الراجل لما بيحب بجد بيبعد نفسه تلقائي عن اي حاجه هتبوظ العلاقه او هتقلل منها،♥️ بياخد جمب لوحدو من كل حاجه كان بيعملها زمان، مش هيستني يتقاله ابعد عن دي عشان بدايقني او متكلمش دي عشان بغير منها هو لوحدو هيكتفي،هيفكر ف اي خطوه قبل ميعملها عشان ميأذيش مشاعر الشخص اللي معاه “بعد ما كان متسرع ف كل حاجه ،هيرتب حياته كلها من اول وجديد،بس كل دا هيحصل لو حب بجد “♥️
لما تجرب احساس الراحة مع حد هتعرف وقتها إن دي أحلى حاجة ممكنة في أي علاقة إنسانية راحة في الكلام.. حرية في الاراء.. حتى الخلاف بيكون مختلف لو أساس العلاقة راحة متبادلة، لما تيجي تختار حد تكمل معاه حياتك كصديق أو حبيب.. قبل ما تختبر أي مشاعر عاطفية.. اِتأكد قبل كل حاجة من وجود الراحة.. غير كدة.. فَكّر كتير♥️
الكنز الحقيقي من وجهة نظري هو إنك تراهن على شخص وميخيبش ظنك أبدًا، وكل شوية يثبتلك إنه قد المكانة اللي أنت حطيته فيها وإنه جدير جدًا بيها، تراهن ومتندمش على ثقتك اللي اديتهاله لأنه دايمًا بيطمنك بكلامه وأفعاله، شخص يعرف احتياجك من نبرة صوتك، ويبقى حزنك هو عدوه الأول، شخص مهما ساءت الأمور بيحبك، ومهما الأمور اتحسنت بيحبك بردو، الظروف تتغير بس هو ميتغيرش.