السلام على هاتين العينين الجميلتين، قد لا أعلم كيف كان يومك بالأمس! أتمنى أن تكون بخير، إذا كنت تنتظر رسالة ما في هذا الصباح، فتخيل أنك تقرأ الآن ما تنتظره ممن تنتظره، أيًّا كان ما واجهته في يومك بالأمس، تيقن أنه لن يكون من الجيد أن تزعج نفسك بالتفكير به اليوم
أتمنى أن تكون بخير💙
سؤال تاني بم ان حضرتك ولد
بتعرفوا ازاي اذا كنارعاوزين نفتح معاكم مواضيع ولا لا ولو عرفتوا كدا ممكن تعملوا اي
معلش علي السؤال بقا
الكلام دة ملهوش قاعده كل شاب دماغه مختلفة عن اى حد تانى واحد هيموت ويكلم بنات واحد مش فى دماغه اصلا واحد عامل فيها تقيل واحد لماح وبياخد باله وممكن يبادلك نفس الشيئ و واحد ممكن يستغل دة ويضحك عليكى صوابعك مش زى بعضها
#من_الواقع بقينا بنشوف الأيام دى لما واحد يتقدم لبنت يلاقى رد أهلها أحنا عايزين بنتنا تعيش فى نفس المستوى اللى هيا عايشة فيه عندنا ..... طب تعالى نتكلم بالعقل لو كان عند أهلك عقل يعنى -_- يعنى أنت عايز بنتك أول ما تتجوز تعيش فى نفس المستوى اللى انت معيشها فية واللى انت وصلت لية بعد 20 او 30 سنة جواز + أنك متجوز فى أيام الرخص وعلى رغم كدة موصلتش للمستوى دة غير بعد 20 او 30 سنة عايز بقى فى الوقت دة بقدرة قادر الشاب اللى بيتقدم لبنتك دة يعمل اللى انت عملتة فى 20 سنة وهو لسة بيبتدى حياتة مع بنتك ومع الغلاء والحالة اللى البلد فيها ..... هيا الناس اللى بتتكلم بالشكل دة عاقلة ؟؟ أحب أفكر بس كل أب انك يوم ما اتقدمت واتجوزت مراتك اللى معاك دى مكنش حيلتك حاجة وكنت متجوز فى شقة إيجار وكان طالع عين أهلك بس الفرق ان كان فى زمان جيل رجالة مفكرش فى الماديات والشكليات اللى انتوا يا جيل جاهل بتفكروا فيها حاليا وترجعوا تسألوا سبب العنوسة وسبب نسبة الطلاق العالية وسبب التحرش والمعاكسات والجواز العرفى فى كل مكان هتلاقى أب وأم بيساعدوا على إنتشار الحاجات اللى فاتت دى بسبب جهلهم وبسبب التخلف اللى عايشين فيه ربنا يرحمنا برحمته .. ويرحمنا من الأشكال دى #دور_على_أصل_الحكاية
الكلام حلو الفعل صعب الراجل يعيبه اخلاقه دينه وكده لكن قله الفلوس برضو وحشه
أنا شايفه ان من حق كل واحد يفكر يتجوز يعرف امورهم هتمشى ازاى الفلوس مطلوبه جدا بعدين هيبقا فيه عيال ولازم فلوس بلاش ندعى المثاليه وسنه ونموت بعض أو نكره بعض
ربنا هو الرزاق ولو شخص هيحافظ عليكى ويراعى ربنا فيكى ربنا هيرزقه بس بما اننا عالم متخلف ومادى بنفكر فى الفلوس والمظاهر والشكليات وبننسى انها دنيا مواقف كتير قدامى لأهل بيوافقوا على عريس متقدم كلمة على قدة دى قليلة بس علشان راجل وافقوا علية وربنا كان بيكرمه هو واللى اتجوزها الرسول عليه الصلاة والسلام قال إذا جائكم من ترضون دينه وخلقه فزوجوة الا تفعلوا تكن فتنة فى الأرض وفساد كبير المثالية دى بيدعيها الناس المادية بس محدش مثالى كلنا فينا بلاوى وعيوب بس احنا بنعيش الدور اللى ممكن تتجوزية علشان فلوسة دة ربنا قادر جدا يخلية أفقر خلق الله واللى بيترفض علشان فقير ربك قادر يغنيه يارب نكون فهمنا