بعد ماخلاص حسيت اني هحب الكليه وعندي صحاب وبالأخص صاحبة غاليه عندي جداً، عدت السنه وبقينا مش نفس الدفعه وبقيت ف دفعه جديده معرفش حد وانا م النوع اللي بياخد وقت علي بال مايتأقلم حاسه بأحساس وحش جداً ومحبطه وعياط كل يوم ومليش نفس انزل احضر ولا اعمل حاجه ف حياتي، حاسه اني تايهه اوي وخايفه.
any advice?
شخص بحبه جدا و مهم في حياتي مرة قاللي لما قربت أقطع شراييني بسبب حد بحبه ، متربطش سعادتك و استمرارك في الحياة بشخص ،خليك في الحياة لوحدك و لكن لا ضرر من وجود الأصدقاء ، فانتي خليكي قوية و قربي المقربين و الدنيا هتمشي يعني
حاولي تتأقلمي كل حاجه بالوقت هتيجي وخاولي متبقيش لوحدك استمتعي بالفتره ديه ♥
أنا مريت بنفس التجربه، عش حزنك بتفاصيله وسارع في التأقلم واستوعب نفسك واحتويها ، بس نصيحه كل ما خرجت من الحاله دي اسرع هتستفيد، الدنيا مش هتستناك لما تفوق...
سيبيها ع ربنا وعادي يعني هيا تبقى معاكي واتعرفي ع دفعتك الجديدهكلو واحد
والدفعة بتاعتك راحت فين ولا انتي كلية ايه
أنا دخلت الكليه وانا معرفش أى حد فيها ولما اتعرفت حصلت أزمة وبقيت فى دفعة جديدة وكنت اتعرفت على كام شخصيه كده يتعدوا على صوابع ايدك العشره وفى ناس لسه بتواصل معاهم وناس لا، والدفعة الجديه اتعرفت بردو على ناس جديده بس بردو مكنش فيه علاقه قويه كان الوضع بالنسبالى مناسب، والموضوع مكنش أزمة حتى أول ما دخلت الكلية وانا معرفش حد وانا مش بعرف أخد على حد بسرعه لازم باخد وقت طويل شويه، وكنت بنزل الكلية لوحدى وأحضر محاضراتِ لوحدى بردو، ومكنش ليه علاقه بحد اوى كنت مع نفسى وفى حالى ولحد دلوقتى نفس الوضع، اتصدفت مع حد أعرفه أهلا وسهلا محصلش مع نفسى عادى والوضع طبيعى بروح واجى وحقيقى مكنتش أزمة. وربنا يوفقك وتتخرجى على خير. 💐👩🏽🎓😌
بصى كل اللى بيحصلك خير ولازم تقتنعى بكدا وايه المانع تفضلو صحاب بردو..وتشجعو بعض او تتعرفى على بنت تانية كويسة بردو بصى اجتهدى علشان نفسك واهلك ومش معنى انك شيلتى سنة تبقى نهاية العالم
صباح الخير ، الله يجعل كل ايامك الجايه خير يارب
، الحياة للاسف مبتلفش حوالينا ولا بتقف
لا بتكمل وانتي هتكملي وهتعرفي ناس جديدة وهتتحطي ف مواقف جديدة تبني شخصيتك
ف توكلي علي الله وانزلي بقلب جامد عشان اصلا احنا وجودنا فالحياه عشان نقضي المهمه ونسعي
االي انتي فيه دلوقت امر واقع خلاص... فحاولي تتعاملي معاه... واستعيني بربنا... واعتبريها سنة جديدة عادي وابدأي كوني صحبة جديدة وذاكري دروسة بنفي الهمة والنشاط ولو حصل دفكت ف ال السنة اللي فاتت حددي كان فين الدفكت دا وعالجيه عشان ميتكررش نفس اخطاءك السابق... وربنا يوفقك.. ويعوضك باذن الله..
ربنا مبيعملش حاجه وحشة وكله خير دايما يمكن عايزكوا تبعدوا عن بعض عشان هي مش سالكة مثلا عايزك فدفعه غير الدفعه عشان تبدأي حياة جديده بشخصية جديده فكله خير احمدي ربنا وشوفي اللي جاي عشان لو بصينا ورانا مش هنتقدم ابدا .
