@OmarMogahed1997

Omar Mogahed

Ask @OmarMogahed1997

Sort by:

LatestTop

Space..

من حُسن خلق العرب -في الجاهليَّة والإسلام- ما عبَّر عنه عمرو بن العاص بقوله: "لا أَمَلُّ ثوبي ما وسعني، ولا أمل زوجتي ما أحسنت عشرتي، ولا أمل دابتي ما حملتني؛ إن المَلال من سيئ الأخلاق".
وقد جعلت الحضارة الاستهلاكية لنفسها هدفًا أوحد، وهو زرع الملل في روعك من كل شيء، حتى تظل تلهث أبدًا خلف كل جديد تُنتجه. وبذلك صار الإنسان أدنى مرتبة من الكلب؛ إن تحمل عليه يلهث أو تتركه يلهث..
Space

Space ♡

rahmatarek2212’s Profile Photoرحـومـه‍ ⁦♡
ولاد عمي لقوا والدتهم عندها حساسية وشاكين إنها من وبر القطة اللي عندهم
وبتاخد أدوية للحساسية ومفيش استجابة
فقالولها تروح تقعد فحتة تانية لمدة أسبوع كده
يشوفوا لو متحستنش يبقى مش القطة
ولو إتحسنت يبقى من القطة وساعتها هيشوفوا لوالدتهم شقة تانية تعيش فيها 😂
وحاجة آخر كوميديا 😂

Related users

الأكثر تحكماً فى قراراتك العاطفه ام المنطق؟.. 💡❤️‍🔥

whitelily1’s Profile PhotoΑℓαα ♡
كنت شخص عاطفي الفترة الأغلب من حياتي
وكان حكمي على الأمور من الناحية العاطفية مطلقاً حتى تأذيت ونضجت
وصار حكمي عليها من الناحية العقلية المنطقية مؤخراً..

مساحه لك .......🌷

Aya4845’s Profile PhotoAya
🔸️مشكلة من أكبر المشاكل اللي بتواجه الإنسان
هي محاولة الموازنة بين الشعور الحقيقي اللي جواك
والشعور اللي لازم تبينه وتظهرله للناس🔸️
كمثال على المستوى الشخصي بحكم مهنة الطب
شوفت حالات أكتر من إني أحصيها بتموت قدامي
لحد ما رهبة الموت عندي بدت تتلاشى رويداً رويداً
ومبقتش بتأثر وبنفعل زي زمان
لكن في نفس الوقت محتاج أظهر تأثري وحزني أمام الناس وخصوصاً لو أهل مريض
كنوع من المؤازرة والتعاطف معاهم
الموضوع ده صعب فوق قدرتي على وصفه للأسف
لكن ده مثال من أمثلة كتير تندرج تحت القاعدة ديه..

space✨

daliaelnady80’s Profile PhotoDalia
‏سيدنا عمر بن الخطاب مكنش بيروح أي بلد بتفتح إلا فلسطين
وقتها راح بنفسه يستلم المفتاح
فدخل فلسطين بثوبه المرقع وهو ماشي يجر ناقته
فاليهود في فلسطين قالوا: أقبل عليكم هذا الذي وصف لنا في التوراة
هامته مرتفعة، وثيابه ممزقة
فلما وصل عند كنيسة القيامة‏
قال له البطريرك :صل فيها يا عمر
قال لا خشية أن يأتي الناس من بعدي ويجعلوها مسجداً ويقولوا هنا صلى عمر!
ثم تقدم عمر وصعد على تل فلما رأى المسجد الأقصى كبر عمر الله أكبر
وسمي هذا التل جبل التكبير
فلما رأى بلال مؤذن الرسول
عمر رضي الله عنه
وكان لم يره من بعد وفاة الرسول
فأقبل عليه‏ وأحتضنه وبكوا جميعاً
فقال عمر: يا بلال قم فأذن
قال بلال: لا والله يا أمير المؤمنين لقد أخذت على نفسي عهداً ألا أؤذن بعد رسول الله لأحد
قال عمر: يا بلال قم والله إن هذا الموطن ليفرح رسول الله
والله إن رسول الله أُسري له من هنا وأُعرج به إلى السماء
ولو كان رسول الله حي لأمرك لتؤذن‏ولم يفرح كفرحه بأذآنك في هذا الموطن.
فأجهش بلال بالبكاء وقام ليؤذن الله أكبر
حتى وصل ل أشهد أن محمداً رسول الله!
فبكى بلال وبكى الصحابة
وتذكروا رسول الله صلى الله عليه وسلم
وقال عمر: تمنيت لو رأى رسول الله هذا المشهد لإنه لمشهد يحبه الله ورسوله.
رحم الله عمر..

