احيانًا لازم تختار انك تكون أناني لما تتبسط بحاجه ، أو لما تحس بشعور قوي جدًا جواك و حاسس انك مش هتقدر تعبر عنه .. على الأغلب مفيش حد هيتبسط بيها قدك ، و محدش هيفهم أو يحس اللي جواك غيرك .. ف لو عايز الشعور ده يفضل جواك و تحافظ عليه بكل تفاصيله من الاخر حاول متقولش لحد ، عشان يفضل شعورك زي أول لحظه حسيته فيها جواك ?
مفيش حاجه بتضيع عند ربنا لو أنت نسيت ربنا مش بينسى أحلامك أمنياتك دعاءك كل حاجه كان نفسك فيها في يوم عمرها ما بتروح و لا هتروح عند ربنا لو أنت نسيت ربنا مش بينسى ....
التعامل المحايد مع حاجه خانقاك او شخص مضايقك حاجه عامله زي المسكّن المنتهي الصلاحية .. ملوش لازمه مهما كان هو ايه من الاساس .. في الاول و الاخر ملوش لازمه برده .. ولا كأنك بتعمل حاجه انت بتوهم نفسك ان فيه حاجه هتخف بالمسكن ده برغم انه منتهي الصلاحيه يعني صفر
بدفع ال٢٠ جنيه العاديين بتوع التاكسي ف لقيت الراجل بيقولي هو انتِ متعوده تروحي ب٢٠ ؟ مفهمتش السؤال ! ايه يا باشا مشكلتك ايه ؟ قال المفروض المشوار ده ١٥ قولتله لا انت مش فاهم معلش احنا هنكمل لـ.. قال اه الحته اللي كذا كذا ... قولتله اه قالي طيب ! برده ١٥ و دار بيننا حديث عميق عن نصب السواقين و استغلال الناس لدرجه انه حكالي عن واحد كان في نص المنصوره و رايح الموقف مشوار اخره ٣٠ يعني راحه ب ٦٠ جنيه ?? و انا بنزل قالي مش مفروض اوريكي حاجه زي كده بس بصي العداد مش مكمل في مشوارك ال١٠ جنيه حتى ?? ساعتها افتكرت تاكسي رايق اوي خد مني ٢٠ و من اللي قدام ٢٠ و مش اول واحد يعمل كده الحقيقه نفس المشوار ب٤٠ جنيه ! فوق يا باشا مش ميكروباص هتلم من كل واحد اجرته ناس عايشه بضمير خنازير ..
متنبهرش في نص السباق بأي حاجه وصلت لها لإنها مش دايمًا هتحدد لك ايه ممكن يحصل في الآخر .. فيه حاجه كده بتقولك "العبره بالنهايات" ف اصبر ، لسه متعرفش مكتوبلك ايه ..
٢٨/١١/٢٠١٩ من أجمل الأيام اللي عدت عليا و خلاص هيبقا يوم للذكرى بجد و الله الحمد لله على اليوم ده و كل اللحظات الحلوه اللي كانت فيه و ممتنه من قلبي لكل التفاصيل الجميله اللي عيشناها انهارده ???
عارف انت اما تكون ماسك لوح ازاز .. و مبهور بيه و فرحتك انه في ايدك دي كبيره اوي و تكه و هتعيط من كتر ما انت مش قادر توصف .. برغم انه ازاز ممكن في أي وقت يقع يتكسر و لا يتشرخ ... ف ايه بقا الناس كل ما تعدي تعلم لك ع الازاز .. مره ورا التانيه ورا العاشره تلاقي اللوح بقا خلاص صفر و اخرها يقع منك في الارض و يتكسر . صدمه وحشه اوي بعد فرحتك وقت ما كان بين ايديك و صدمه وحشه انك أبدًا ملكش ذنب في اللي حصل ده .....
الله يعلم كيف يرتبها كل مره ليعيدك إلى الطريق الذي اختاره لك من البدايه .. يعلم كيف يواجهك بنفسك و يريك حقيقة ما بداخلك كلما اختلطت عليك الأفكار و ابتعدت و انعزلت .. يعلم قدر حبك للبقاء .. يعلم راحة قلبك و كيف يذيقك إياها .. لكن لا قيمه للاطمئنان إن لم يعتريك الخوف و يسكن أرجاءك القلق ... نسيبها على ربنا بس و نصبر .. أكيد خير إن شاء الله ?