بيانو و بن .. و قهوه و بنت .. و كرسي و ناس .. بحبك ليه ؟! سؤال مكتوب .. ع الشباك بسن رصاص .. عيونك بير و انا الصديق .. فالقينى في غياهب الجب و من امتى بنسأل ليه ؟! .. مادام صيغة سؤالنا الحب !
هو إنتى حلوه ازاى كده ؟؟! بنت بشجن أيام زمان .. تشبه أوي تتر ل مسلسل تسعيناتى .. تشبه أوي ضحكي في وسكح ولاد خالاتى .. تشبه زيزينيا و أوبرا عايده و حصه الالعاب و كورتى .. تشبه حنيني لضحكه كانت ماليه صورتى .. تشبه لكل اللي انتهى و نفسي انه يرجع .. تشبه لراحه بس راحه ساعات بتوجع تشبه لذاتى و ذكرياتى و خط ايدي ع الحيطان !
حكايتك و سيرتك مرايتك و صورتك .. و توهة ملامحك في زحمة وشوش قميصك وياقته و عمرك و وقته و كام شئ بدأته .. مكماتهوش .. تقرب تسيبهم .. تسيبهم تقرب .. فتفضل لأخر حياتك تجرب .. فتندم و تفهم .. بإنك مفيش ! تقابل و تقبل .. بدورها الدرامى .. في حدوته أجمل ما فيها الأسامى .. تمثل !! فتفضل برغم اللي يحصل .. مجرد أفيش ..!
أنا عمرى ما كان فوق ضهري جناح .. مشكلتى إن أنا مش في الجنه .. ولا حبك قطمة تفاح .. مشكلتك إنك مش حوا .. مشكلتى إن أنا عامل آدم .. منكرش إننا كنا في يون حلم .. و الحلم في لحظه الخوف سرقوا .. أنا و أنتى إتنين مهما يحاولوا يفضلوا مع بعض .. هيتفارقوا !!!
صدقنى أنا علاقتى ب بكره .. علي عكس اللي اتمنيته تمام .. متجرجرنيش في كلام أرجوك .. خلينى لحيرتي و لسكوتي .. أنا و أنت و معرفتكش عشان .. من كتر سكوتي نسيت صوتى !!!
أنا أسف ع أنى مكركب و ملخبط جدا من جوا .. كان نفسي أكون اللي اتعودت .. تحكيله لكن أنا مش هوا .. لو جاي عشان تحكيلي أحكي .. لو جاى عشان تسمعنى ف قوم .. انا كل مابتكلم ببكي .. انا كل ماببكي بروح في النوم :(
أنا جاهز أبيع نفسي يا باشا .. و هدمع جدا ع الشاشه .. و هنهنه و أتشحتف و أبكي .. و هفضفض في الاعلان و أحكي .. بس متنساش وعدك بالكشك .. و الصدقه الجاريه و كام ملطوش .. في الاخر برضو هبيكفوش .. و هنام بردان مش لاقي لحاف .. و هقف في طابور العيش الحاف .. و أجرى الفجريه ورا الاتوبيس .. للدرجه اللي هتقطع نفسي .. مانا بصعب ع جوعى الكافر لكن مش بصعب ع نفسي :((
فاكرين ؟؟! فاكرين اجازه اخر السنه كل سنه ؟! و حلاوة النجاح لما تنجح انت وانا .. انا فاكر المحبه .. و العشره و الصحاب و الكوره الساعه سته .. و الكوتشي و الشراب .. و حوش المدرسه في الفسحه مليان صحاب و الشنطه قاسمه ضهري .. و فيها مليون كتاب :)
بنزول الميه في الكبايه انا بدأت افهم فشوفت النص الفاضي منها فأستغربت بضحك .. بضحك ع الايام اللي عدت في الحزن و اليأس كأنى ولا شايف نصها المليان فلا بأس !! عادى .. مش مهم .. عدت مش هتكسر .. عرفت أسباب كتيره عشانها لازم ابتسم .. شوفت ازاى بكلمة واحده البسمه ممكن تترسم :) زي .. كل سنه وانت طيب مبروك .. نورتنا .. ياريت نشوفك تانى و تبقي واحد مننا و ادينى بفتكر و ازاى انا كنت بشتكي و بقول دا عمر عدا عمر فات .. دا انا لسه ببتدي :))