نادر لما تلاقى حب صادق اليومين دول . . الحب مش سبب كافي للجواز على فكرة .. انا ممكن اكون بحب الشخص اللي انا معاه بس ده مش شرط اني اتجوزه .. الحب مش معناه اني ممكن ابني بيت و اربي اسرة ..ساعات كتير الشخص اللي انا معاه بيبقى فعلا بيحبني و انا بحبه بس ده مش كافي علشان نبني بيت مع بعض .. فيه مقايس تانية .. زي مثلا هو شخص سوي نفسيا و عقليا يقدر يربي اطفال ! هو شخص مغرور مش بيحب غير نفسه و بس ! مش بخيل ! عنده قدرة على تحمل المسؤلية ولا ﻷ ! كل دي اسئلة لازم يتجاوب عليها ..و على فكرة الكلام ده مش للستات بس .. للرجالة برضو .. هي هتقدر تربي الاطفال صح ! هتفضل دايما معاك ولا مسيرها يوم تزهق ! مش نكدية ! عاوزة تحقق حاجة فعلا في حياتها و لا عاوزة تتجوز و خلاص ! كل دي اسئلة لازم يتجاوب عليها برضو ..الجواز هو نتيجة معادلة مكونة من الحب زائد حاجات كتير .. و دي المشكلة اللي بيقع فيها كتير من الناس دلوقتي .. بيفتكروا ان الحب كفاية و ده غلط .. علشان كده بنشوف جوازات بتبوظ مع ان الطرفين واخدين بعض عن حب و عشق لسنين و سنين ..نصيحة اخيرة .. اظبطوا معادلة الجواز صح و اتعلموا من اللي قبليكم .. الحب لوحده مش كفاية ..