لما يكون عندك شخص يسوا الكون باللي فيه يبثرك بحركاته و يطفشك بصوته النشاز و يحوس شعرك و يعصب فيك و يلعب بحسبتك و يجننك و ينشب لك و يحارشك حتى على اتفه شي يعتبرك ملجأه و اسراره و حياته و فرحته و دنيته و تعتبره هالكون باللي فيه ، أنفاسك ، روحك ، كيانك ما تستغني عنه بيوم و لو كثروا اللي حولك ! و ما يستغني عنك مهما كثروا الناس بحياته يشوفك الشي الاساس بحياته و يشوفك اكسجينه جنتك و جنته دنيتك و دنيته روحك و روحه كيانك و كيانه سري اللي ينفضح ، لا طريتوها اعرف وقتها وش يعني سعاده اعرف معها وش يعني فرح و جنةة الدنيا بين يديك ايه اتكلم عن شخص اختصر فيه الحياة و الناس #ديوم اهلي و ناسي ♡. . . - قلمي البسيط ، ما توفي حروفي بوصفك ي جنةة دنيتي .
عن شي يخلي عبدالله ما يسطرني لما يضحك ذيك الضحكه اللي تخليك تصفق اللي حولك ، يعني تخيلوا اني جلست معه مره و ما وعيت قسم بالله الا رقبتي منلوحه بالجهه الثانيه ! =( =)) .
لو لعبت بمشاعر انثى و اوهمتها بأشياء ما راح تسويها ! و لو رفعت صوتك على امك و مع خلق الله ذوق و اخلاق ! و لو تطلع مع اخوياك عشان تتغزل ببنات خلق الله !^ آخر وحده مو رجال و بقوه =) .
يالله بتكلم عن مشاعر الناس اللي ما قدروا يتكلمون فيها او حتى يعبرون : الحين تقريبا كل الناس صاروا يعيشون نفس القصص بس مع ناس مختلفه ، الحين اذا فيه شخص تعودتي عليه كل يوم تكلمينه و تسالين عنه و مستحيل يمر يوم من غير هواشكم و زعلكم من بعض حتى ! و جت فتره و مريتي بأشياء ما يعلم بها إلا الله و تحاولين تبينين لنفسك و لغيرك ان مافيك شي و انك عايشه حياة طبيعيه ، و يجي هالشخص و يلومك على كل شي و إنتي جديا ما فيك تتحملين اي شي من اي شخص مهما كان قريب ل قلبك ، و شوي شوي صدق تبين تطلعين من حياة أي شخص مو عشان شي عشان هالشخص جالس يختار هالاختيار ب طريقته و اسلوبه و بيلقى أحد يعوضه عن اي شي حتى لو صرتي قريبه له ذاك القرب اللي حسيتي فيه انه مافيه شي بيبعده ب يوم ، بس قدر الله و ما شاء فعل . و بعد بيجلس يدخل بحياتك ناس انتي ما دخلتيهم حياتك لمجرد ان هالشخص شافك معاه مستانسه و تضحكين ! و جلس يقول لك هذا عوضك مكاني ! انا بعوض نفسي و قلبي بشخص و استثنيك من حياتي ، طيب بما انك سويت كل هالقصه بنفسك حاول ترتاح ب هالبعد و لا تتذكرني ابد ! ^ سواءً قريب او حبيب او صديق . . ._ قلمي البسيط ، حبيت اعبر عن مشاعر غيري لا اقل و لا اكثر .