😂😂بالمناسبه للكوره شوفت ف صورك القديمه حد بيقولك ضيعت الماتش من ايدينا 😂
+مش عارفه ليه بقرأ الكيوهات كلها كده 🙆🏻♀️😂دماغي وجعتني من المشاكل ربنا يكون في عونك ههه
ايه ده اكيد انتي نزلتي تحت اوي بقي لأني مش فاكر الكيو ده
هو حوار اني بجري بسرعه ده مشتت تفكيري ومش عارفه اركز في حاجه معينه اعملها وانا جايبه ٩٧ ونص اصلا يعني شبه مختاراها بس كنت عايزه افرح بابا اللي كان نفسه ابقي في صيدله اوي واصلا خلاص كان بدأ يرتب اني هدخل صيدله ومن ساعتها وانا مش عارفه الضرب جاي منين 😂 كان عندي صحاب كتير اوي بس حاليا لوحدي تسلم والله
طيب طالما جايبة ٩٧.٥ معناه انك اجتهدتي جامد ف ثانوية مجيبتيش المجموع ده بالساهل و ف الاخر انتي مسئولة عن السعي مش عن النتيجة يبقي معني انك ملحقتيش صيدلة و دخلتي علوم ايه؟ ان ربنا عارف ان ده اللي أصلح ليكي لأن هو اللي قدرلك ده يبقي انتي استغلي بقي المكان اللي انتي فيه بحيث تبقي حاجة كويسة مش تقعدي تندبي حظك و ف الاخر متستفاديش حاجة
عارفه قصدك والله انا في كليه العلوم
l hate science..what the heck am I doing here
طب والله كلية علوم دي بحبها وكان نفسي ادخلها ( بس كنت عايز طب اكتر يعني) و حتي الآن بفكر ادخلها بعد الكلية الفكرة اللي عايز اقولهالك انك دلوقتي ف مكان المفروض يا تغيريه يا تستغليه اذا مكونتيش هتغيريه ( بإنك تحولي كلية تانية) يبقي مفيش قدامك غير انك تستغليه هتستغليه ازاي بقي ؟ لازم تحبي المكان و تعرفي قيمته، ماشي مفيش خلاف علي إن توقعاتنا بتخيب و الكلية مش زي ما بنتمني و الدكاترة محبطين و.. و.. و.. بس أكيد في حاجة حلوة ف وسط كل ده وانتي مش واخدة بالك منها محتاجة تبصي من زاوية تانية بس
انا مضغوطه جامد ومليش اي ذنب في اللي بيحصل انا عمري ما قصرت وببذل قصاري جهدي تجاه اي شيئ واي شخص بس مبحققش انا اسفه للاطاله وانت مش متضطر تقرا الكلام ده ولا ترد عليه بس حبيت اكتبه وحد يشوفه بس
لا خدي راحتك عادي ربنا يعينك عموما مشكلتنا بتبقي اننا باصين للدنيا بمنظور غلط او باصينلها من الزاوية الغلط بس لو بصينالها من زوايا تانية هنلاقي الموضوع أجمل بكتير فعلا
البني ادم يبقي مش عارف يلاقيها منين ولا منين من مستقبل مجهول ومرعوب منه و كارير عايز يبنيه عشان بترعبني جمله اني معرفتش احقق حاجه في حياتي و كوني مدخلتش الكليه اللي انا عايزاها بسبب انه قدر مش ان انا مقصره والله ..وفجأه فقدان شخص كده مره واحده ...ومحلتش في الامتحان ومش هينفع ابين لاصحابي اني زعلانه