View more

S P A C E 🖤

esraasooeso’s Profile PhotoI S R A A
المسجد الأقصى هو ميزان الأمة
متى ما كان الإيمان موجود كان المسجد الأقصى بأيد أمينة
فإذا أردت أن ترى حالنا فانظر إلى المسجد الأقصى بأيدي من!
هو أول القبلتين، وثالث الحرمين. بناه آدم عليه السلام
وكل نبي يأتي فهو المسؤول عنه حتى أتى نبينا الكريم خاتم الأنبياء والمرسلين
فكنا نحن أمة محمد المسؤولين عنه من بعده إلى قيام الساعة
أُسري له النبي بالبراق، وأعُرج به إلى السماء منه
فيه اجتمع بكل الأنبياء، وأمهم بالصلاة فيه
وقال النبي: طوبى للشام إن ملائكة الرحمن باسطة أجنحتها عليها
أعد رسولنا الكريم ٤ جيوش قبل موته للمسجد الأقصى
وكانت المعارك تمهيداً لدخول المسجد الأقصى
حتى أنه في عهد أبو بكر الصديق رضي الله عنه
كان في أشد الحاجة إلى جيش أسامة بسبب حروب الردة
إلا أنه قال: والله لا أوقف جيشاً أعده رسول الله
ثم فتح المسجد الأقصى في عهد عمر بن الخطاب رضي الله عنه
وذهب واستلم مفاتيحه بنفسه
ليكون دلالة على مسؤولية أمة محمد عنه من بعد الرسول
وظل في حوزة المسلمين من بعده 1300 سنة
وكان الإمام الشافعي يقول: والله إني لأحب أن أعتكف في المسجد الأقصى لإني أستشعر وجود الأنبياء جميعاً في هذا المسجد
نسأل الله أن يرد لنا المسجد الأقصى رداً جميلا..

View more

Space 💌

enos199’s Profile Photoإيناس
من جميل الفصاحة والدقة اللغوية في القرآن الكريم "كلام الله المعجز"
أنه لم يذكر ل "عيسى" عليه السلام في القرآن قوم
بخلاف باقي الأنبياء تجدهم يخاطبون قومهم بكلمة "يا قومِ"
🔸️نوح "لَقَدْ أَرْسَلْنَا نُوحًا إِلَىٰ قَوْمِهِ فَقَالَ يَا قَوْمِ اعْبُدُوا اللَّهَ "
🔸️هود "وَإِلَى عَادٍ أَخَاهُمْ هُودًا قَالَ يَا قَوْم اعْبُدُوا اللَّهَ "
🔸️صالح "وَإِلَىٰ ثَمُودَ أَخَاهُمْ صَالِحًا ۚ قَالَ يَا قَوْمِ اعْبُدُوا اللَّهَ "
🔸️لوط " وَلُوطًا إِذْ قَالَ لِقَوْمِهِ أَتَأْتُونَ الْفَاحِشَةَ"
وهكذا حال الأنبياء إلا نبي الله "عيسى" فقد كان يخاطبهم: يا بني إسرائيل، وليس يا قومِ
"وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّهَ رَبِّي وَرَبَّكُمْ"
على عكس "موسى" عليه السلام فقد أُرسل لبني إسرائيل
وقد ورد ذكر خطابه لهم: يا قومٍ
"وَإِذْ قَالَ مُوسَىٰ لِقَوْمِهِ يَا قَوْمِ إِنَّكُمْ ظَلَمْتُمْ أَنفُسَكُم"
حتى أن السيدة مريم أم المسيح عندما تحدث القرآن عنها
فقد نسبها إلى قومها "فَأَتَتْ بِهِ قَوْمَهَا تَحْمِلُهُ ۖ قَالُوا يَا مَرْيَمُ"
🔹والسبب️ لإن نسب الإنسان في اللغة يكون دائماً لأبيه
فإذا إنتمى الأب لقوم أو بلد، فإن ابنه ينتمي لنفس القوم أو البلد
لذلك كان لكل نبي أب من قومه ولذلك نسب إليهم
بخلاف "المسيح عيسى" عليه السلام لا ينتمي لأي قوم
لإنه ولد بمعجزة بدون أب، فلم يكن له قوم ينسب إليهم
لذا لم يصح أن يخاطب بني إسرائيل : يا قوم
بل ذكرهم بقوله: يا بني إسرائيل
وهذا ما فعله القرآن ولا توجد آية واحدة تشذ عن هذة القاعدة
وأيضاً "آدم" عليه السلام
لم يذكر له في القرآن قوم لإن الله خلقه من تراب بلا أب
وهذة صفة يجتمع فيها "آدم وعيسى" عليهما السلام
وقد أكد القرآن هذا في قوله تعالى:
"إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ"
وهذا من إعجاز كلام الله تعالى..

