اكتشفت أن ماما بتاخد فلوس مني من ورايا حصل كتير وكنت بعديها بس المرادي كنت متأكده من المبلغ اللي معايا ولما قولتلها قالتلي لا مخدتش ولما لقيتني متعصبه ضحكت وقالتلي اه خدت ورجعتهالي انا زهقت عليها ودلوقتي مبنتكلمش ،انا بصرف علي نفسي وبجيب حاجات لجهازي يعني مش متقله عليهم و هي بتصرفهم عالبيت. اعمل ايه
مش بحب أتدخل فى خصوصيات حد لكن انت أدرى بظروف بيتكلم
يعنى مش عيب أن اتحمل مسؤوليه نفسى و احاول اخفف عن اهلى
انا معاكى أنها حاجه تضايق و تعصب لكن ممكن اكلم مانا و اتفاهم معاها و احاول احط حاجتى فى أماكن انا اللى اعرفها أو المسؤوله عنها
لكن فى الاول و الاخر هى مامتك حتى لو اتعصبت و زعقت هصالحها و تعدى الموقف و ممكن اتكلم معاها و خلاص
طب وفيها ايه لما تصرف ع البيت هى ياما صرفت عليكى وانتى مش عامله حاجه متعملتش كلنا بنشتغل ومصرف ع نفسنا بس مش معناه اننا تتكبر ع اهلنا
أنت ومالك لأبيك..
اتكلمي معاها بهدوء وقوليلها مالي كله تحت أمرك وأنا خيري منكم..
ممكن تحون محتاجة فلوس ومكسوفة تطلب منك..
طاب إنتي والدك فين الأول
التصرف وحش ؟ ايوا وحش.
بس مش مستاهل دا كله، فضلهم مش هتعرفي ترديه لو وقفتي ع فلوس بطول عشرين متر ... وبعدين هي مش بتاخدهم ترميهم ف الشارع ... ودي امك ... لو احتجتي فلوس بكرا وبعده اكيد هتلاقيهم سبّورت ليكي.
روّقي.
اولا بلاش تتعصبي على والدتك مهما كان السبب
ابقى شيلي فلوسك ف حتة محدش يعرفها غيرك و حاولي تتفهمي مع والدتك و تكلميها ف الحوار ده و ربي يهديها و يهدينا جميعا
اديها جزء كل شهر من نفسك و ربنا هيباركلك في الباقي
مهما فعل الإنسان لن يوفي قدر وحق أمه عليه، ومهما فعلت الأم تجاهك لن يمحو حقها وفضلها عليكي .. ويمكنك كمان تنظري للأمور بنظرة مختلفة، قد تكون في حاجة إلى انها تاخد منك بدون ما تسألك، فبرضا نفس منك ومن باب البر والإحسان والإنفاق في سبيل الله -والأقربون أولى- اعطي لأمك جزء من مالك او من راتبك الشهري وهتلاقي ربنا فتح عليكي بإذن الله وبارك لك فيه والله صدق وحق ويقين.
انتي عايزة جزمتين فوق دماغك
الرسول عليه الصلاه والسلام بيقول أنتَ ومالك لأبيك مش هتكلم أكتر من كدا عشان كلامي هيجرح