@Mariam830

مريم

Ask me anything Follow
Ask @Mariam830

Sort by:

LatestTop

🌺

قررت أشارك معاكم شغلي، بغض النظر أن اغلبكم مش عرفاه ولا انتم تعرفوني لكني بحب اشارك الحاجات الحلوة هنا ف تابعو💙
دي كروت العيد اللي فقعتلي مرارتي وانا بعملها لكن النتيجة طلعت مُرضية ليا جدا الحمدلله💙💙😂
قررت أشارك معاكم شغلي بغض النظر أن اغلبكم مش عرفاه ولا انتم تعرفوني لكني بحب
5
5
Liked by: Ahmed Hassan مريم أمآني محمدالعساسفة abdo sharaby

هيبقى ثريد هكلمكم فيه عن الصلاة💞🔥 تابعو..

Mariam830’s Profile Photoمريم
بسم الله..
خلينا نبدأ كلامنا وافهمكم اني زيي زيكم بالظبط مش أعلى منكم ف أي شئ لكن بنجاهد سوا.
هنخلي كلامنا كله عبارة عن سؤال وإجابة أو عذر والرد عليه وف الاخر اكيد هتلاقي نفسك ف نقطة منهم.
نبدأ اول سؤال *هو انت ازاي مبتصليش* وهو ربنا عملك اي وحش خلاك متدخلش بيته أصلا؟
حتة أن ربنا سبحانه وتعالى بيرزقك وانت مش بتطلب ولا بتصلي ف مابالك لو طلبت وصليت!
كل حد فينا محتاج الخطوة اللي هيقربها من ربنا، محتاج الشبر اللي هيوصله بربنا وأفضل شئ تقرب بيه هو الصلاة
*وما تقرب عبدي إلىّ بشئ أحب إلىّ مما افترضته عليه.*
7
Liked by: المشكابتن چيمي M.H مُحمــد سام

Related users

Mariam830’s Profile Photo مريم
ahmehassa2’s Profile Photo Ahmed Hassan
amanytablia9585’s Profile Photo أمآني
mohamadasasfeh’s Profile Photo محمدالعساسفة
totomax2’s Profile Photo abdo sharaby
hagaressam3’s Profile Photo هاجر
AaMidoGaMal’s Profile Photo المشكابتن چيمي
ahmedkamal965’s Profile Photo Ahmed Kamal
hagoraahmed5’s Profile Photo Hagar ElFert
joker_992’s Profile Photo M.H
Muhammadgamal110’s Profile Photo مُحمــد
ebtsammm3193’s Profile Photo سام
abosaleh608’s Profile Photo Ⓜ️O Saleh
ranaakar4’s Profile Photo رانا

هيكون ثريد عن كياني.. كيان شتات❤️

Mariam830’s Profile Photoمريم
فِ البداية يعني إيه كيان؟
كيان يعني شوية ناس بتكتب سواء كتابة روائية أو غيرها، بنجمع بعض ونبدأ نتعلم من بعض، نتعلم من طريقة كتابة كل حد وطريقة صياغته للجُمل، نتعلم من علامات الترقيم وأخطاء كل شخص فينا، أخطاء إملائية بتتكرر زي الفرق بين الياء و الألف اللينة.
وبيبقى في جروب التيم ده بنتكلم فيه عن كل اللي قلته فوق
وجروب تاني ننشر فيه كتاباتنا بعد ما نصححها سوا "حاليا بقو 3".
وقررت اني هنزل بعض الكتابات لينا هنا لان الناس اللي معايا بتكتب حلو اوي اوي.
كيان شتات.
ليدر/مريم أحمد
نائب/حنين علي
5
Liked by: المشكابتن چيمي Meh! ASMAA. أميرة كرم

عادي اكون معجبه بشاب من علي الاسك وبتلفت انتباهي كل حاجه هو بيعملها و معجبه بيه جدا و مش قادرة ابعد عنه ؟

لا مش عادي خالص، متابعيهوش يبنتي شيلي الفولو ومتعمليش ولا لايك ولا اي حاجه واقفلي اسك فترة، مفيش حد بيحب حد كده عمياني انتي ولا شفتيه ولا سمعتي صوته ولا اتعاملتي معاه ولا تعرفيه، ممكن يكون شكله جذبك أو طريقة كتابته وهكذا لكن ثبتي ف دماغك انك متعرفيهوش ولا هو يعرفك. بتحبي هوا؟ ردي عليا بتحبي سراب؟😂
فكك يبنتي روحي ذاكري 😂
3
Liked by: ﮼ولاءصبري أميرة كرم

هل قمت من قبل بتجربة كتابة يومياتك؟ كيف أو أين قمت بتلك التجربة؟ وكيف كانت النتيجة؟

