• باليوم اللي توفى فيه بابا...💔😔 الناس كلها بعالم ، وانا بعالم تاني ... كل تفكيرهم بالدفن .. وصلاة الجنّاز و غيرها !! • اما أنا .. فكنت عم فكر .. إني عن جد ما رح اشوفه مرة تانيه ؟؟!! طب وهلأ شو لازم اعمل مشان اشبع منه ؟! كل الناس موجودين .. طب هو وين !! بهيك لحظة بتحس انك تايه بين عالم غريب ... بتشوف العالم كلهم مشغولين، ولسانك يلي عم يحكي معهم ، إنما مخك وقلبك وعيونك بعالم تاني... باللحظة هي .. بتندم على كل فرصة ضيعتها من دونه .. و على كل حضن كان مفروض تحضنه فيه ، وعلى كل كلمة حلوة المفروض تحكيها وما انحكت ، على كل ضحكة اتخبّت وما طلعت .. وبعد ما يندفن بتصير تتذكر لحظات مزحه معك وضحكته وقوته وحنانه .. وهلأ .. يلي اندفن قطعة مني .. وهي القطعة راحت وما رح ترجع .. هي قطعه من العمود الفقري بتنكسر ، بس مش من العمود الفقري تبع ضهرك ، إنما العمود الفقري تبع حياتك هاد الوجع الوحيد اللي ممكن ازعل عليه ، او احكي عنه ، وأي وجع بحياتي مر او رح يمر .. "جداً تافه" مقابل وجع موتك يا بابا 💔