الواحد بس يجرب الآيفون لأول مرة بتصيبه لعنة الآيفون بصير ما يحب غيره 😂
إذا كان يجب أن تفقد أحد حواسك، فما هي الحاسة التي ستختارها؟
اللمس تعالوا نتخيل لو حاسة اللمس راحت من عنا شو رح يصير! والله أنا بحب الآسك لأنه كله أسئلة وبخليني أفكر هههههههههههه المهم: أول إشي رح نبطل نهمل هم إنه بدنا نتحمم بالشتا 😂😂😂😂😂😂😂 طيب هي حاسة اللمس عنا بس بالإيدين بتكون ولا بكل الجسم😂؟ المفروض بكل الجسم بس بالمدرسة كانوا بس بدهم يشرحولنا عن اللمس يأشروا عالإيدين، خليني أبحث وأحكيلكم طلع آه في أعضاء اسمها أعضاء اللمس وموجودة بكل أجزاء الجسم والمستقبل الأول للمؤثرات بكون الجلد ( المعني يبحث ويقرأ خلينا نرجع لموضوعنا الأساسي) - بحثت عن موضوع فقد حاسة اللمس طلع ما في تشخيص طبي كامل إلها ومش كاتبين عنها كتير شكله نادر ما حدا يكون مصاب بهيك إشي، وطلع كمان في إشي اسمه زيادة الإحساس باللمس هاد بكون أعراضه حكة مستمرة والشخص بحس إنه جسمه محروق - بس بالنسبة إلي بتخيل لو فقدنا حاسة اللمس رح يكون الوضع كتير خطير، لأنه ممكن ينكب علينا مي سخنة متلاً وتسبب تلف بأحد الأعضاء وإحنا مش داريين عن الدنيا بالعادة لما دبوس يا دوب يجي على إيدنا بنتوجع منه، أما بهالحالة ممكن الدبوس يدخل جوا الجلد وإحنا مش حاسين - المهم الآسك شكله قلب منتديات هل تعلم، بس لأي قاعدة بفكر بصوت عالي وبكتب شكراً لكل حدا قرأ بس الحمدلله عوجود الحواس الخمس عندي، الحمدلله دائماً وأبداً ما في جواب لهالسؤال صراحة لأنه كل حاسة ما بنقدر نستغني عنها فضلوا احمدوا الله عهيك نعم لا تقدر بثمن والله
يا دوب في مساحة بجوالي أصور إجابات أسئلة امتحان اليوم وابعتهم للدكتور هههههههههههههههههههههههههه بقرأ خمس تعوذيات قبل ما أفتح جوالي مشان ما يحكيلي فش مساحة احذفي صور بكفي التطبيقات انحذفن إدا الصور بروحوا بنتحر
- التطبيقات إلّي حدفتهم مشان المساحة عجوالي - جوال جديد - أسافر - بحر -منظر غروب - بحر كمان مرة - منظر غروب كمان مرة - يلغوا الامتحانات من الوجود -سيارة - الأردن - الأردن - الاردن - جرابات جميع الألوان والاشكااال -شيبس خل وملح - مصاااااااااااااااارررررررررررررييييييي -فلوووووسسسس - يلغوا الامتحانات من الوجود - نرجع للزمان إلّي ما فيه خرسانة مسلحة( بالمناسبة بكرا عندي امتحان فيها إلّي بقرأ يدعيلي مع إني بحس حسابي مهجور هههههههههه) -نموت ونتريح من عيشتنا يا رب ما أكون نسيت إشي لأنه احتمال الآسك بعت هالسؤال مشان يحققلي طلباتي * ملاحظة: الترتيب مش حسب الأهمية
والله حضرت كتير مسلسلات وأفلام وأنا متوحدة بهالغرفة بس بنسى الأسماء، والله يرحم أيام ما كنت أكتب أسماء المسلسلات والأفلام عالدفاتر مشان بنهاية الأسبوع أحضرهم هسا بطل يجيني هيك مود تذكرت تنين، في مسلسل درامي اسمه anne with an e كتير حبيييته:( بدي كمان خمسين جزء مشان أشبع منه والله كتير حلو ومسلسل truth be told هاد سفاح مسفح
إذا كنت زعيم عصابة مافيا فماذا ستختار أن يكون اسمك؟
عادي تعطوني يومين أفكر بالموضوع؟
ما الشيء الذي تكره دفع المال فيه؟
المواصلات
ما هو نوع الورود الذي ترى أنه مناسب كهدية لفتاة؟
أنا كتيييييير بحب الورد، عشق أبدي بالمناسبة عيد ميلادي قرّب، حدا يغلط ويبهرني بهدية بوكيه ورد أو وردة وحدة أنا راضية
من تحب أكثر في هذه اللحظة، والدك أم والدتك؟
بحبهم التنين امي توفت الله يرحمها وبابا أغلى الناس بحياتي الله يخليه ويحفظه بحس إنه الناس مش لازم تضل تسأل هالسؤال لأنه بتخلينا للحظة نفكر بإنه نميز بين أمنا وأبونا همي بالأصل معزتهم نفس الإشي
الأحمر أم الأزرق؟
الأحمر
القطار أم الطائرة؟
بتخيل لو القطار كان بمر من بين الشجر أو الأنهار رح يكون كتيير حلو
من هو أشجع شخص تعرفه؟
أنا
"والطمأنينة الوحيدة التي تسكُن قلوبنا دائماً هو أننا تحت رعاية اللّٰه في كُل ظرف" 💛.
صباح الخير 💫
حابة أعرف عن العالم إلي برا مجرة درب التبانة معقول في كواكب نفس الكواكب إلي بهاي المجرة بس بمكان تاني من هالكون؟ معقول في ناس عايشين معنا بالكون بس بمجرة تانية! مش شرط ناس ممكن كائنات حية إحنا ما بنعرفها! مستحيل لحالنا موجودين بالكون مستحييييل، مقتنعة كتير بهالإشي في كتير أشياء مجهولة إحنا ما بنعرف غير نقطة ببحر، الله أعلم بس بفكر كتيربالموضوع