانا ، الل هو سؤال نفسك ماذا بعد وعاوز تخطي المرحلة دي وخلاص)
ربنا الل أنعم عليك بالكلية دي من حيث لا تحتسب ، وافتكر حالك ف الثانوية ساعتها ، قادر جل جلاله ينعم عليك بفتح كبير في المذاكرة لو توكلت عليه
فالهمة الهمة
اعتبر لسة شهر وبعدين تبدأ مراجعة لكل امتحان
بص للامتحان من دلوقتي ، متركزش ع حاجة تانية خالص
١.ابعد عن المشتتات ، التركيز مش معناه أنا هاركز على الشيء الفلاني ده ، التركيز معناه الحقيقي : أنا هابعد عن كل المشتتات
تأمل يومك هتلاقي أشياء كتير بتضيع وقتك مش هتفيدك ع الأقل في الوقت ده ، وممكن تندم عليها فيما بعد
أول شيء خالص تبعد عنها وتخلي يومك متفرغ للفروض ، ثم المذاكرة وبس
٢.ادخل الامتحان ، متأجلش ، ادخل وملكش دعوة وتوكل على الله
الل بيقوللك ده أجل مرات ودخل الامتحان مرات ، ومفيش فرق ، هي هي والله العظيم
انت آخرها هتجيب جيد جيد جدا امتياز ، بإذن الله هتنجح أبشر ، مفتكرش ف غير كده
السنة هتخلص ، وسوق العمل هيبتدي ، متضيعش وقت
انت وأهلك ربنا يبارك فيكم كلكم عاوزين تفرحوا بالتخرج
انت عاوز تخلص وتشوف الحياة العملية بقى وتفكر ف مستقبلك زواج أو تحضير أو سفر .. إلخ
فمهمتك الأساسية دلوقتي ذاكر أحسن ما عندك وان شاء الله ناجح وبتقدير كمان
٣.انت بتذاكر منهج السنة كله وتيجي عند الامتحان وتذاكر ملخصات وتحس نفسك ناسي المنهج ، ابدأ من اللحظة دهي ملخصات وحل أسئلة
ابعد عن التليفون واعكف ع الكتب والكتابة
٤.احنا ممكن نتوسل إلى الله بأعمالنا الصالحة ، والذنوب بتمنع الرزق ، ابعد عن اي ذنوب وصالح أهلك واستسمحهم ، وقول يارب بحق توكلي عليك اكرمني ، توكلت عليك يارب ، وابدأ
وبص يا حبيب : اعمل الحاجة واندم عليها أحسن م متعملش حاجة خالص وتندم كده كده
وربنا ما يجيب ندم
جيب ملخصات وأسئلة وادخل بيهم
وخصص ساعة ف اليوم لڤيديوهات العملي
٥.ابعد عن التليفون ، هياكل وقتك زي م النار بتاكل الهشيم
٦.متفكرش كتير ، متتخيلش ، ابعد عن الأوڤرثنكنج
٧.هتذاكر وهتنسى الل ذاكرته من التوتر ، عادي ، مخك بفضل الله هيستدعيه ف الامتحان ، المهم خلص بدري عشان تراجع كتير ، وباقوللك ملخصات وأسئلة امتحانات وڤيديوهات عملي ، مش طالب منك أكتر من كده
٨.توكل على الله وربنا هيكرمك
ابدأ العمل ، كل الل استنوا اللحظة المناسبة عمرها م جت ليهم ، احنا الل بنصنع اللحظة المناسبة بفضل الله وتوفيقه ، واللحظة المناسبة لأي شيء هي دلوقتي ، ابدأ دلوقتي ودعواتنا معاك
وفقك الله وأكرمك وبإذن الله تبقى تبعتلي تبشرني بنجاحك الباهر وتخرجك ع خير
أبشر وتوكل على الله ولا عدمت الخير من رب يضحكView more
هو للدرجادي حضراتكم مضحوك عليكم ؟
للدرجادي المواضيع دي فيها لعب وتفاهة وانحطاط بالشكل ده ؟
لا حول ولا قوة الا بالله
هو قصده انه قليل الأدب وتافه ونفسخ معاه عشان بيحب التسلية ربنا يهديه
وبانصحكم كأني بانصح أختي
هديهالهم هم الاتنين هم شورة خير مع بعض
وأدعو الله أن يقيني بذلك الخالص لوجهه من عطش يوم القيامة
لا أدري
البول والاخراج كده كده من النجاسات
ولكن لأنه صبي ربنا خفف من نجاسة البول
النبي قال : ينضح من بول الصبي ، ويغسل من بول الجارية
أما اللبن الصناعي هل يغير الحكم ؟
فيها خلاف ، فلا أدري
نصيحتي سلوا شيخا ، وإلى حينها خدوا بالاحتياط
والله أعلم
مَنْ كَانَ يَظُنُّ أَنْ لَنْ يَنْصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لْيَقْطَعْ فَلْيَنْظُرْ هَلْ يُذْهِبَنَّ كَيْدُهُ مَا يَغِيظُ
هذه الآية نزلت في النبي صلى الله عليه وسلم ، نكاية وكيدا في المشركين
ينصره = الضمير عائد والشرف للضمير على النبي صلى الله عليه وسلم
وقد رأينا نصره في الدنيا ، فهل في البقية من شك ؟
لأ ، هو نزعته ذكورية فجة ، ودي مناقضة لهبل الفيمينيست ، والاتنين غلط ، والصح الاعتدال
