عايزه اجابه لسؤال بجد هو لو واحده بتعمل اعمال خير كتير ومواظبه ع صلاه وقرآن ومحجبه وبتحاول متعملش حاجه غلط تدخل النار عشان شوية ميكب ولبس؟؟
متعديش الحاجات الـ كويسة الـ بتعمليها علشان هتوصلك لنهاية وتصرفات مش حلوة خالص
اولها السؤال ده
حتي لو مش عارفه تبطلي ميكب خليكي مقتنعه انه لازم تبطلي، وحاولي وحاولي وحاولي،
لحد ما ربنا هيقدرك ومتحطيش،
الحكم لله وحده ربك اعلم بميزان حسناتها وسيئاتها وهو الحكم والعدل احنا مين علشان نقول هتدخل ولا لا!!
اه عشان ده امر صريح من ربنا
واظن شويه لبس و ميكب ميستهلوش تدخلى عشانهم جهنم بعد كل اللى بتعمليه
ربنا يرزقك و يرزقنا الهِدايه ♥️♥️
كان احمد عامر اتكلم ف حاجة زي دي
انا بعمل واعمل واعمل وادخل النار عشان بشتم ؟ عشان بغتاب ؟ عشان عشان عشان ؟
امال ممكن تدخل عشان ايه؟
عن النبي ﷺ أنه قال: حُفّت النار بالشهوات، وحُفَّت الجنة بالمكارِه.
فكرة استصغار الذنب لوحدها دي مصيبة !
لا تنظر لصِغَر الذنب ولكن انظر لعظمة من عصَيت !
انا بوعظ وانا اكتر واحد محتاج الموعظة دي.
ربنا يهدينا جميعا ..
الله اعلم ..بس عايزة اقولك "و تحسبونه هيناً و هو عند الله عظيم"
بصي احنا مش اللي يتحكم هيا هتدخل النار ولا لاء بس لازم نكون عارفين أن الميكب و اللبس الضيق و الشفاف و البنطلون و الرقبه و الشعر الباينين و تفصيله جسمك باينه حتي لو لابسه دريس أو جيبه حرام و الميكب برده زينه و بيبينك حلوه قدام الشباب عارفه اه مش كل البنات نيتها تعجب الشباب وكدا بس لاء دي ايات ف القرآن بتأمرنا نبعد عن كل دا و نحتفظ بجمالنا و زينتنا لبيتنا بس و نحط بيرفيوم و ميكب و كل حاجه و لبس زي ما انتي عايزه بس ف البيت عارفه أن ف الاول صعب تتغيري مره واحده بس زي ما الصلاه فرض و تاركها كافر الحجاب اللي هوا لا يصف ولا يشف و مواصفاته بقا الكامله دي فرض وطبعا اللي تاركها مش كافر زي الصلاه بس عاصي لأمر ربنا و كمان اهلك هيتحاسبوا عليكي جامد لازم تفتكري كدا فممكن تاخديها تدريجي تسيبي البنطلون خالص نبدأ نجيب جيبه لو ع الأقل واحده بس و نطول لبسنا و نطول الطرحه من قدام علي قد ما نقدر لحد ما ربنا يهدينا الخمار و اللبس اللي يرضيه بإذن الله و كمان تبعدي عن كل اللبس اللي ميلقش علي الحجاب يعني الضيق و القصير و اللي يبين رقبتك و رجلك دا لاء خالص و شعرك تبدأي تغطيه و مره ف التانيه والله هتتعودي و انا كنت كدا زيك بس كنت بسمع فيديوهات ازاي احسن من نفسي و كنت فاكره بقا اللبس الواسع و الجيب لاء كله وحش و موضه قديم وبتاع وكدا و هيكبرني بجد لاء لاء لاء خالص يعني فيه لبس جميل جداا انزلي و دوري و جيبات جميله و اه كمان لازم ميبقاش ملفت يبقي رقيق و لونه ميبقاش الفاتح اوي دا أو يبقي موضه ف الناس تقعد تبص عليكي و لازم من جواكي اهم حاجه انك تعرفي تدي لأي خروجه عدم اهميه بحيث أن لاء مش لازم ابقي احلي واحده و مش لازم احط ميكب كفايه مرطب أو صن بلوك انا نازله لغرض معين بس مش عشان لازم ابان حلوه واظبط نفسي اوي و الكلام دا لاء و مش بقول كدا قصدي تخرجي معفنه لاء خالص تخرجي بلبس ساتر واسع نضيف و حاطه مخمريه مثلا محدش يشمها غير اللي يقرب منك و مرطب أو صن بلوك و طرحتك تلفيها اللفه اللي تريحك ف حدود أنها تبقي مغطيه منطقه الصدر و هتنزلي مرتاحه و مبسوطه و تحاولي اكتر واكتر لحد ما نوصل انا وانتي بإذن الله للخمار و الدريسات الواسعه اللي بنشوفها هناك دي 🥺❤️❤️
و ربنا معاكي يحبيبتي يارب و يسهلك لبس الحجاب الشرعي و يقربه لقلبك و يثبتك علي طاعته و البحث عنها يارب أنا وانتي ❤️❤️❤️❤️❤️❤️❤️❤️❤️View more
+ 5 💬 messages
read all
بصي..
