عايزة اجابة من فضلكوا ! إزاي أبقى حد ربنا ناعم عليها بالدين والأخلاق والجمال الجذاب والتعليم العالى وعشان اهلى ناس بسيطة اترفض من خمس عرسان ورا بعض ! ليه اصل عيلتها ملهاش اسم كبير !! يعنى دينى وجمالى واخلاقى وكليتى القمة ده كله مشفعليش ! في حاجة مش بايدي !!
نصيبك هيكون احلى حاجة بجد بس والله فى الوقت المناسب كل دول من نصيبك
علشان هما عاوزين الفلوس و الجاه مش المحترمه
مش من نصيبك
شفعلك ف ايه يا حاجة
ما هتتجوزى نصيبك ان شاء الله متشيليش هم
هنمشي إن العرسان مرفضوش ولا حاجة وخدوكي بس لدينك او لجمالك او لكليتك القمة زي ما بتقولي؟!
بس لسه شايفين إن أهلك مش كفايه وغصوا الطرف عشان الحاجات اللي فوق دي، هل ده هيرضيكِ، هتبقى مبسوطه يعني َهم شايفين أهلك اقل َأولادك بعد كده يكملوا الميراث عشان شايفين أهلك مش أهل لنسبهم؟!
يا حبيبتي ده نقص اللي ميقدرش فضل أهلك عليك وإن كل الحاجات اللي فوق دي بفضلهم يبقى ملهوش لازمة يا حبيبتي، أهلك تاج ع راسك واللي ياخدك ياخدك عشان خارجة من بيت طيب عرف يخرج بنت بكل مواصفاتك دي بالحلال.
خدو الشر وراحو :))
يا صديقتي كون انهم ناس سطحية بالطريقة دي ، لوحده كافي انك تفرحي انهم مشو ..
مش احنا اللي بندعي ربنا يصرف عنا الشر ؟
بنزعل ليه بعديها بقى
ربنا يرزقك بالخير ويرضيكي به 🌿
وكلها اقدار الله محدش في ايده حاجة ولا هما ولا انتي ولا انا ..
وكل ده مع تفهمي الشديد لألمك .. جبرك الله وعوضك خيراً
منين ؟؟
انتى الكسبانة وربنا شايلك الاحسن واللى يقدرك ويقدرك 🌹
اسمعي مني انتي الكسبانه انهم يمشو ميكملوش ان شاء الله ربنا يبعتلك حد يكون شاريكي بجد ويصونك دول مش كويسين
خلي اللي بيجيب عرسان ميجيبش من نفس الدايره لان تقريبا كلهم رفضوا لسبب واحد وعندهم تفكير واحد
وطبعا كله نصيب بس مش تدخلي اي حد البيت غير لما تسالوا عنه الاول ولو مش عاجبك ارفضيه من بره
