بالنسبة لسؤال امبارح الى هو جنان البنت والورد وكدة
الناس اتقسمت لنوعين
نوع اولانى قالى هيييح وعندك حق واه والله دول ناس زى الفل وكان معظمهم بنات
اما النوع التانى الى بينتمى لفصيلة الحيوانات :D
وانا مالى ، طيب ، ماشى بس انا اعمل ايه ؟
وطبعا كان معظمهم ولاد
جتكوا القرف سديتوا نفسى :D
مش وش حب
بلاش ننكر ان اى بنت مجنونة
وبلاش ننكر برضه ان نفسها حبيبها يشاركها الجنان ده ^^
يجيلها تحت البيت ومعاه بوكيه ورد
يجيبلها شوكولاتات او حتى 2 ويربطهم سوا بشرطة حلوة ويقدمهالها هدية
اى بنت بتحب بتبقى نفسها قصة حبها تكون اسطورية
بلاش تبخل عليها بجنانك وجننها بحبك يا اخى :)