بتكلمها .. بتكلمك .. بتخاف عليها .. بتخاف عليك .. كنتوا مجرد اخوات .. ودلوقتي بقيتوا أكتر من صحاب .. بتحكوا لبعض كل حاجه .. مبيفتش يوم غير لما تتكلموا فيه .. ساعات بتوهم نفسك انها بتحبك .. وساعات تانيه بتوهم نفسك انك مجرد أخ ليها .. وساعات بتوهمك انها بتحبك .. مش عارف انت حاسس ب ايه من نحيتها .. ولا هي حاسه ب ايه من نحيتك .. وساعات بتسأل نفسك .. هو دا حب ؟ .. ولا مجرد إعجاب ؟ .. ومش عارف تجاوب ع السؤال .. لأنك متحير .. مش لاقي إجابه .. مش عارف تحدد .. ولا عارف تحكم حتى ع الظروف ولا حتى ع الأسباب .. مش عارف تبعد ولا تقرب .. مش عارف هتفضل كدا لحد امتى متحير .. تعبت من كتر التفكير .. مش عارف تعمل ايه .. دعيت ربك كتير .. وبرضو لسا مفيش حاجه بتحصل .. أفكار كتير جواك وكلام ف نفسك مش عارف تطلعه .. وحتى لو طلعته وحكيته لغيرك .. مش هيعرف يفهمه .. لأن اللي بينك وبينها دا إحساس .. مش فاهم منو حاجه .. متعرفش ايه اللي بيحصل جواك .. أفكار تيجي .. وأفكار تروح .. وف الآخر مش فاهم برضو أيه اللي بيحصل جواك .. وخايف انها تقرب منك .. تتعلق بيك أكتر .. وساعتها مش هتعرف تعمل ايه .. ولا هتعرف حته تبعد .. لأنك لو بعدت هتجرحها جامد وهتوجعها .. وخايف انها تبعد .. ف متلاقيش حد تحكيله همومك .. ولا يحس بيك زيها .. كلام مش عارف نهايته .. كأن نفسك غرقانه ف بحر ومش بأيديك تعمل حاجه .. ولا حتى عارف تنقذ نفسك من الموج اللي بيوديك ويجيبك .. خايف توجعها لما تمشي .. بس مُصِر انك تكلمها .. كل دا عشان خايف على مشاعرها لما تمشي .. بتلوم نفسك ساعات .. أنا ليه عملت كدا ؟ .. أنا كنت مجرد أخ مش أكتر.. ليه وصلنا لحد هنا .. بس لو كملت .. كل دا هيبقى الناتج = صفر .. - By #Me :D❤