View more

_🥀

AsmaaAdel4’s Profile Photoأَسْــمَــآء
كنت قاعد برتب أوضتي النهارده فلقيت بالصدفة كارنيه الكلية بتاع سنة أولى
ولما بصيت لصورتي فيه حسيت قد إيه أنا عجزت والوقت جري بيا 😂
والله فعلاً سنين كتير طارت فلحظة
بعيداً عن إن الكارت إتكسح وحالته متبهدلة يعني
كنت قاعد برتب أوضتي النهارده فلقيت بالصدفة كارنيه الكلية بتاع سنة أولى
ولما بصيت

+ 1 💬 message

read all

- Status 🕊️"))

omima_mostafa’s Profile Photo°mima M°stafa
🔸️قَالَ إِنَّمَا أَشْكُو بَثِّي وَحُزْنِي إِلَى اللَّه🔸️
الآية ديه بقالي كام يوم عمال أسمعها بصوت الشيخ عبدالباسط
وتعتبر من أقرب الآيات لقلبي
وأدقهم وصفاً لحالي الفترة ديه..
https://m.facebook.com/story.php?story_fbid=pfbid028z2grRzJXCxcjhHWpEZeqvRPoFw5BtFfirczH1Rs7Wv3Z3K1CH9tZtTKjrPE32X1l&id=100002072652192
Status

Space..🥀

ويضيق صدري ولا ينطلق لساني..
أوقات كتير الواحد بيكون محتاج يبوح بأشياء معينة بتخنقه وتشغل باله
ومخه مبيبطلش تفكير فيها
لكن مهما كان حواليه أصحاب أو أهل مبيلاقيش حد منهم مناسب يقدر يبوح له بمكنون صدره
فبيفضل كاتم ده جواه لحد ما روحه تبدأ بالتآكل رويداً رويداً
وتنعدم معها الرغبة بالكلام أو البوح إطلاقاً..
فأتمنى مخي يخف عليا شوية خصوصاً الأيام ديه

Space ''

nadaibrahim3’s Profile PhotoNADA :)
‏القصص ديه كنت بقرأها على النت زمان
لحد ما حصلت قدامي
واحد معرفة كان مشارك بسُبع في عجل مع ناس
هو راجل طيب وبيطلع الأضحية كلها لله
المهم العجل قبل ما الجزار ييجي فلت وهرب منهم ومحدش لحقه
وقعدوا يدوروا على العجل لحد ما يأسوا خلاص
فقعدوا يندبوا حظهم
لكن صاحبنا الراجل الطيب قال:‏نصيبي كان كله لله فهو دلوقتي بين يدي الله يصرفه حيث شاء
فيشاء ربنا سبحانه إنهم يلاقوا العجل واقف عند بيت الراجل الطيب ده آخر اليوم
فدبحوا العجل وطلع نصيبه كله لله كالعادة
فسبحان الله والله متخيلتش إني أشوف قصص زي ديه بتحصل قدامي
ولسا الدنيا فيها خير وفيها ناس صالحين والحمد لله ❤️

