بُنسوار..
كان نفسي أكون من البنات الجميلة!
كان نفسي أكون جميلة وزني مثالي، شعري تقيل و طويل.
كان نفسي مابذلش جهد كبير في سبيل إني أكون جميلة.
كان نفسي أكون جميلة بدون دايت و صيام متقطع وأدوية، سكين كير و زيوت للشعر و مجهود جبار بدون نتايج، النتيجة الوحيدة اللّي عرفتها إني مش سهل أبدًا أكون جميلة.
مش لوحدك كده عشان مفيش حاجة اصلا بتيجي بالساهل
محدش اصلا كدا
مفيش واحدة هتبقي حلوة و بيرفكت من غير ما تعمل كل الحاجات اللي قولتي عليها و بنكسل نعملها دي 😂
بس انتي اكيد جميلة بس المشكلة في نظرتك لنفسك بس
و كما قالت عبلة كامل الجمال جمال الروح ي حبيبتي و شوحت كده💖
هتكوني جميلة حقيقي لما ترضي، لما تثقي ف نفسك و تحبيها
ومين قالك ان البنات الجميله مبتبذلش نفس المجهود وبتبقى مش شايفه نفسها جميله
تانى حاجه اشتغلى بجد ع اللى جواكى وانك تحبي نفسك هتبقى جميله ف كل الاحوال جنب المجهود الخارجى ع سبيل انك بتدلعى نفسك مش عشان حد يشوفك جميله ❤
جميله ف كل حالاتك بدون اي شئ يضر صحتك بس
آسفة ليكِ بالنيابة عن هذا العالم اللي خلاكي تفكري بالشكل دا..
كلامك شد انتباهي وحسيت إني لازم أعقب عليه، ومش هقول كليشيهات من قبيل "كل البنات حلوين" والكلام اللي فقد معناه في عالم يلهث وراء الصورة المثالية.
ولكن اللي أنا مؤمنة بيه فعلا هو إن أي بنت في إمكانها أن تكون جميلة، ببساطة لأن مواطن جمال المرأة لا يمكن حصرها، ولأن الأعين اللي تراها لا يمكن حصرها.
مشكلتنا إننا عايشين في عالم مهووس بـ "تشييء" المرأة، بجعلها دمية مثالية، عالم يسعى لتوحيد تعريف الجمال..
فالجمال يتلخص في شكل تلك الدمى المتشابهة، وأي حيود عن هذا الشكل فهو قبح يجب علاجه والتخلص منه.
وبالتالي هتمشي في الشارع هتلاقي أغلب البنات أصبحوا شبه بعض، نفس مساحيق التجميل ونفس طريقة اللبس وهتلاقي إن الملامح بقت متقاربة بشكل مخيف؛ لأننا جميعا نسعى لنكون تلك الدمية المثالية.
ولكن الجمال الحقيقي في أن تكوني حقيقية، أن تكوني نفسك بدون اعتذار، أن تكون لكِ تفاصيلك الخاصة.
أنا مش بقولي اهملي نفسك وامشي قولي للعالم تقبلني كما أنا، لكن وأنت "بتبذلي مجهود" فاتأكدي إنك بتعمليه حبًا في نفسك وتدليل لها وحفاظًا على صحتك مش علشان تكوني شبه الدمى المتماثلة اللي بتصدرها ليكِ شركات بتقتات على شعورك بالنقص ورغبتك في الكمال.
اعرفي إننا مش دمى، إحنا بشر وأجسادنا بتعكس ما بداخلنا من قوة وضعف وصحة ومرض وسعادة وحزن، إلخ.
مش مطلوب منك تكوني مثالية طول الوقت ولا في أي وقت، لكن هنيئا لكِ لو قدرتي تكوني حقيقية.View more
طالما انتي حاسه بكده ممكن لما تصلي تقولي " يارب اكسني جمالاً او ارزقني نعمه الجمال " ، قولي يارب طول شعري وتقله ونقي بشرتي وخليها صافيه ونضره وخلي وزني مثالي " صدقيني يوم عن يوم هتلاقي نفسك مش شايفه حد حلو زيك ❤️
من غير ما أشوفك أو أعرفك متأكده إنك جميله ربنا جل جلاله قال" لَقَدْ خَلَقْنَا الْإِنسَانَ فِي أَحْسَنِ تَقْوِيمٍ" (4)
إنتِ وسط ناس غلط عيونهم هي الي شايفه وحش لكن إنتِ جميله ف اماكن معايير الجمال عندهم الشعر القصير وأماكن تانيه الطويل آماكن الكيرلي وأماكن الليس وف أماكن اللون القمحس او الخمري هو الملفت والابيض عادي ومتداول في ناس كتير بتشوف التخن كيرفي وقمر وناس بتشوف الرفيع عود فرنساوي وتحفه العيب ف عيون الناس مش فيكِ أعملي مجهود علان شعرك يكون صحي اكتر بشرتك تكون صحيه ونضره وجسمك أهتمي بي انه يكون بصحه ونشاط طول الوقت لو التخن مأثر ع صحتك خسي ولو الرفع مأثر ع صحتك أتخني وخليكِ واثقه إنك جميله في كل حالاتك لان ربنا أقسم بالتين والزيتون ووأكد باللام وقد إنه خلق الإنسان في أحسن صوره وأحسن خلق ♥️♥️💚
مفيش حد كدا اصلا ولو حصل بتبقي للاسف كتله غباء متحركه، محدش بياخد كل حاجة😂😂
