Space
من فترة كدا وبعد محاولات العيلة المستيمتة نزلت اقعد مع واحدة الفرق بيني وبينها 11 سنة.. او يمكن أكتر.. أنا في ال32 وهي عشرين سنة.. بعد طبعا ما سمعت من الكل مقولة خد الصغيرة تدلعك..رحت وقلت نشوف هتفرق إيه .. المهم مفيش خمس دقايق خلصنا التعارف إسمي أحمد وهي إسمها أمل في أداب وبعد الخمس دقايق سكتنا إحنا الإتنين..
قولتلها يا أمل وريني نفسك قالتلي ازاي واتخضت كدا قولتلها سقراط يا أمل.. قالتلي مش فاهمه.. قولتلها تكلم حتى أراك سقراط قال كدا..قالتلي اه سقراط ده كاتب مش كدا.. فسكت شويا وعدتها..
وسكتنا تاني..
قولتلها يأتي على المرء وقت حتى الإيماء برأسه يكون ثقيل عليه.. دوستوفسيكي..
البت قالتلي أنا مش بحب جو الكتب ده.. انت شكلك بتحب الكتب زي بابا وضافت إفيه قالتلي أنا بقى بحب الهجايص زي سعيد صالح في المسرحية عارفه.. قلتلها عارفه
مابقتش عارف أقولها إيه.. بس غصب عني لقتني بسألها عمرك سألتي نفسك هل كل واحد فينا له نصيب من إسمه ولا لأ زمان كان لما يلاقوا حد اسمه حسن يتشائموا لانه ممكن يتبدل حروفه ويبقي نحس
وأمل ممكن تبقي ألم..
قالتلي أغيرلك إسمي يعني عشان ترتاح
غصب عني بردوا سكت وقلتلها تفتكري المتعة في الطريق ولا في الوصول قالتلي طريق إيه؟
قلتلها الطريق للوصول للهدف تفتكري المتعة في المعاناه ولا في لحظات النهائية
مافيش يا مؤمن و البت قالت عليا مجنون وراحت قالت لأبوها ده عايز يتعالج
أبوها قالي يابني مش كدا الأسئلة ما تبقاش كدا الصح إنك لو عايز تسألها نفس السؤال تقولها المتعة إنك تطبخي الطبخة ولا إنك تأكليها عشان تقدر توصل المعنى بالبعد الفلسفي
الراجل لقيت كلامه ممتع وقعدنا نتكلم عن فلسفة الكندي وكتب بن عربي وأراء بن تيمية عن المتصوفيين ودخلنا عن قصة سيدنا يوسف والمومياء اللي قالوا إنه هو ومتحنط واسمه يويا ومراته تويا وبعدها بساعتين رحت لهم البيت لعبت مع الراجل شطرنج قعدنا أربع ساعات وماشي من عندهم الساعة واحدة بلليل
النهاردة امي بتسألني إيه رأيك قلتلها والله الراجل كويس انا هروح لهم تاني أمي زغرطت قلتلها هروح للراجل البت لا قالتلي يعني ايه للراجل ده مجنون ومراته بتقول بيكلم نفسه هتروح له تعمله ايه لو مش هتخطب بنته
قلت لأمي عمرك سألتي نفسك المتعة في الطريق ولا في الوصول ؟؟
قالتلي طريق إيه
قلتلها يبقي أنا لازم أروح للراجل أقعد معاه
منقول .
تمثلني جداااا 😂😂
قولتلها يا أمل وريني نفسك قالتلي ازاي واتخضت كدا قولتلها سقراط يا أمل.. قالتلي مش فاهمه.. قولتلها تكلم حتى أراك سقراط قال كدا..قالتلي اه سقراط ده كاتب مش كدا.. فسكت شويا وعدتها..
وسكتنا تاني..
قولتلها يأتي على المرء وقت حتى الإيماء برأسه يكون ثقيل عليه.. دوستوفسيكي..
البت قالتلي أنا مش بحب جو الكتب ده.. انت شكلك بتحب الكتب زي بابا وضافت إفيه قالتلي أنا بقى بحب الهجايص زي سعيد صالح في المسرحية عارفه.. قلتلها عارفه
مابقتش عارف أقولها إيه.. بس غصب عني لقتني بسألها عمرك سألتي نفسك هل كل واحد فينا له نصيب من إسمه ولا لأ زمان كان لما يلاقوا حد اسمه حسن يتشائموا لانه ممكن يتبدل حروفه ويبقي نحس
وأمل ممكن تبقي ألم..
قالتلي أغيرلك إسمي يعني عشان ترتاح
غصب عني بردوا سكت وقلتلها تفتكري المتعة في الطريق ولا في الوصول قالتلي طريق إيه؟
قلتلها الطريق للوصول للهدف تفتكري المتعة في المعاناه ولا في لحظات النهائية
مافيش يا مؤمن و البت قالت عليا مجنون وراحت قالت لأبوها ده عايز يتعالج
أبوها قالي يابني مش كدا الأسئلة ما تبقاش كدا الصح إنك لو عايز تسألها نفس السؤال تقولها المتعة إنك تطبخي الطبخة ولا إنك تأكليها عشان تقدر توصل المعنى بالبعد الفلسفي
الراجل لقيت كلامه ممتع وقعدنا نتكلم عن فلسفة الكندي وكتب بن عربي وأراء بن تيمية عن المتصوفيين ودخلنا عن قصة سيدنا يوسف والمومياء اللي قالوا إنه هو ومتحنط واسمه يويا ومراته تويا وبعدها بساعتين رحت لهم البيت لعبت مع الراجل شطرنج قعدنا أربع ساعات وماشي من عندهم الساعة واحدة بلليل
النهاردة امي بتسألني إيه رأيك قلتلها والله الراجل كويس انا هروح لهم تاني أمي زغرطت قلتلها هروح للراجل البت لا قالتلي يعني ايه للراجل ده مجنون ومراته بتقول بيكلم نفسه هتروح له تعمله ايه لو مش هتخطب بنته
قلت لأمي عمرك سألتي نفسك المتعة في الطريق ولا في الوصول ؟؟
قالتلي طريق إيه
قلتلها يبقي أنا لازم أروح للراجل أقعد معاه
منقول .
تمثلني جداااا 😂😂
Liked by:
(تَوَفَّنِي مُسْلِمًا) فلسطين
