لو أنا عندي ٢٤ سنة وفي كلية طب أخر سنة لي بس عمر ما اتقدملي عرسان ,دي مشكلة فيّ ولا عادي ، أنا مش زعلانة ده نصيب بس احنا من أرياف و كل اللي حواليا بيحسسوني إنه مش هيجيلي حد كويس عشان بكبر وإنه خلاص هرضى بأي حاجة وخلاص ف الأخر ومحدش بيحب يتجوز الدكاترة عشان شغلهم صعب
كل واحد قيمته من نفسه مش من أى حاجة تانية، لا كاريره ولا بلده ولا مستواه، حضرتك اللى هتتجوزى مش اهلك فهما تمامهم النصح وأمنيتهم سعادتك إنما مايسعوش يتدخلوا بشكل يقلل منهم زى ده،ده فعلا يقلل منهم هما مش منك، دى مش مشكلة فى حضرتك أبدا، المشكلة الفعلية إنك تختارى حد مش مناسب
ممكن تفاصيل
لأ عادي الدكاترة بيتجوزوا ويعيشوا حياة طبيعية ..
معلشي هو الضغط المجتمعي صعب، لكن لو بصيتي بنظرة أوسع .. احنا نص دفعتنا تقريبًا مش مخطوبين ..
عادي .. انتِ واحدة لسة بتدرس، لسة عندك امتيازك .. تكليفك .. شغلك .. فيه حاجات كتير تنشغلي بيها ..
وان شاء الله ربنا يبعتلك نصيبك الّي ترضي بيه ويرضيكِ ..
المهم مش أي حد يجيلك ترضي بيه علشان تخلصي .. استحملي وربنا مش هيضيع صبرك دا .. وهيجبرك ..
وادعي ربنا كتير.
لا عادى لسه بدرى وما تستعجليش
قوليلي انتي فين وانا اجيلك😂
ان شاء الله هيجي ابن الحلال ال يستحقك
اجمل نساء الدكاتره ❤️❤️
طب حياتهم بتبدأ بعد ال30 عادي
ملوش علاقة بالشغل بس الاهل والبنات بتتعلم الاغلب عشان تتزوج من طبقة معينه ودول بتاخروا او مبيحصلش او بيحصل اختيار اسوء🧚♀️🌀
أول حاجة ربنا يرزقك بالزوج الصالح اللي يقر به عينك بس خلينا نوضح ليه ممكن ميحصلش تقدم من حد مع إن أغلب الظروف مهيأة
١- في فعلا حد مش حابب طبيعة شغل الدكاترة من سهر وسفر وإرهاق وخلافه
٢- في حد شايف إنك أعلى منه علما بكتير وده الغالب في الأرياف فهيقول أنا ازاي هتجوز دكتورة وانا دبلوم مثلا
٣- السن ملوش سقف و٢٤ سنة بالنظرة المجتمعية مش كبيرة خاصة لو في القاهرة
٤- إوعي تقبلي بحد لمجرد الخوف من قطار العمر عشان ميحصلش ندم بعد كده
٥- ادعي كتير وربنا هيوفق
٦- كملي دراسات عليا لإن كتر الاحتكاك بنفس الطبقة بيحصل كتير منه انجذاب لأحد الأطراف مكانش بيبقى قادر يشوف حد في البكالوريوس بسبب الكثرة واللغبطة
٧- ادعي كتير وربنا هيوفق
