هو طبيعي إن أكون في بشري ولما يتقدملي حد في صيدله أو أسنان أشوف إنه أقل مني ويكون دا سبب كفيل للرفض 😅أصل لما بقول كدا لاهلي بيضحكوا عليا بس في نفس الوقت مش حابه أتجوز حد أقل من بشري
لو حد اتعلق بيا و عاوز يتقدم و أنا مش موافقه ولا عاوزاه أعمل ايه
توضحي ده ب منتهي الصراحة عشان متكسريهوش ولا تحرجيه قدام اهله او اهلك ..
لو فسخت الخطوبة ارجعله الشبكة ولا ده حقي؟
لا بشوف انها حقه ،، هيا بتبقي حقك فقط في حاله الزواج و لو لاقدر الله حصل انفصال ف دي بتبقي من ضمن حقوق الزوجه و عموما يا بنتي بالعكس انا بشوف ان الواحد لو فسخ يدي الطرف التاني الشبكه اذا كنتي انتي فسختي ف انتي مش قابله الشخص ع اللي يجي منه 😂 ف خلاص يمشي و ياخد الشبكه و ياخد الباب في ايده و مع السلامه و القلب داعيله 😂😂 و ربنا يكتبلك و يكتب له الخير 💜
كنت بحسبه بيبصلي لما اعدي م الشارع كلمته ع النت قولت يمكن ميعرفنيش وللأسف طلع عارفني وطلع دفعتي ومنظري بقى وحش وطبعا رفضني بذوق لاني مطلقه وده حقه لكن متضايقه من نفسي اني شوهت صورة اهلي ومنظري بقي عار ومش عارفه امشي ف الشارع. احساس الرفض وحش ومش عارفه اعمل ايه قفلت كل حاجه وسكتت ادعولي ربنا يهديني😢
هوا انا مش فاهمه حاجه بصراحه ،،، بس من اللي انا مجمعاه يعني ،، مفيش حاجه تستدعي للكلام الكبير ده ،، ولا جبتي ل اهلك العار ولا حاجه … و قصه مطلقه دي متعيبكيش اطلاقا و اللي يشوف انها حاجه عيب او كده يبقي هوا اللي عنده مشكله 💙
والله انا الموضوع ده ده بالنسبالي مش مرتبط بالسن اطلاقا ولكن هيا شخصيات يعني ممكن واحد اصغر من واحده و دماغه و شخصيته تكون ناضجه و يعرف يسعدها و ممكن يبقي ف نفس سنها او اكبر منها و ميكونش كده ف هيا تعتمد علي الشخصيه و دماغ و كل واحد .. 🙊
ماذا يفعل المرء بعد خيبته الأولى ؟
بيستني خيبته التانيه 👀😂😂
ينفع واحدة تتجوز واحد مش بيصلي بس وعدها هيلتزم بعد الجواز ؟
و الله هوا مفروض الانسان لما بيصلي بيصلي عشان ربنا ،،، و لما بيلتزم فيها عشان ربنا برضوا ،،، و عشان خايف علي اخرته و اللي محدش حقيقي ضامن هوا عايش لحد امتي الله اعلم اليوم اللي بعدي علي كل واحد فينا هيجي يوم غيره ولا لأ…. ف اللي بيصلي بيصلي عشان يرضي ربنا و عشان عداب ربنا مش عشان حضرتك ولا الموضوع مرتبط ب قبل الجواز ولا بعد الجواز … هوا طبعا ربنا يهديه و ربنا مقلب القلوب ربنا يثبتنا و يثبته و لكن اعتقادي الشخصي بصراحه انه الموضوع مش مرتبط ل ب بعد ولا قبل الجواز لو هوا عايز ينتظم و يصلي هيصلي حتي لو انتي مش معاه ،،،
هو انا لو روحت جيم هيفرق ف حالتي نفسيه ولا مش هيفرق
بيفرق جداً بحس اني بفصل دماغي من اي مشاكل او زعل
انا دلوقتي مخطوبه وخايفة لما اتجوز جسمي ميعجبش جوزي لانه عندي استرتش ماركس عشان خسيت وملحقتش اعالجها وحبوب تحت الجلد وحاسة جسمي مش حلو خالص كل حته بلون وطبعا معيش فلوس لليزر والحاجات دي فمش عارفه اعمل ايه
هوا انتي محسساني ليه انك هتتجوزي كريستيانو رونالد مثلا ؟! 👀😂 اولا يا بنتي انتي حلوه ف كل الصور تخينه رفيعه طويله قصيره… ده اولاً و حب الشخص اللي هيرتبط بيكي يكمن في شحصيتك مش شكلك ،،، بمعني ،،، روحك الحلوه ،، جدعنتك معاه … و مساندتك ليه و احترامك ليه و هكذا .. مش مطلوب ابدا منك انك تعملي ليزر و القصص دي (don’t seek for perfectionism ) مش مطلوب منك اكتر من المعامله الكويسه و الكلمه الطيبه و مجرد انك تكوني مهندمه فنفسك ،، صدقيني حاجات كتير بنشوف انها شكلنا وحش فينا و بيطلع محدش شايف الحاجات دي غير نفسنا ❤️❤️ لان الشخص اللي انتي هتتجوزيه هوا شخصيا لوبصيتيله ب نفس الطريقه اللي بتبصي بيها لنفسك هتلاقيه … مش perfect برضوا و مش مطلوب منه انه يبقي perfect 👍🏻 حبي نفسك بالشكل اللي انتي عليه و دي وجهه نظري اللي وارد تكون صح و وارد تكون غلط 💙💙