حقيقي من اجمل الحاجات اللي بنصح اي حد يعملها، جيب نوتة أو كراسة وكل يوم الصبح اكتب انت عايز تعمل اي انهاردة، مهما كان الحاجه دي بسيطة لو عايز حتى تطبق بطانيه سريرك أو تروح تجيب شيبسي من محل ع اول الشارع، اكتب اي حاجه عايز تعملها ف اليوم وكل ما تخلص اكتب تم أو اعمل علامة صح قدامها هتحس ب انجاز، واخر اليوم اكتب اي اللي فرحك واي زعلك، هيفيدك انك هتفهم نفسك اكتر لما تعرف انت بتحب اي واي لا ف يومك وبعد اسبوع او شهر او اكتر هيبقى قدامك انك عملت كذا وكذا يوم كذا هتحس انك فعلا بتعمل انجاز ولو بسيط، الانجازات الصغيرة هي طريق الإنجاز الكبير ف المستقبل، هتعرف تنظم وقتك ويومك وتحسن من نفسك كتير..
بصو م الاخر اكتبوا وسجلو يومكم واتكلمو مع الورقة والقلم وبس كده😂🔥
5
Liked by: سام apathetic أميرة كرم

مريم!! ياربي انا دورت عليكي ي بنتي كتير فينك كدا! يارب تكوني فاكراني🚶💙

انا فضلت فترة مستغربة البت دي نستني كده لي الله😂
اكيد طبعا فكراكي ي حور 💚💚🌻
عاملة اي يست؟+ عايزين نخرج😂💚
7
Liked by: Amjad Omar Al-halbi Noor AlDen Khataybeh

- ՏԹɑϲҽ🌸

PrettyRose265’s Profile Photo؏ـلآ (وُآغٍفُر لأبّي)
طيب ي جماعة عشان انا بتشل م اللي بشوفه.. جملة"لا تدري ايهم افضل عند الله"
بقت تتقال للمسيحين!!! ي بني آدم انت وهو وهي للمسيحين!!! اللي هما اصلا عند ربنا وف دينا كُفاار، مش بيؤمنو بالله ، انتو متخيلين😂ع قد ما الحوار يضحك ع قد ما يحزن ويعصب.. عيد رأس السنة ده نزل فيه ايه ف سورة مريم..
السما والارض والجبال هينهارو لمجرد ادعاء أن الله له ولد!! ودول عندهم 3آلهة! بقو أحسن عند ربنا وانت ايش عرفك انت!!
يعني مشكلتي كانت مع صورة البنات اللي بشعرها جنب المحجبة جنب البنطلون والخمار والنقاب ونقول انت ايش عرفك مين احسن عند ربنا ، لا عارفين ي جماعة
عارفين أن المحجبة افضل م اللي بشعرها واللي ب خمار افضل م البنطلون والمنتقبة افضل منهم كلهم عند ربنا وعند الناس وعند كله افضل طبعا، احنا اللي مبقيناش نتقبل الدين بادعاء أنه تشدد بس كان حد قال قدامي حاجه ..
كل ما تشوف أن أعمال الناس الصالحة ده تشدد اعرف ان فيك حاجه غلط..
لما تشوفي أن لما حد يقول ده حرام وده حلال متشدد يبقى الغلط فيكي مش ف اي حد غيرك وراجعي نفسك..الحلال واضح والحرام واضح وواضح مين الافضل عند ربنا ف إطار موضوع معين
مين الافضل عند ربنا بين مسلم ومسيحي؟ مسلم
مين اللي الافضل عند ربنا بين بنت محجبة وغير محجبة؟
المحجبة افضل وافضل
اسكتو بقا ودورو ع الأصل ف المصحف مش ف عقلك وطريقة تفكير..

View more

12
Liked by: ✨آلاء✨ ♡ رضيت بوها ♡ KᝪKℽ moataz sayed HāsSān™ Mohamed reda Amjad Omar Al-halbi Nądą Fąthy ؏ـلآ (وُآغٍفُر لأبّي)

ليه بعض البنات بتحب النقاب ؟!

ياااه ع السؤال القمر🥺💚💚💚
مفيش اي بنت هتسمع أو تفهم الهدف من النقاب وتجربه ومتحبوش حتى البنات اللي بتلبسه وتقلعه متاكده ان من جواهم بيموتو م الحسرة
الموضوع ممكن ميكونش مفهوم لأغلب الناس لان البنت بطبيعتها بتحب الزينة واللبس والجمال بتحب تتباهى بجسمها ولبسها وهكذا ف لما تلاقي بنات عكس الفطرة اصلا بنستغرب بس الموضوع ان بنت تحب الستر وتميز بين الناس اللي مسموح تشوفها وتعمل حدود لنفسها وللناس تتأكد أنها غالية على أي حد وعلشان بس تتشاف يتحارب على كده ،علشان النقاب حماية وامان اللي لبساه متاكده ان محدش بيبصلها بصة وحشة ولا حاجه فيها باينة ف مطمنة بزيادة اللي لبساه غالبا بتبقى حاسة أنها طايرة أو هي جوة سور حماية من اي حد واي حاجه ده طبعا بجانب الدين وأن النقاب درجته اعلى وطبعا مش هدخل ف جدال فرض أو سُنة بس النقاب جميل واي بنت بتحب النقاب جميلة واي بنت لبساه اجمل واجمل 🥺💚
6
10
Liked by: KᝪKℽ ✿ฺ´بِـــلال الـمَغَـــثة ✿ฺ مني عادل abdo sharaby