مساحة 💛

﴿لَيْسَ عَلَيْكُمْ جُنَاحٌ أَنْ تَبْتَغُوا فَضْلًا مِنْ رَبِّكُمْ فَإِذَا أَفَضْتُمْ مِنْ عَرَفَاتٍ فَاذْكُرُوا اللَّهَ عِنْدَ الْمَشْعَرِ الْحَرَامِ وَاذْكُرُوهُ كَمَا هَدَاكُمْ وَإِنْ كُنْتُمْ مِنْ قَبْلِهِ لَمِنَ الضَّالِّينَ﴾
مساحة

ما هي القاعدة الثابتة في حياتك؟

أكتر قاعدة بحاول أمشي عليها فحياتي
إني مها عملت من ذنوب مبخليش ذنبي يتعداني لغيري قدر المستطاع
وبحاول أتستر على ذنوبي ديه ومبجاهرش بيها
لإني بخاف من السيئات الجارية
وبخاف إن ربنا يقبضني ويفضل عندي باب مفتوح للسيئات مهما عملت من حسنات
مش هقدر أضاهيه بيها
فمش شطارة إني أجاهر بحاجة غلط عملتها
أو أقعد اشيرها وأفتح على نفسي باب سيئات صعب أقفله
فالواحد مهما بلغت ذنوبه عنان السماء
ربنا قادر يغفرهاله كلها ما دام مبيجاهرش بيها
لأن "كل أمتي معافى إلا المجاهرين"
ربنا يديم ستره ولطفه علينا دائماً وأبداً 😌

".. SpAcE 🌬️ .. "

النهارده كان عندنا لجنة جودة في المستشفى
فكنا متجمعين أنا وأصحابي وكان بقالنا كتير متجمعناش كده
معظمهم خاطب أو متجوز أو وراه شغل
فالمهم عرفوا إن بكرا عيدميلادي
فناس من اللي معندهاش شغل بكرا قالولي: تعال نخرج سوا بكرا منها بنتجمع ومنها عيدميلادك
فقولتلهم: ياريت
فواحد قالي: مش لو كنت خاطب أو متجوز
كان زمانك روحتلها في يوم زي ده
بدل ما تخرج مع أشكالنا ديه 😂
قصة قصيرة حزينة 😂

m_shehawy’s Profile Photoالشهاوي
في موقف فريد وجميل من نوعه
كنت راكب إمبارح ومسافر للقاهرة
فكنت مشغل قرآن بصوت هادي على قدي
فالمهم بعد ما السواق إتحرك شغل أغاني
فأنا بكل هدوء احتراماً للقرآن قفلته عشان ميلغوش عليه
فحصل حاجة مكنتش أتوقعها خالص
الراجل اللي جنبي مرة واحدة قالي أنت بتعمل إيه يا أستاذ
بقى بالذمة مين اللي المفروض يقفل
وقال للسواق يسطا الراجل قاعد مشغل قرآن والواحد مبسوط تيجي تشغلنا أغاني وتخليه يقفله
اقفل يسطا الأغاني ديه عشان ربنا يسترها علينا في الطريق
فالشهادة لله السواق كان محترم وطاوعه على طول مجادلش
وكل ده وأنا قاعد مذهول كده
فطلب مني بقى بما إنه قفل الأغاني أشغل أنا القرآن بصوت عالي
فالمهم قولتله خلاص حاضر
وإستأذنت الأول من الركاب ليكون حد متضرر ولا حاجة
فلقيتهم كلهم مرحبين بكده جداً
فشغلتلهم حفلة من نوادر الشيخ عبدالباسط
والناس كانت قاعدة مبسوطة 😌

Space 🐧

enos199’s Profile Photoإيناس
الشيخ المنشاوي له تأثير السحر على القلوب
يرققها ويبعث فيها الطمأنينة والسكينة
تحسه بيقرأ ويكأنه عاصر تنزيل الآيات
خاصة في قوله تعالى:
🔸️حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُم مِّن بَعْدِ مَا أَرَاكُم مَّا تُحِبُّونَ ۚ مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ ۚ ثُمَّ صَرَفَكُمْ عَنْهُمْ لِيَبْتَلِيَكُمْ ۖ وَلَقَدْ عَفَا عَنكُمْ ۗ وَاللَّهُ ذُو فَضْلٍ عَلَى الْمُؤْمِنِينَ🔸️
استمع لها بصوته
https://m.facebook.com/story.php?story_fbid=pfbid0kqVNRmod3oGCB1vXB6g1pkRricKmrnuyiEaE3HT6FCxHeM8aTmgbjdUvaXC8Eyngl&id=100002072652192

