-
دايماً الاسك بيكون ملجأي الي بهرب منه في كل حاجة ، لما وصلتلي المسج دي انا كل حاجة وقفت ، وقفت لدرجة اني دخلت ل عائشة اقولها بيقولوا عليكي كذا ده غلط لانك هتردي عليا دلوقتي ، اي نعم قعدوا 6 ساعات بعد الحادثة يدورو عليها بس فكرة انها ممكن تكون راحت مكنتش في بالي ، اه ممكن نلاقيها اتصابت و في المستشفي موبيلها حصله حاجة بس بتساعد الناس معرفتش تروح كل حاجة معادا انها تكون راحت ، اصل هتروح فين و تسيبنا! من يوم الاربع وانا واقفة الدنيا مشيت مشيت و موقفتش عشان راحت لا الدنيا مشيت و اجبرتني اصحي اروح الامتحانات و امشي انا كمان ، الدنيا مدتيش حد فرصة انه يحزن و يقف ، ان لازم كل الدنيا تقف لانها راحت ، من بعد موت خالتو هناء و طنط درية وانا في حاجة ناقصة ، بخاف اتكلم عن للموت يا عائشة ازاي انتي تموتي ، انا بخاف منه اوي محدش يعرف ده بس بخاف ، كل ما حادثة او حاجة تحصل باخد نفسي لما بطمن ان مفيهاش حد اعرفه ، بس اتصدمت ان المرة دي انتي كنتي في الحادثة دي ، وحشتيني ، كنتي ملاك ماشي على الارض، اه احسنلك ان تروحي الجنة ، انا واثقة في رحمة ربنا انك في الجنة ، اي الي بينك و بين رنبا يخلي كل الناس الي يعرفوكي و ميعرفوكيش يدعولك و يصلو 3 صلاوات جنازة عليكي و يتختملك 15 ختمة قبل ما تدفني و يتعملك صدقتين جاريتين ، يا عائشة طبتِ و طاب اثرك و اخدتي مني جزء عمره ما هيرجع ،و لسه مستنياكي تفتحي و تردي عليا انا مش بيأس انك هتفتحي و ببعت ، متخيبيش ظني فيكي .
