"تحب تعرف أكتر؟ بعد كُل معاد أو خروجة حلوة ما بيننا، قبل ما أنام ولمّا بغمّض عيني، بلاقي نفسي بعيّط غصب عنّي، دموعي بتغرق المخدة كُل ليلة بعد ما بنتقابل، لإنّي على قد ما بكون فرحانة ومبسوطة، إلا إنّي بفوق على أتعس واقع في الوجود، إن الفرحة دي وقتية، وإنّي معاك مش قادرة أشوف المُستقبل، وإنّي مش حاسّة بالأمان، وإنّي خايفة، حقيقي خايفة، كُل ليلة بدخُل في صراع مع نفسي، مابين حُبّي ليك اللي مالوش حدود، ومابين إحساسي إنّك مش عايز اللي أنا عايزاه، إنّك مش هنا عشان تطمّني، مش جنبي بحق وحقيقي، ومش عايز تفضل جنبي على طول"

---

#اسلام_شاهين💙