جماعه
عايزه اجابه محترمه علشان الموضوع مهم فعلا بالنسبالي ، في شخص اتقدملي وبابا وافق وانا ارتاحت للموضوع وبقالنا ٣ شهور مخطوبين بس لسه معملناش خطوبه رسمي ، المهم واحده صحبتي لما عرفت انه متقدملي قالتلي انه كان متقدملها قبل كدا واخوها موافقش علشان شافه قبل كدا مع واحده في وضع مُخل، المفروض ان اعمل ا
واثقة في صاحبتك؟ وأخوها إزاي شاف دا أصلًا؟
صاحبتك دي مدي قربك منها اي عشان تقولك حاجة زي كده
واضح جدا أنها لا تستطيع مداراة الحقد والغل اللذين تشعر بهما، ووصل بها الأمر إلى محاولة النيل منه لمجرد أنه تقدم لك. سبحان الله أخوها فجأة وجده كذلك؟ متى وأين، وإذا كان كذلك فأخوها ملوث مثله أيضا؟ طالما أن هذا الولد على خلق فلا حاجة لك لما تحاول به صاحبتك إفساده عليك.
بصي الله اعلي واعلم ممكن تكون غيرانه مثلا واكيد باباكي سأل عليه يعني ف مش عارفه اتأكدي قبل م تظلميه
اساليه
صاحبتك صاحبتك وواثقه في كلامها؟؟
وانتي شوفتي منه حاجة وحشه؟؟ وايه اخبار صلاته ومعاملته مع اهله؟
في كذا ثغره الحقيقه، لاما صاحبتك عايزه تفركش الليله، علشان تردهاله لانه ممكن يكون اصلا كان بيكلمها وطنشلها عادي، ف انتي تتأكدي من حوار صاحبتك دي الاول وموضوع اخوها بردو، وبعدين معلش الناس لما بتبقي ف أوضاع مُخله مبتبقاش ف الشارع يعني ولا ف اماكن عامه ف اخوها شافه فين وازاي واي علاقه اخوها بالأماكن دي.. انا مش بدافع عن حد لا سمح الله، انا لا اعرفه ولا اعرفك بكن خلينا ندي لعقلنا فرصه انه يركب الحاجات دي علي بعضها كدا هتلاقيها مش منطقيه اوي، وبعدين احنا فيها انتوا مجرد مخطوبين اتحققي من الموضوع كويس جدا جدا برا الاول ولو كدا فعلا ابقي خلي الوالد يواجهه ويقعدوا مع بعض قاعده بنت ناس كدا وكل واحد يروح لحاله..بس لازم لازم تبقي متأكده من الموضوع ده علشان متندميش بعدين.
تجمعيهم كلهم مع بعض و يتواجهو و الماية هتكدب الغطاس زي ما بيقولو🌚
اولا انتي متاكدة من حب صاحبتك ليكي وخوفها عليكي ىلا ممكن تكون بتقول كدا غيرة ؟! "يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ "
من رايي اتكلمي معاه واساليه اذا كان اتقدم لحد قبل كدا جرجريه فرجيه على صور ليكي مثلا وتكون صوره فيها صحبتك وشوفي رد فعله هيعرفها ولا
وانتي من تعاملك معاه هتعرفي هو محترم ولا بيحاول يتجاوز معاكي ولا
وادعي كتير واستخيري
وربنا يكتبلك الخير يارب
ما يا صحبتك صادقه يا لا
اساليه انت اتقدمت لصحبتي فلانه قبل كدا ولا لا مفيهاش حاجه
والافضل أن الشخص ع الل تشوفيه منه لو حلو فهو حلو ولو وحش هيظهر وحاشته
