بتوجع أوي لما تكون عاطي ثقه زياده للي حواليك ومتطمن لهم مع إن ناس كتير حذروك منهم بس إنت طنشت وفضلت معاهم ووثقت فيهم يوا ورا التاني وفي الآخر يخيبوا ظنط #بتوجع
خليك زي الأطفال أبسط حاجه تفرحك خليك برئ بطبعك متتطبعش بطبع البشر اللي حواليك خليك مختلف خليك الشخص اللي لو لقي الناس كلها نست عمل خيري تبدأ إنت من أول وجديد وتعمله مش تقول " وهو أنا يعني اللي هغير الأوضاع " أيوه إنت اللي بإيدك تغير الأوضاع ما هو لو كل حد قال نفس كلامك للمجتمع مش هيتعدل وهيتزفت أكتر خلي جواك دايما روح الطفل البريئه سامح بسرعه وروح صالح اللي مخاصمك وخليك إنت الأحسن ده رسولنا صلي الله عليه وسلم بنفسه قالنا ( خيركم من يبدأ بالسلام ) سامح وصفي نيتك وإنسي ولو حد ظلمك ربك هو اللي هيجيب لك حقك متستقواش علي اللي قدامك عشان هو ضعيف راعي الناس وإحترمهم هتلاقيهم شايلينك فوق راسهم خليكي البنت اللي لما الناس تشوفها تقول الحمد لله لسه فيه بنات محترمه خليك الولد اللي لما الناس تعرفه يقولوا عليك راجل ودايما يدعولك بالخير ^^