@MenaSaifi

لن أكون أبداً

Ask me anything Follow
Ask @MenaSaifi

Sort by:

LatestTop

Previous

صورتِك بالعيد 🖤!

نمت عالخمسة الصبح وأهلي صحوني عالتمانة (حكولي يا بتقومي هسا ولا ما بصحلك عيدية) تهديد إيجابي اعتبروه😂😂😂المهم عيدت بالبجامة تصورت كتيير بس مش منطق أنزل صورتي فيها😂💔 ونمت بالنهار تلات ساعات وقضيت كل اليوم مكسلة. هي يومي امبارح(هسا لاحظت إنو السؤال بدو صورة مش تقرير مفصل عن يومي 😂😂😭😂😂😂)
بس والله ما بفشلكم وهي صورة للمناكير

Related users

tareqmom’s Profile Photo Tareq || طَارِق
IbraheemOrJan’s Profile Photo Ibřãhęęm OřJåŋ
farah_farah175’s Profile Photo ||FÄRÅH||

عندما يكون هناك ثقب في جوربك، هل ترميه أم تقوم بخياطته أو ترقيعه؟

حسب
- يا برميه ( أرخص إشي بالسوق الجرابات )
- بعتبره جورب داخلي وبصير ألبس فوقو كمان جرابة أو جورب عقولتكم، خاصة في أيام البرد القارص الواحد بلزمو يلبس جرابتين وتلاتة فوق بعض)
- إدا كان جورب حلو وعازز علي أرميه بما إني بحب الجرابات، فما في مانع ألبس تحتو كمان جرابة مشان هالجورب الحلو يبين من البوت

ما هو مفهومك لكلمة الراحة؟

ببساطة إنو ما حدا ينادي عليك
أو تنام وتقعد بغرفتك وما يكون في جيران بيزعجوك والبيت كلو هدوء وما عليك أي مهمة تعملها

كم من الوقت تحتاج لتكون جاهزا في الصباح؟

قبل خمس سنين لما كنت أروح عالجامعة
عادي كنت أجهز بربع ساعة وبخمس دقائق مرات، سريعة أنا
هاد في حال كانت اللبسة جاهزة بالليل وكاويها هي والشال
أما إدا ما كنت مقررة شو ألبس، بدي أنفل كل الخزانة وأدور على لبسة هاد لأنو خزانتي ما شاء الله دايماً مرتبة
فهاي العملية بتاخد لحالها نص ساعة وبعدها بصير بعدها بتوتر وبحس كلشي بأخر فيي وهداك اليوم بتأخر لألاقي مواصلات وبحس الطريق من الكراج للجامعة متل الطريق من هون للخرطوم وبكتئب طول اليوم وغالباً بكون مش مرتاحة بسبب اللبسة ( لأنو بكون ما لاقيت إشي ألبسو واضطريت ألبس أي إشي مشان تأخرت فبكون مبهدلة؛

هل تهتم بكلمات الأغاني؟ وما هي أفضل كلمات لديك؟

آه خاصة الأغاني إلّي بتحكي عن الحب
وبحس الأغاني الخليجية كلماتها دايماً حلوة متل أغاني راشد الماجد ومحمد عبده وماجد المهندس
وأغاني كاظم الساهر كمان

@Bishamoon1 via •• أرِنا خطَّك || بأيّ يدٍ تكتب؟ اكتب عبارةً بيدك اليمنى، وقم بتكرارها باليسرى :

بكتب باليسار

ما هو اخر شيء تناولته؟

أكلت صحن كبسة قبل شوي
ومشان الذمة والضمير كان في علبة كولا بالتلاجة بعرفش لمين، المهم فتحتها وشربتها ولا من شاف ولا من دري
يااممااا ياامااا في أغراض خبيتها بالتلاجة وانسرقت ومفتحتش تمي، وقفت على علبة كولا!

هل تفضل الشعر القصير أم الطويل على الأشخاص الآخرين.

هههههههههههههههههه مش عارفة بحب التنين
علي بفضل القصير
بس على الناس إنو حسب الشكل، وبحب الواحد يغير يعني مش دايماً طويل ولا دايماً قصير
- والله هالأيام البنات صاروا يقصروا شعرهن والشباب إلّي بطولوه

إذا كان بإمكانك اختيار جنسية أخرى فأي جنسية ستختار؟

أردنية

أيهما تفضل أن تجري به .. ساعة رياضية رائعة أم حذاء جري رائع؟

ما بفضل أجري من الأساس

من كان قدوتك في فترة طفولتك؟

فترة طفولة الإنسان ما بكون داري عن حالو بدو يكون عارف شو يعني قدوة؟

هل تحب العالم الذي تعيش فيه؟

بحب شخص و احد بهالعالم وبس ❤️

@xxcom8 via عندكم نصيحه انقالت لكم ..وللحين محفورة بذاكرتكم...؟

إنو ما أتعمق بالعلاقات
هاي نصيحة أنا حكيتها لحالي ما حدا إلو جمايل عليا

لماذا الأزرار في الملابس النسائية عكس الملابس الرجالية؟

ما بعرف بس أكيد في سبب ههههههههه
يمكن مشان نميز إنو هاد القميص رجالي أو نسواني، الواحد بطل عارف لبس الزلمة من المرا

ما هي خططك لأجازة نهاية الأسبوع؟

كان الواحد يتحمس لنهاية الأسبوع ويخطط ويتراكم عليه أفلام ومسلسلات ونوم
هسا صار كل الأسبوع عبارة عن نهاية الأسبوع وبكون ملان خطط
مع هالقعدة بالبيت، خلصن الأفلام والمسلسلات واحنا خلصنا كمان

هل تفضل الكلام أم الاستماع؟

ولا إشي الشغلتين هدول بوجعن الراس
بفضل أضل قاعدة لحالي ومتوحدة لا باخد ولا بعطي أريح لراسي

شو بتسمعي أغاني حلوة !

بدي أكتب آخر كم أغنية سمعتهم
بينا نعيش - عامر منيب
لا شيء يزعجني - السينابتيك
بقالو كم يوم - محمد عدوية
إنت زعلان مني - إياد طنوس
ربيع بارود - ع فوقة
يا ويلي من الحب - هاي مجموعة بغنوها
مالي شغل بالسوق - إلهام المدفعي
حبيت ارمي الشبك - ريم مهرات وكمان كل الأغاني إلّي غنتهم ببرنامج غنيلي تغنيلك حلوين☺️
أغاني رولا قادري كمان
معلش معلومة سريعة 😂(أنا بحب أسمع الأغنية بصوت ناس تانية غير المغني) بعرف ما استفدتو إشي وشكراً✋🏻
الراجل- رامي صبري
حياتي مش تمام - رامي صبري برضو
طبعاً فاتحة سجل اليوتيوب وبنقل عنو 😂😂😂😂بكفي هدول خلص
بسمع مرات مهرجانات ومرات زجل ومرات دحية ومرات بحول عالرومانسي يعني كل الأنواع وحسب المزاج وهيك😂💔

فمن گآن لنآ في قلبه شيئ من آلحب فليدعوآ لنآ في هذه آلأيآم آلعشر🙏❤️

Adv amëêr
الله يحققلك إلّي ببالك

Next

Language: English

4.1

1,266,418 reviews
© Ask.fm 2024