دلوقت عاوزه اخد رائيكم محدش يطنش بالله انا حبيت واحد وهو بيحبنى اوى وعاوز يتقدملى بس ف مشكله انه كان متجوز ومطلق وانا لسه بنت انا بجد بحبه وفيه كل ال بتمناه وهو محترم هل الموضوع هيكون صعب الاهل يقبلوه ولو حد منكم عنده اخت نفس موقفى هيوافق ؟
السؤال المهم لازم تعرفي سبب الطلاق و تسألي كذا حد عشان تعرفي الحقيقه
لو مطلعش السبب هو يبقى اتوكلي على الله طالما مش معاه اطفال
هو فعلا الموضوع هيبقي صعب جدا أن اهلك يقبلوا بس ممكن لو هو فعلاً كويس يوافقوا
مادام هو كويس وانتي عايزاه خلاص
بصى علشان بس حلفتينى مش اطنش السؤال
قليل اووى تللقى بنت فى بلدنا دى تتطلق او تطلب الطلاق الا بسبب وجيه اووى كمان غير كده فهى بتتحمل و تعيش فمعنى انه وصل لمرحلة الطلاق فاكيد فى سبب
اذا عرفتى توصلى لطليقته بطريقة مباشرة او غير اوصلى و كلميها و اعرفى السبب و اكيد سمعتى منه بردو يبقى غلى الاقل سمعتى من الطرفين
الاهل هيكون الموضوع صعب معاهم
ف هو لازم يصبر عليهم شويه
وانتي تمهديلهم الحوار برضو
لو مكانك لأ مش هقبل، بس لو مفيش اولاد وهو كويس زي مابتقولي كدا ف اقبلي براحتك 🤷🏻♀️
مش دايما بيكون صعب عالأهل بس قبل دا كله فكرى بعقلك مش بقلبك شوية
طالما على خُلق ومحترم وهتعيشي مبسوطه معاه إي المانع؟!
اعرفى ايه سبب الطلاق ....وعنده عيال ولا ... واسألى عنه كويس مره واتنين وتلاته ولو كله تمام ، يبقى ايه المشكلة!!!
عادي يابنتي اي المشكله وليه الاهل ميتقبلهوش طالما انفصل عنها خلاص وانتي بتحبيه وهوا بيحبك ربنا يوفق اعرف عشرين حاله زي حالتك والاخل تقبلو والموضوع عادي الدنيا بسيطه المهم انه لما يتقدملك تقولي وماله انا موافقه اديله فرصه
