اتخرجت من تجاره انجليزي .. بقالي سنه و بعت لاكتر من الف شركه و الي كلموني سته و اما رحت اعمل مقابله كل شركه اروحها اعمل انترفيو و محدش بيكلمني بعدها و فقدت الامل في اني الاقي شغل و مش عايزه اشتغل كول سنتر تاني بجد اعمل ايه
حاولي تاخدي فيدباك من الاتش آر عن سبب الرفض ، او حتى قيمي نفسك انتِ، شوفي ايه نواقصك والوقت ده اشتغلي عليه، يعني لو المشكلة تكنكال انك مش جاهزة كفاية فحاولي تظبطي الجزء ده، لو سوفت اسكلز هكذا يعني ، ومتيأسيش اظبطي السيڤي خلي حد فاهم يراجع بتاعك، وابعتي لكذا مكان .
اكيد ربنا شايلك الافضل
تشتغل على نفسك
مش بكلاشيه عليك، بس أقصد إنك تشوف إيه اللي يخليك مميز عن الناس اللي بيقدموا معاك في الشركة
تاخد كورسز ماركتينج تدرس لغة تتعلم حاجة جديدة تسندك
بدال متقضي سنة كمان بتدور على شغل، قصي سنة كمان بتاخد كورسات حتى لو أونلاين
افتحي يوتيوب ودوري في جوجل اتعلمي أكتر عن اساسيات الانترفيو والـ CV ومفروض تتصرفي ازاي وتعملي ايه، ودوري على الشغل المناسب لكي اللي تقدري تثبتي نفسك فيه وأهم حاجة يكون عندك ثقة في نفسك، ربنا يكرمك ان شاء الله 🌼
سافر برا مصر
هي مشكلة جيل بحاله و الله مش لوحدك بس .. طور من نفسك و خذ بالأسباب و اكيد ربنا هيرزقك بالخير ليك
دور علي شغل في اي حاجة متقعدش و ادعي كتير و اتصدق بنية الشغل و هتلاقي المعجزات بتحصل 💙
انا ممكن اقول حاجة تختصر حاجات كتير
ركزي على ال communication skills
ابتسمي كتير في الانترفيو و اتكلمي بثقة و خلي كلامك حلو و ظريف
وريلهم شخصية اكتر من امكانيات
و متحسسيهمش انك هتموتي و تشتغلي
بيني اهتمامك بالشركة اللي بتروحيها و دوري كويس اوي عليها و وضحي اللي عرفتيه
اسألي في اخر الانترفيو اسئلة كتير و هتلاقي مقالات بأنواع الاسئلة اللي تسأليها و اللي مينفعش تسأليها
و اللبس مهم بيدي انطباعات ليهم منه فاهتمي جدا بالألوان و الستايل و لو محجبة ففي انواع اقمشة تتلبس و انواع لأ
و بالتوفيق ان شاء الله
دور تاني وتالت
حاولي تشوفي واسطة
