الفرق بين الصورة اللي بنشوف بيها نفسنا وبين حقيقتنا كبير قوي.. يمكن عشان كده عبقرية الزمن إنه بيكشف كل حاجة مهما ضحكت على نفسك وزيفت كتير.. الزمن بيوريك مرايتك بكل عيوبها مهما حاولت تنساها أو تغمض عينك عنها.. صدق الزمن وسيبه يوريك المراية وماتخافش من اللي هاتشوفه.. حب كل حاجة هاتظهر جواك.. يمكن ساعتها الحياة تفرق معاك !
صباح الخير جدااا جدااا 🌻 💛
صباح السعادة والبهجة لقلبك 🌻🌻
أتمني الدنيا تكون حنيّنه ، وجَميلة ع قلبك النهاردة وبكرة وكل يوم والله ♡♥️
ربنا يرضى عنك ويراضي قلبك بالخير والفرح
عارف الحرب فين؟ إن وسط الدنيا اللي دايمًا عكسك.. وبشر عاوزينك تبقى زيهم.. حربك تحافظ على إن خطوتك تبقى اتجاهها لقدام وبس.. ومهما حصل ماتستسلمش لاحباطك ولا تسمح للناس يرجعوك خطوة واحدة لورا !
طب أقولك سر؟ أنا مش بعرف أتعامل مع الجانب المزيف من الناس.. الابتسامة المصطنعة و"حضرتك" و"كلك ذوق" و"نورتني".. مش بحب الرسمية و"الاستذواق".. بخاف منها وبخاف من كل حاجة البشر "اتعلموها" عشان يبانوا كويسين.. بحس إني نفسي اقولهم "انجزوا".. طلعوا اللي جواكو وخليكو "بني آدمين".. اتكلم زي ما بتكلم أهلك واصحابك واغلط واصرخ واشتم.. احكي لما ظلمت أو اتظلمت ولما انتقمت أو حد انتقم منك.. عاوزني على طبيعتي؟ خليك على طبيعتك البشرية عشان أنا بخاف من اللي جواك وانت مزيف هقبلك زي ما انت.. هقبل منك كل حاجة وانت على حقيقتك.. ومش هاصدق ألف كلمة "حلوة" منك وانت على النسخة المتبرمجة من احترام متعلمه !