نفسي اتنقب ولكن عندي مشاكل في التنفس فهيكون صعب عليا ألبسه ولكني عرفت قريب إن دا بيختلف على حسب القماش، وفيه نوعيات من القماش بيكون سهل لبسها على اللي زيي ممكن اعرف اسمها أو التفاصيل عن الموضوع دا لو تعرفي؟

جيتي ع الجرح😂
بصي اعتقد انها مش بتفرق اوي ف نوع القماش على قد ما بتفرق ف حجم النقاب نفسه يعني خليه مش طويل اوي من قدام بحيث يبقى فيه هوا وطراوة😂لكن الشيفون كويس وخفيف كمان وممكن تسالي اللي هتفصلي عندها والافضل طبعا انك تفصلي مش تشتري جاهز وربنا يثبتك ي قمر يارب وابقى كلميني لو لبستيه وقولي عملتي اي مع أهلك عشان مغلبني بقالهم قرن🙂
5
Liked by: مني عادل ËłÑĄĞĞÅŘ ❤ abeer ahmed Noor AlDen Khataybeh

____💖

hudaesam27’s Profile Photoهُدَى .
طيب انا ك واحدة مش بحب الدهب وبحب الفضى اكتر معنديش مانع اتخطب ب فضى هبقى مبسوطة وطايرة والله .. مبحبش المكان الواسع ومعنديش مشكلة ف بيت صغير ومش بحب اللمة والظيطة ف مش عايزة اعمل فرح او يتعمل هادي جدا وبسيط ومش شرط ف قاعة اصلا حلو ع البحر؟ حلو
مش عايزة البس فستان اجره ورايا وخمسة يساعدوني فيه عايزة حاجه عادية اعرف اتحرك فيها ومش عايزة الجهاز يبقى كتير جدا زي البنات عايزة اجيب الاساسي وبعدين اشوف اي اللي ناقص مجبتوش مع جوزي بقى بعد مااتجوز اصلا نشتري سوا..طبعا كل الكلام ده خيابة وانا كده مش بفهم وعيلة صغيرة وعقلي بايظ ومينفعش اعيش ع الكوكب 🌚
26
30
Liked by: مني عادل ËłÑĄĞĞÅŘ ❤ BeltaGy نعيمه ناصر Dima Abdelrahman eng rahma | not available 7 حَنِيِنِي Ahmed

صليت استخارة طلبت فيها ربنا يعرفني هل استمر بالدعاء بشيئ ام اتركه عشان قلبي ميوجعنيش وهو مش هيتحقق وطلةت من امي تصليها هي كمان محلمناش بس ثحينا مرتاحين اوي ومطمنه ده معناه ادعي ولا لأ؟

طالما مش متاكدة اوي صلي تاني وتالت بس برضو طالما مرتاحين ادعي و متقوليش ع حاجه مش هتتحقق وافتكري انك بتتعاملي مع رب المعجزات يعني لكن الافضل اعتقد انك تصلي تاني لحد ماتتاكدي اكتر
13
Liked by: Mohamed Khaled M O H A M E D dr.ahmed ﮼الضاكتوربتاع ﮼الاسنان "" Rofida ""✨ ♚ Joo Nour ♚ °° نسيم °° ♚ ١٩٩٩ Mahmoud AbdelRihem Mahmoud ashraf سارة

S.p.a.c.e🖇️🖤

roaahamed195381’s Profile Photo❣مِجَ ـنٌوِنٌة بّـعَ ـقَلَ❣
انا بقيت لما بدعي ربنا ب كلية معينة بتخنق وببق عايزة اعيط ،كمية الحيرة والتوهان اللي انا فيه م اول السنة ده ميتوصفش والله العظيم وحقيقي السنة دي جات عليا بشكل كبير جدا والمشكلة الاكبر انك قاعد مرعوب يعني كل التعب ده هيروح هدر ولا هجيب اللي انا عيزاه ،والله ببص للكتب وبعيط اللي هو انا تعبت فعلا ومفيش طاقة اني امسك قلم ولا اشوف كلمة تانيه ف المناهج دي مع اني عارفة اني مقصرة من زمان اووي ،وصلت لمرحلة ان اهلي هما اللي بيواسو فيا اللي هو النتيجة بتاعت ربنا واعملي اللي عليكي ومش هنزعل بس متتعبيش نفسيتك ونامي ،محدش هيستفاد م الكلام ده ب حاجه بس ياريت تدعولي انا واي حد ف ثانوية عشان ده وضع الكل وكلنا جبنا اخرنا بجد.
#فضفضة💔
62
15
Liked by: Doaa احمد افندي ابو شاهين S3ody Mohamed Hanafi حُسـَين محمُود Alaa Ebrahem مروة Samar Youssef osama Мохамед Якут

Next

Language: English

4.1

1,266,418 reviews
© Ask.fm 2024