أنا مقتنعة إن الواحد ماينفعش ياخد اللي بيحبه من الدين ويسيب الباقي ، الدين منهج واجب الالتزام بيه زيه زي المناهج اللي بندرسها ف الجامعات كدا.. فلما تقولي ال chapter الفلاني دا مش هذاكره لأنه صعب ( وانتي عارفة انه الشابتر دا مهم ومن الأساسيات) وهذاكر باقي المنهج كويس اوي اوي ، هييجي الامتحان ، هتاخدي حقك كاملاً ، هتحلي اللي ذاكرتيله كويس جدا جدا ، واللي ماذاكرتيلوش مش هتحطي فيه قلم.. بس ساعتها ماتقوليش انه ليه انا ماحلتش كويس ، لانه اختيارك
كذلك الآخرة كل واحد بياخد على قد سعيه واكتر من سعيه ، رحمة ربنا أوسع من إنه يعاملنا بالطريقة دي.. حتى ف الدنيا هتلاقي ربنا بينقذك كتير رغم تقصيرك ف حقه.. لأن دي رحمة ربنا بقى اللي هي beyond الأسباب كلها
+ انه مافيش مسلم بيشهد بأن لا إله إلا الله وهيخلد ف النار.. بس ممكن نتعذب على قدر حجم الذنوب اللي عندنا لو كانت اكتر من حسناتنا ، واللي عايز الجنة فهي مش رخيصة ، والجنة تستحق اننا نتخلى عن كل ملذات الدنيا زي ما بتتخلي عنها في الدنيا وقت ما بتذاكري عشان تجيبي تقدير عالي.. فشوفي إنتي عايزة أي درجة من درجات الجنة ، وشوفي انتي بتأمنى مكر الله قد إيه واختاري طريقك.
وفي حاجة حلوة خالص ، الواحد لما بيخاف ربنا من جواه وبيحاول يغير نفسه ربنا بياخد بإيده وبيساعده.. ، بس المهم انه يحاول ، مايجادلش ف الحق.
انا اكتر آية بترعبني في القرآن بتقول " فمن زُحزِح عن النارِ وأُدخِلَ الجنةَ فقد فاز وما الحياة الدنيا الا متاع الغرور"
ربنا رحيم واطمعي ف رحمته جامد .. بس ماتجادليش ف حقه علينا وتتغري باللي بتقدميه واقتنعي انك مهما قدمتي هتفضلي مقصرة وعمرك ما هتوفي ربنا حقه..
انا بنصحك وأنا مش أحسن واحدة ف الدنيا ، لأني بحاول أتخلى عن نقطة الميكب دي بس بجتهد ف اني أقلل لحد ما أوصل لأني ماحطش خالص.. واتمنى لنفسي وليكي الهداية. ❤️View more
لا يكلف الله نفساً الا وسعها و انما الاعمال بالنيات دا سؤال ميتفعش خد يجاوبك عليه لان دي حاجه بينك وبين ربنا بس ربنا يهديكي ويهدينا كلنا💗
+ 58 💬 messages
read all
لا تنظر لحجم معصيتك ولكن أنظر لحجم من عصيت..
..
بالإضافه أن الأعمال الصالحه تدعو دوماً للخير وللمعروف فالصلاة إن صحت وقبلت تنهي عن الفحشاء والمنكر
..
وعلمك ان الميكب واللبس محرم واصرارك علي وجود مخرج مريح للنفس دليل قوي يعينك علي تركها..
..
اعانكم الله فالاختبار دوما يكون في اشق الأمور علي النفس لا في ايسرها واسهلها
..
لا تتناسي ان الدنيا مرحله مؤقته
..
وفقكم الله لما يحب ويرضي
انت بتسالي كان حد عارف مين داخل الجنة و النار فعلا و هيجاوبك
