حاسه ان كل اولاد دفعتي واخدين عني فكره وحشه بسبب كام موقف حصل مني ف اولي هي مواقف عاديه بس دايما بندم عليهم انا دلوقت ف تالته مبعملش اي حاجه غلط نهائي بس معنديش ثقه ف نفسي و دايما شايفه الكل شايفني وحشه بسبب كده و دايما بفكر ف كده و الموضوع شاغل تفكيري زياده لو حد عنده حل يقول بهدوء فضلا🙂🙂🧡
عاديه و بتندمي عليها ازاي؟
سيبى اللى يفكر يفكر انتى كلها سنه وتتخرجى ومش هتشوفى وش امهم تانى😂🤷♂️
وانتي ليه شاغله نفسك بمين شايفك ازاي
تجاهلي الموضوع ده لان ممكن ميكونش حد مركز معاكي اصلا وانتي زعلانه علي الفاضي
المهم تكوني عارفه انك مبتعمليش حاجه غلط
الحل = كبري دماغك
لو بصيتى لنظره الناس ليكى مش هتعرفى تعيشى وسطهم
حاولى ف كل تصرفاتك انك ترضى ربنا وترضى نفسك
اللى يتقبلك زى مانتى رحبى بيه.
فكك منهم كلها كام سنة ومش هتشوفوا بعض تاني المهم انك اتغيرتي دلوقت متفكريش ف اللي فات ومن تاب تاب الله عليه ….
ونصيحة يعني فكك من كلام الناس الأهم رأي اللي ليهم لازمة ف حياتك وهيخافوا عليكي مامتك بباكي عيلتك يعني بس كده
والله يابناي كلنا بنغلط وكلنا ده حرفيًا وانا اول واحدة عادي ده طبيعي والله وماشيين بستر ربنا وربنا بيغفر ويسامح ف فكك من كلام الناس ونظرة الناس وعيشي حياتك وقربي من ربنا وادي فروضك ف اوقاتها وربنا يسترنا جميعًا ياقمر ومتحطيش ف بالك ولا اي حاجة من الهبل ده مادام انت فهمتي الصح وعملتيه
متشغليش بالك ب حد الناس كدا كدا بتتكلم حتى الرسول كانوا بيتكلموا عليه خلي عندك ثقه في نفسك أكتر من كدا ومتفكريش الناس هتقول إيه
الحل هو انك تخلي رقيبك هو ربنا مش اولاد دفعتك
لا اهدي كده وحاولي تصلحي من نفسك وفكك من اي حد ادي لنفسك بوستيڤ انيرجي كلنا عدينا بحاجات من النوع داا