فعلا انا نفسيا مش مرتاحة،عايزة اقوم من النوم وابص في المراية واقول لنفسي ان انا مش ضعيفة وانا قوية واقدر اتخطي ثغراتي النفسية واقدر احط نفسي بنفسي علي الطريق الصح،انا مش محتاجة حد يرمم بعثرة قلبي يمكن اكون ف الوقت اللي لازم اكون فيه لوحدي
كلامك جميل اسعدني كتير ❤️
ادعيلي دعوة لعل الله يستجاب منك
اتمني من ربنا يهديلك الطريق وتفوقي وتحسي بقيمتك والله انتي عظيمه بس مش مكتشفه ده ❤️ اسأل الله العظيم رب العرش العظيم ان يهديلك نفسك ويسكن الطمئنينه قلبك ويوفقك ويهديلك حياتك لما يحب ويرضي يارب
انا مدرستهاش الحقيقه لسه 😂 بس النطق العلمي ليها اسكيزوفرنيا هو مرض نفسي بيصيب الانسان اسمه بالعربي انفصام الشخصيه هو اضطراب ف تصرفات ااشخص الي هو ممكن يكون قليل الحركه بشكل مبالغ فيه او عنده فرط حركه ممكن يكون قلقان بشكل مبالغ فيه حركته مش طبيعيه بمعني اصح بيتحول من طبيعته الاصليه لطبيعه اخري لم تشاهدها ع هذا الشخص من قبل
الموضوع صعب اني ابطل اتعلق بالناس فكرت اصاحب كتير بس كانت علاقات سطحية ،كنت محتاجة صاحبة واحدة تكون اخت ليا بجد ،بس تقريبا الكل عنده فوبيا من الصداقة بشكل عام بتقصر معناها علي خد وهات والمصلحة وبس ،الموضوع مش مادي فانا اللي بعوزة اهلي بيوفرة ليا ،يعني ايه قلبي ابيض ؟ممتنة ليكي انك سمعتيني 💙🌼
انتي ليه بتدوري ع صاحبه! ليه ؟! ما تصاحبي نفسك مش بهزر كل يوم احكي نصايه معاها واستشيريها وخلي العقل يرد ولو اتزنقتي ف ماما او اختك يابنتي ف الزمن ده الي لم تصنعي لنفسك كيان هتنداسي اتعلمي الاكتفاء واتعلمي ان الوقت بسجري لازم اقوم واتحرك الحياه مش سعله بس مش صعبه لو حاولتي اتزنقتي ف موقف ف صلاه اسمها صلاه الحاجه عاوزه تحكي احكي لربنا ف الصلاه عوزاه يكلمك اقرأي قرآن انا متبعه الموضوع ده من فتره وصدقيني لسه بادئه ارتاح بعد معاناه قلبك ابيض يعني طيبه طيبتك مخلياكي تصدقي الصور الي حواليكي مش معني اني بهزر يبقي مش زعلانه اكبر دليل انا واحده من الناس محدش يعرف انا زعلانه ولا فرحانه طول الوقت بهزر واضحك وتبين اني مبسوطه كلنا عندنا مشاكل متحسيش انك لوحدك وخليكي فاكره ابتلائك ع قد تحملك فاعرفي ان الشيله دي شيلتك وموضوعك ع قدك وهيعدي خدي الامور ببساطه كله بيعدي خليه يعدي وانتي قريبه من ربنا احسن ❤️ انا مبسوطه بيكي وبكلامس معاكي والله ❤️
عرفت اني ضعيت نفسي في زحمة الدنيا وبقيت غريبة عنها لدرجة اني مش قادرة اتقبل حقيقة نفسي واشوف ضعفي وعيوبي ومميزاتي وجهلت مواطن قوتي حتي ،
اتكلمت كتير وكلت دماغك ادعيلي دعوة حلوة
عيب عليكي الناس للناس 💕❤️ بصي ياستي انتي محتاجه صحبه صالحه الصاحب الي يخليكي طول الوقت حاسه انك فقيره يتساب او طول الوقت محسسك انه جميل وانتي وحشه يتساب الصاحب الي رغم الفروق الماديه مبيتكلمش فيها ومبيجيبش سيرتها يتصاحب واهمهم الصاحب الي ياخدك ع المسجد والي ياخدك للمصحف دوري ف نفسك ع دول اكيد قابلتيهم بس كان ف غشاوه احب اطمنك انك تعترفي انك وقعتي وانك فاتك حجات دي بدايه الطريق اقف بصي لحياتك وارضي بيها واتباهي بيها انتي مش وحشه ولا فقيره مفيش حد فقير الفقير فقير القلب وانتي قلبك باين عليه ابيض انا هنا لو احتاجتيني اي وقت اتمني اخدمك واساعدك ❤️
لو فعلا بتحب حد والظروف حكمت تماماً تماماً تفقده، روح واكشف قدامه مرة على الأقل إن فراقه هزك، وإنك بتعاني عادي؛ لأنه ميستحقش يحس إنه متحبش، ومتزعلش عليه.
بلاش 🌺 بلاش ترجع هتلاقي رفض وهتحس ان انت الي مش كفء وبدل ماترجعله ثقته هتفقد انت ثقتك ف نفسك 🤷♀️ ف الحالتين انت بعدت وهو عاني بما يكفي فخلصنا ليه نفتح جرح كان ع الاقل انخمد شويه وف الحالتين كانت علاقه محرمه ففي الحالتين محدش ظلم التاني انتوا الي ظلمتوا نفسكم 🤷♀️
هو انا ليه مش زي باقي البنات يعني لا مال ولا جمال ولا اي ميزة خالص ولا اصحاب ولا احباب
انا تقريبا مش عايشة اي حاجة خالص زي البنات اللي بيخرجوا ويتفسحوا ويعيشوا حياتهم،حتي هواية مفيش ،تعليم مبقاش يهم، ياريتني كنت ولد علي الاقل اقعد علي القهوة براحتي بدل قعدتي جمب الحلل ف المطبخ
عارفه ليه علشان انتي مش راضيه الرضا دا مفتاح الحياه مش راضيه عن شكلك مع ان ف ناس كتير بتحب تبقي شبهك وان كان مبيبينوش مش راضيه عن المال مش بالغنا والفقر بيبقوا اغنياء بس برضو مهلهلين وميبنش عليهم نعمه والعكس السر ف الحمد والرضا اما الموهبه دي هبه ربانيه انتي عمدك الي مش عندنا بس اسعي ودوري ف نفسك متشغليش بالك بغيرك هتتعبي ركزي ف نفسك وحبيها ودليلها ❤️