".. SpAcE 🤎 .. "

الكهف نور بين الجمعتين 😌
ومن جميل بلاغة القرآن في سورة الكهف
قوله تعالى :
(فما اسطاعوا أن يظهروه وما استطاعوا له نقبا)
◇فقد ذكرت كلمة "استطاع" مرة بثبوت التاء ومرة بحذفها
♦فمن المفسرين من قال أنها للتخفيف
♦ومنهم من قال أنها لغرض لغوي وهو حتى لا تتكرر بنفس لفظها فهذا معيب عند الفصحاء
♦ويرى بعضهم أن حذف التاء هنا لفائدة معنوية وهو موضوعنا
🔸فقوله (فما اسطاعوا أن يظهروه)
أن يأجوج ومأجوج علموا عدم المقدرة قبل أن يحاولوا فلم يحاولوا
وده لإنهم شافوا الجدار أملس لأبعد الحدود
فلم يحاولوا أن يتسلقوه من البداية
🔸وقوله (وما استطاعوا له نقبا)
أنهم علموا عدم المقدرة بعد المحاولة
أي أنهم حاولوا إحداث أي خرق في الجدار فلما يأسوا من خرقه علموا عدم مقدرتهم بعد المحاولة والفشل
◆ويؤيد هذا حديث الخضر لموسى
🔹قوله (سأنبئك بتأويل ما لم تستطع عليه صبرا)
فقد حاول سيدنا موسى الصبر على أفعال الخضر ثم إكتشف بعد المحاولة أنه لن يستطيع
🔹وقوله (ذلك تأويل ما لم تسطع عليه صبرا)
بعد أن أوضح الخضر لموسى سبب أفعاله،
فكلامه هنا إشارة لموسى أن لا يحاول بعدها
فهو لن يستطيع الصبر على ما لم يحط به خبرا
#أفلا_يتدبرون_القرآن

View more

_☁️✨

AsmaaAdel4’s Profile Photoأَسْــمَــآء
فيه موضوع عايز أتكلم عنه من فترة
وهو حاجة ناس كتير بتعملها وللأسف أصحابي منهم وهو إنه يتغزل بواحدة سواء كانت ممثلة أو مغنية أو مشهورة بأي شكل من الأشكال أو يقول فيها أي حاجة يعني
الموضوع ده بيخليني أقرف والله
يعني أنت متخيل تقول كده عن واحدة متجوزة
طب بلاش متجوزة واحدة ملكش علاقة بيها أصلاً ولا هيكون ليك بيها علاقة
فهو ديه نقطة مش مستوعبها
إيه اللي هتستفيده من حاجة زي ديه
خصوصاً لو على المشاع كده قدام الناس
لما بقعد مع نفسي كده بشوف إن مستحيل إني أبص لواحدة من دول أو واحدة متجوزة أو مخطوبة أو لا تصلح ليا بشكل من الأشكال
وخصوصاً لو كانت شخصية عامة كده
*بدون ذكر تفاصيل زيادة هنا*
اللي هو هستفيد إيه من كده غير سيئات وخلاص!
اللي هو مهما كانت الواحدة منهم مثلاً جميلة أو كويسة أو أو إلخ...
مستحيل تعجبني بأي شكل من الأشكال
طالما متخصنيش ولا تصلح ليا
وكمان أنا حتى لا أعرف ممثلين أو مغنين لإني لا بشوف ده ولا بسمع ده 😂
والموضوع مش شطارة مني أنا يمكن فيا بلاوي
وأسوأ منهم فحاجات تانية كتير لكني بستتر على نفسي
كل ما في الأمر إني قبل كده كان شغفي الوحيد بالأنمي والألعاب فكنت بعيد عن الحاجات ديه
وودني لما إتعودت تسمع قرآن بقت تنفر من الأغاني
فأتمنى الظاهرة ديه تختفي لإني بزعل والله لما أشوف حد من صحابي مشير حاجة زي ديه
وربنا يهدينا جميعاً..

View more

Next

Language: English