ما الذي يثير حماسك؟

April 29, 2020

أي شيء جديد، تجربة/قراءة كتاب/ تحديات/السفر
طبعًا كل ذا مو موجود في حياتي ولله الحمد ههه..

Liked by: 96. مَنْفَى ()

Space

April 29, 2020

للأمانة ماتوقعت في يوم إني ارجع للأسك خصوصًا إن الناس القُدامى أغلبهم ألغوا حساباتهم وجاو ناس ما أعرفهم ولا أدري هم مين 😂
بس كنت بين فترة وفترة أدخل وأشوف شنو التطورات اللي صارت فيه..
بس من كثر ما إن تويتر الناس اللي فيه يراقبون حتى على النقطة ويحكمون على كلامك وتصرفاتك و و، ف صار الأسك هو المتنفس الوحيد اللي أقدر أطلعّ فيه كل سوالفي بدون محد يسألني مين تقصدين أو ليش تكتبين كذا أو أو..
مع إن فيه أكثر من شخص إلى الأن موجودين بس للأمانة واثقة فيهم إن كلامي اللي هنا راح يضل هنا مع إني ما أقرقّ واجد أو أكتب واجد بس إذا فيني حلطمة ماتنفع لتويتر الجأ للأسك مع أنه مو برنامجي المفضل وإلى الأن مو حابته بس بيكون المُتنفس المؤقت لين أبحث لي عن مُتنفس أخر 😂
At the end, thanks for your space 💗

Liked by: 96.

لماذا لا ترسل رساله للشخص الذي تفكر به 🤔🤔

RaGab Gamal

April 29, 2020

عندي أسبابي اللي تمنعني بس للأمانة هو مو بس شخص واحد، لأ أثنين
الشخض الثاني أقدر أكلمه بس من كثر ما أنا منقهرة لأنه كذب علي مو قادرة حتى أواجهه حرفيًا ماتوقعت هالشيء يأثر فيني بس أتوقع كلها كم يوم وبروح لأني إذا سكت أكثر راح أنبطّ 😬..

Liked by: RaGab Gamal

مجتمعنا فيه ناس تحبط الشخص شلون تتعاملون معاهم ؟ 🙄✋🏻

April 24, 2020

للأمانة أنا عايشة في هالمحيط والتعامل معاهم صعب لأن أحيانًا كلامهم يخليك تتراجعين عن أشياء واجد كنتي مخططه لها وأحيانًا تكون ممتازة بس بسبب تحطيمهم وكلامهم السلبي تتراجعين
لذلك أنا قررت تقريبًا من أربع أو خمس سنوات إني أتجاهل أي كلام سلبي يجي لي من أي شخص إلا إذا كانت نصيحة ممكن إني أسمع له وأطبقها إذا كانت تناسب لي
لأن لو على هالأشخاص كان أنا حاليًا ما عندي شهادة!
طبعًا التطبيق صعب لأن احيانًا يكون هالكلام من أشخاص قريبين منك بس مع المحاولة راح تقدرين
سّو أفضل حل بالنسبة لي ل هالنوعية التجاهل وعدم أعطاء رأيهم أي أهمية..

🕊...

April 24, 2020

بليز ياجماعة لحد يرسل لي أدعية أو استغفارات أو برودكاست، الموقع للأسئلة سّو اللي يرسلون هالأشياء يحذفوني من قائمتهم 😅

اكتر حلقة حبيتيها في مسلسل حب اعمى؟

April 24, 2020

أنا مو شخص يحتفظ بالحلقات اللي يحبها لأني أنسى أساسًا ف يمكن تكون عندي حلقة مُفضلة بس ناسيتها..
بس إلى الأن في بالي لقطة يوم كمال ونيهان يرسمون تاتو الأبدية على أياديهم وكيف إن بعد مرور سنوات إلى الأن موجود على الرغم من ابتعادهم اللي ضل سنوات إلا أنهم مافكروا يلقون طريقة علشان يمسحونه بسبب الحب اللي كان بينهم!
وهاللقطة إلى الأن في بالي لأن عجبتني وناوية أطبّقها ان شاء الله 🌝

اشياء تروقون عليها ؟?

April 14, 2020

- الأكل يجي بالمقدمة
- الطلعّات
- المتابعة
- الرياضة جدًا تروقني وتخّلي مزاجي عال العّال بس ما أسوي بسبب العّجز

هذا اللي يخطر على بالي حاليًا 😬..

Liked by: su.

اخر مره جبت الي نفسك فيه

April 14, 2020

الحمدلله من توظفت وأنا اللي نفسي فيه أجيبه لها بدون ما أقصّر في حقها وأظن هذا أفضل شيء في الحياة الوظيفية إنّ الأنسان يعتمد على نفسه في كل شيء حرفيًا بدون مايضّطر يطلب من أحد علشان يحقق اللي نفسه فيه!
وأخر مرة شريت اللي نفسي فيه كان قبل أسبوعين تقريبًا شريت لي كُتب 📚..

Liked by: su.

هل لديك القدره على مسامحة الاخرين؟

April 14, 2020

أكتشفت إن مع الأسف أيه أسامح، مهما هالشخص أذّاني أو جرحني مع الوقت أنسى وأحاول قدر الإمكان ما أتذكر هالشخص ولا أتذكر الموقف السيء اللي صار لي معاه علشان مشاعري السيئة ماترجع لي لأن هالشي يعود عّلي بالضرر
لذلك قررت إني أسامح مو طيبةً فيني بس علشان هم مايستاهلون أحمل تجاههم حتى مشاعّر الكُره..

Liked by: su.

-

April 14, 2020

عُدنا والعودُ أحمد بعد أربع سنوات من الإنقطاع
وللأمانة أنا منصدمة جدًا إنّ إلى الأن الناس عايشة في هالبرنامج وتسألني؟ 😂
سّو أشكركم جدًا لأنكم ماحذفتوني كأنكم كنتوا عارفين إن راح نرجع له إذا ضاقت فينا الأماكن..

Liked by: Maram♔♡ su.