لو مخطوبة لشخص محترم ومتدين وحنين وبيعاملني كويس بس انتقادي بالسلب دايما واول حاجه عينه بتيجي عليها عيوبي وبيضايقني بكلامه و بعدها يقولي نعالج الحاجه ديه وكذا مره يقولي هتجوز عليكي لو مهتمتيش بنفسك وانا اصلا مهتمية وبيقولي اني لسه موصلتش لقلبه والموضوع اذاني نفسيا جدا هل اسيبه ولا كده ابقى ظلمته
دا شخص نرجسي طلعي عينه وارشقي ف عيوبه هيحترم نفسه كل اما يعلقلك ع حاجه روحي اقلبي الطربيزه وعلقي ع اي حاجه فيه برضو
وأنتي بتختاري شريك حياتك مش هتلاقى حد مفيهوش عيوب فأنتي بتدوري على العيوب اللى هتقدري تتعايشي معاها وتتقبليها والحد اللى قدامك مهما كانت مميزاته لو عنده عيب واحد مش هتقدري تتقبليه يبقى مش مناسب
محمد ابن اختى ٦سنين بيحب خديجه معاه فى المدرسه بقوله هى حلوة قالى الكل بيقول عاديه بس انا بشوفها بدر منور قولتله انت بتحبها علشان شكلها قالى بحبها كلها على بعضها
فهمتى حاجه ؟
تسيبيه بالثلث كمان لان لو ماعملتيش كدة انتي هاتظلمي نفسك حرفيا وهاتعيشي طول عمرك نفسيتك تعبانة انفدي بجلدك حبيبتي
سيبي
سيبي الجربوع الناقص المريض..
ومُتديّن وحنيّن دي هي أدوات أغلب المرضى في البداية فقط لاستعباد النساء الضعيفة.. إرمي الجربوع دا في الزبالة مكانه.
انا جالي ضيق تنفس من المسج فين الاحترام في الموضوع؟
ايه رايك تعمليله مفاجاه وتسيبيه👍
الشخص ال يحسس شريكه فى الحياة انه مش كفايه و مش راضي عنه كل الرضا زى م هو يبقي مش مقتنع بيه و عايز يعدله ..
مع ان فى الاغلب مع الوقت بنحب نعمل ال يريح ال بنحبهم قد م نقدر من الطرفين طبعا عشان لازم نتنازل بالمعقول احنا الاتنين ..
بس سؤال ..؟
احنا بنتجوز ليه !! .. اكيد عشان نتحب و نتقدر و حد يرفعنا فى السما و يعلى منا و يحبنا زى م احنا و يقدرنا و يحترمنا و يحتوينا و يساعدنا نحسن من نفسنا .. كلا الطرفين طبعا ..
احنا نستاهل كل حاجه حلوه ❤
سبيه بدون تردد
كل المميزات دي مش هتستمتعي بيها بشخصية زي دي 🧘♀️