كلامه ما بين أسلوب فظ ، أو حقائق مغلوطة
ربنا يصلح حالنا جميعا
+ 2 💬 messages
read all
سيدنا آدم هو وسيدنا موسى تحاجوا زي م النبي قال صلى الله عليه وسلم ، لما التقت أرواحهما في السماء
سيدنا موسى كأنه بيعاتب سيدنا آدم وبيقول له أنت الذي خلقك الله بيده وعلمك الأسماء كلما ، أكلت من الشجرة وأخرجتنا من الجنة
ف سيدنا آدم قال له فيما معناه أنت موسى الذي اصطفاك الله برسالاته وكلامه وشق لك البحر ، أتلومني على أمر قدره الله عليّ قبل أن يخلقني بأربعين سنة ؟
تعقيب النبي صلى الله عليه وسلم على المناظرة دي هو بيعلم الصحابة قال : فحج آدم موسى ، فحج آدم موسى ، فحج آدم موسى
يعني سيدنا آدم كانت له الحجة والغلبة في هذا النقاش بين اثنين من أعظم البشر على الإطلاق عليهم وعلى نبينا محمد الصلاة والسلام
طيب نتعلم ايه ؟
ان سيدنا آدم ربنا كان كاتب عليه المعصية ؟ انه اتجبر على المعصية ؟
لا ، حاشا لله ، مش ده المقصود
لأن الأفعال اللي الإنسان بيطيع ويعصي فيها ، مخير مش مسير ، ليه الحرية مش مجبر
أومال سيدنا آدم يقصد إيه ؟
يقصد نتيجة هذا الفعل ، ربنا قدرها وانتهى ، سيدنا آدم خرج من الجنة بأكله من الشجرة ، ولا تدخل لأحد في هذا
ربنا قدر ان نتيجة حلنا في الامتحانات هي الكلية الفلانية
بغض النظر عن أي حاجة ، وبغض النظر عن اجتهادنا ، ربنا قدر ان نتيجة الثانوية العامة تكون الكلية دي
منعترضش على قدر الله
أصل كده كده قدر الله نافذ
رضينا ، مأجورين ، وقدر الله نافذ ، وربنا يرضى عنا
مرضيناش ، قدر الله نافذ برضو ، لكن علينا ذنوب ، وربنا هيسخط علينا
مين حمل سخط ربنا عليه ؟
احنا عبيد لله
نرضى بكل أقداره ، ربنا بيقول :"ليس لك من الأمر شيء"
وبعدين كليات القمة دي أكبر كدبة
ياما ناس فيها ومش ناجحين
وياما ناس في كليات تانية حققوا ذاتهم ونجحوا وتفوقوا
النجاح في الحياة هو استغلال الفرص
ليه منبصش للكلية دي انها فرصة ؟ ونبص للأمثلة الناجحة اللي فيها ونتطلع ليها ؟
وليه نبص للنجاح في الحياة انه كلية بس ؟
ربنا مقصر مع حضرتك ؟ حاشاه
الكلية أفضل شيء بالنسبالك خلاص ، وغير حضرتك متعلمش ولا لقي كلية ولا أهل يصرفوا عليه ، أهل حضرتك ربنا أحسن لكم بيهم ربنا يبارك فيهم ، الصحة والخلقة والرزق والتوفيق كل دا مش راضيين عنه ؟
بكرة يبقى فيه زوج وأبناء ربنا يرضى عنكم وسعوا مدارككم
ربنا بيقول : والذين يحاجون في الله من بعد ما استجيب له حجتهم داحضة عند ربهم
بمعنى ؟
الناس الل مش راضيين يؤمنوا بعد ما جاءت لهم آيات ، وناس تانية آمنوا ، ملهمش حجة لأن ناس آمنوا بنفس الحاجات دي
وبالمثل ، حضرتك ملكيش حجة عند ربنا ، ربنا أقام عليكي الحجة برضا زمايلك الل دخلوا كلية عادية من وجهة نظرك وراضيين ومسلمين أمرهم لله
انظروا لحال إخواننا في غزة
أحسنوا الظن بربكم الل اختار الأحسن ليكم
بصوا لكل النعم الل ربنا أنعم عليكم بيها واشكروه بدل م تتاخد منكم بسبب عدم رضاكم
وتطلعوا للنماذج الناجحة في حياتكم وان شاء الله ربنا يكرمكم
ربنا يرضى عنكم ويكرمكم ياربView more
وعليكم السلام ورحمة الله وبركاته
ربنا يكرمكم ويوفقكم يارب
عادي بتحصل
كثرة المذاكرة والتكرار والتركيز ع الحاجات الأساسية هيساعد ان شاء الله
تذكر الأسئلة دي وكتابة إجاباتها ومذاكرتها لأنها بتتكرر هيساعد ان شاء الله
نزول العيادات وسؤال الدكاترة هيساعد
العيادات الخارجية أفيد وأكثر استفادة
اما الطوارئ هيكون إشغال عن المذاكرة ، وهيكون معظمه شغل السوق فمفيش إفادة أحسن حاجة
لكن أي جهد هتبذلوه هتجنوا ثماره ان شاء الله
ثقوا بالله ، واصبروا ، محدش بيتولد عارف كل حاجة ، حتى أشطر استشاري في تخصص ما ، مبيعرفش معلومات كتير بدائية ف تخصص تاني مش بتاعه
عادي ، لا تثقلوا على أنفسكم
ربنا يوفقكم ويكرمكم
