الميك اب مش حاجه اساسيه في حياه البنات ودي حاجة مجرد بتزيد جمالهم وللعلم الصوره دي مفهاش نقطه ميك اب ممكن حد يدخل يقولي الأحمر اللي في وشك ده ايه عندي مشكله أو ميزه بنسبالي مولوده بيها اسمها اجزيمه ومعنديش مشكله مع أي عيب في بشرتي لأنه مميز بنسبالي ومفيش بنت بتحاول تغير يروحها بالميك اب او غيره الفكره أن حقيقي احنا مش محتاجين ميك اب بجد بس للعلم بردوا انا بحب الميك وبحطه كتير بس عارفه ان الطبيعي اجمل وان أقل حاجة بتخلينا أجمل 🤷🏻♀️♥️
مع ان الناس بتتنمر عليا علشان بشرتي فاتحه جداً ودايما يقوليلي انتي لو سمره كنتي هتكوني احلى وان السمار نص الجمال بس انا شايفه ان ربنا بيختار كل حاجه مناسبه لصاحبها الحمدالله على نعمته لينا 💎💙
مش بتفتحي كتير وانا بحب اتكلم معاكي انا بنت علي فكره وبحسك عقله وطيبه وصديقه حقيقيه قوليلي لو حبيت اكلمك ف اي وقت ازاي؟؟؟
انا حقيقي مش بفتح الاسك كتير بس في أي وقت هتلاقيني على الانستجرام يعني في أي وقت هتكلميني هرد عليكي ولو بطلت افتح الاسك هتلاقي في البيو لينك الانستجرام هتعرفي تتكلمني في أي وقت يا جميله ♥️🌸
الحمد لله مش بعرف اتعشم ولا ابني يومي على حد غالباً بنسبالي أن كل يوم بعرف ناس جديده وفيهم اللي بيطلع احلى من الايام اللي قبل كده معرفتش احب حد لدرجه انه لو اختفى من حياتي ازعل.. للعلم اني لما بحب حد بحبه من قلبي فعلاً لو انا أسرتي 4 أفراد هقول 10 بالناس اللي بحبها بابا زمان قالي حبي بس خلي حبك لي حدود مش معنى كده انك تحبي نص..نص لا حبي اوي بس اوعي تبني على الحب ده حياه ليكي لأن كل سطر في حياتك انتي اللي بتعملي وبتمشي عليه لوحدك محدش من اللي بتحبيهم هيجي معاكي لأن السطر ده مش هيستحمل غيرك انتي علشان كده كل لما حد بحبه يمشي اوي يبعد أو يختفي مبزعلش عليه مش قله اصل مني بس بحافظ على روح صعب حد يعرف يأثر عليها 🌸✨
مش عارفه كلامي ده يفرق مع حد ولا لا بس حقيقي الواحد قلبه بقى يوجعه لما بيشوف ناس قد ايه وحشه وبتحاول بأي طريقه تأذي الشخص وناس بتكره بعض وناس مش كويسه وناس مش بتفكر غير في قله الادب وقله الدين وعدم الأخلاق اللي عايشين فيها.. انتوا ازاي مش خايفين من ربنا طيب انتوا معندكوش أهل اخوات كلنا بشر وجوانا قلوب وربنا فاتح بابه دايماً مش عايزه اصحح العالم بس نفسي نكون كلنا كويسين كلنا نعمل الخير ياريت الشباب تخاف على البنات اللي في الشارع والبنات تظبط أخلاقها شويه ومحدش يحكم على حد وهو ميعرفوش ونتقي الله في بعض شويه مبقاش فاضل كتير بس كلنا نقدر نرجع لربنا كفايه لحد كده عملت كل حاجة وحشه ايه اللي زاد عندك ارجع لربنا يمكن تلاقي عنده اللي معرفتش تلاقي في الحاجات الوحشه اللي شايف انها حياتك ياريت نخاف على بعض ونحترم بعض احنا كلنا ولاد اب واحد كلنا اولاد الله يعني اصلنا الحقيقي باار ونضيف ياريت نرجعله
تحليل لشخصيتك
شخصيتك قوية جدا تمم
بس في حاجه انتي قرفانه منها
ثالثا ودا الاهم ان في صدمات عدت عليكي مش متخيله ازاي حصلت ؟؟
لو صح ردي ف كيو وهفتح اليوزر 🙂
شخصيتي قويه دي متجيش نقطه في قوه شخصيتي 😂✋🏻 في حاجه قرفانه منها لا الحمدلله 🙄✋🏻كل الناس عدت في صدمات مفيش حد معداش لأن ربنا جايبنا الحياه دي علشان نقدم خدمه ونتعلم ونجرب ونختار في الاخر بعد كل حاجه حلوه ووحشه شوفتها هنفضل بردوا عندنا إيمان وقوه ونعرف ربنا ولا علينا العوض ف الحمدلله على الايمان اللي جوانا من عند ربنا 🙏🏻🌸✨ معنديش مشكله تحلل شخصيتي ✋🏻♥️
ماشاء الله تبارك الله عليكي انتي شغاله موديل من زمان شكلك اخدت بالي من الانستجرام الجديد والقديم بجد جميله اوي وكلك تواضع انا حبيتك بجد وبحب كل الصور بتاعتك اللي على الانستجرام كلها َمعجبه بيكي جدا وبشارك في كل استوري بتاعتك 🥰🥰🥰
مش عارفه ولد ولا بنت بس عموما ميرسي اوي على الكلام الحلو ده واه شغاله من زمان موديل بس سيبت الشغل فتره ورجعت تاني وبجد انا اللي حبيتك طبعاً وحبيت الأسلوب المحترم ده جدا ومنوره اي مكان تكون/ي فيه 🙏🏻🌸✨
بصي هحكيلك حاجه كده مش هتفرق معاكي كتير عملتيلي لايك من شويه وده اول مره تعملي يعني بالصدفه ف دخلت شوفت ال pic بتاعتك .. وهنا توهت يعني بجد لو دي صورك او لا بس فعلا توهت مبقتش عارف انا جي منين ولا رايح فين والي هو فضلت ربع ساعه او ققل علشان مكنش كداب مبلم😅 ف بجد ربنا يحميكي ويزيدك من جماله ❤️
ميرسي كتير بس هي صوري وأغلب الناس اللي عندي هنا كانت عندي على الاكونت القديم وعلى الانستجرام الحمدلله 🙏🏻🌸✨