مش دايمًا الموت بيستناك لحد ما تعمل كل اللي نفسك تعمله في حياتك .. او ع الاقل اللي كان نفسك تعمله قبل اللحظه دي في لحظه هتلاقيه بيتفرض عليك و تلاقي نفسك مش عندك و لو دقيقه بس تسلم فيها على اللي بتحبهم حتى .. عمر ما حد هيحس بكمية الألم و الوحده اللي أنت حاسسها جواك في اللحظه دي .. ماشي و سايب كل حاجه كانت في يوم من الايام بتتنسبلك باسمك دلوقتي كل حاجه هتفضل موجوده كأنك لسه عايش لها .. بس صاحبها معدش موجود و المؤلم أكتر ان دي النهايه اللي مكتوبه علينا من قبل ما نتولد الموضوع مرعب و مخيف اوي و الله
يجمااااااااعه انا لقيت القلم الاصفر ?♥️♥️♥️♥️♥️♥️♥️♥️♥️♥️♥️♥️ و احب احمد ربنا جدًا والله لإن الموضوع كان مأثر فيا + هو مش قلم اصفر هو بس كان تشبيه و دي كنايه يعني مش اكتر .. المهم انا فرحانه جدًا اني لقيت اللي كان ضايع ده و الله ♥️♥️
جميعهم يعلمون .. و لكن أنت فقط تُقدِّر غالي جدًا شعور ان حد يسخّر لي وقت في حياته يكتبلي حاجه من قلبه او ينزل يشتري حاجه يفرحني بيها او حتى يقعد مع نفسه و لو دقايق يفكر فيهم ازاي يفرحني الحمد لله و الله ♥️♥️♥️♥️♥️♥️
كل الحب كل الحب كل الحب كل كل الحب للناس اللي بتقدر قيمة الشخص و تعرف تديله حجمه و تميّزه عن باقي الناس سواء بفعل بنظره بموقف .. أو حتى بوقت بيديهولك مبيديهوش لحد .. الناس اللي بتقدر تستوعب أنك استثناء مينفعش يتساوى بحد .. من قلبي و الله انا بحب الناس اللي بتقدر جدًا .. يمكن تكون مواقف صغيره بس و الله بيبان فيها تقدير اللي قدامك ليك و انت بالنسباله ايه ..
.. الاول كان حلو برغم اني كنت وقعت على دراعي الشمال و دراعي فضل واجعني بتاع ٣ اسابيع اول اسبوع منهم مكنتش بعرف احركه .. مجرد ما كنت بعمل بيه اي حاجه كنت بحسه هيتخلع من غير مبالغه بس عادي التجارب مش ببلاش ، و التاني لسه مجربتوش بس متحمساله مرّه مرّه متحمساله ?♥️♥️
يعني ايه ازيك يعني حرفناها من كلمة ايه ؟ كيف حالك بقت ازيك ازاي يمكن أصلها :ازاي احوالك ف احنا اختصرناها :ازاي ك و بما اننا اوقات بنكسل نكتب المدود يعني مثلاً ممكن تيجي تكلم حد بدل متقول يا خنزير تقوله يخنزير كسلاً منك أو ياما نفسي ف تختصرها يمنفسي نفس الكلام بدل ما تكون ازايك خليناها ازيك ؟ كويس ، عامل ايه ؟ كويس ، اخبارك ايه ؟ كويس بس كده طب كويس دي جايه ازاي ؟ هذا ما سنعرفه في الحلقات القادمه أو السابقه .. انتظرونا أو متنتظروناش عادي هننزل حلقاتنا برده أو مش هننزل .. حط طحينه أو متحطش .. اي في اي
يمكن يكون في سؤال جواك أو حاجه شاغله بالك ف ربنا يهيء الأسباب و يخلق موقف يحصل يديك اجابه .. و يحسسك بشعور حلو و يطمنك بعض الشيء وسط الحيره اللي جواك .. لكن يفضل نفس التساؤل بيدور في بالك أه بنيت فكره عن الإجابه اللي ممكن تلاقيها .. و لكنك لسه برده مستني الاجابه الحاسمه اللي هتحدد لك الطريق ... ...
عارف مثلاً أما تشتري علبة ألوان كامله و انت مش محتاج الا اللون الأصفر اللي فيها ف تشتري العلبه كلها و عادي فداك يا لون يا أصفر .. يجي عليك يوم بقا تفتح العلبه و تلاقي كل الالوان موجوده .. إلا الأصفر! و الله حصل الحاجات اللي بتضيع دي هلاقيها في الثقب الاسود و لا الثقب الاسود بحاجاتي اللي فيه هيضيعوا يا دونياا هاتي كمان هاتي على دماغك
هل تؤمن بالمقولة التي تقول "تظاهر أنك كذلك حتى تصبح كذلك"؟
أؤمن و لا أؤمن فيه حاجات أه لو تظاهرت بيها كتير يمكن تلاقي نفسك حتى ولو بغير ارادتك .. خلاص أنت بقيت كده فعلاً و التظاهر ده بقا حقيقه و فيه حاجات مهما حاولت تنكر حقيقتها جواك و تتظاهر بغيرها الموضوع هيعك منك جامد و هتلاقي نفسك في لحظة ما بتنفجر لإنك خلاص معدتش قادر تتظاهر غير باللي جواك فعلاً