في وسط الظروف اللي بتتعرضلها يوميا طوال حياتك هيكون فيه ظرف او اكتر هيكون علامه فارقه جدا في حياتك ، هيحصلك بعده تغير في حياتك بشكل ملحوظ جدا وقد يكون التغير جذري ١٨٠ درجه . الظرف ده بيكون ليه ايجابيات _برغم قساوته الكليه_ لازم ندركها ونستفيد منها ومن ضمن ايجابيات الظروف دي انها هتكون عامله زي الفلتر هتقوم بتصفيه الناس في حياتك واعاده ترتيبهم ترتيب صحيح ، كل واحد هياخد مكانته الفعليه في حياتك وهتشوف انت فين في حياتهم ، كل ده الظروف لوحدها كفيله بيه هي اللي هتعمله، لكن اللي عليك انت انك تفتح عينك وتشوف نتيجه الفلتره دي وتبدأ تتعامل معاها كحقيقه وواقع حتى لو كانت مخالفه لهواك ، ده لو انت مش عايز تكون اعمى واو تفضل عايش في اوهام بتختلقها لمجرد انك اضعف من مواجه الواقع والحقيقه . بس قبل ما تظلم حد وتقول انه مقدمش ما يتوافق مع مكانته في حياتك شوف الاول هي كانت اموره ماشيه طبيعي ولا عنده ظرف هو كمان وكان مستني منك اللي انت مستنيه منه !