لو هتمنى حاجه تحصل ف الايام المفترجه دي لاى حد او لنفسي هتبقي حاجه واحده و هى " العوض"ربنا يعوض كل واحد عن اى وجع عاش فيه ، علي قفله الباب عليه و مش عايز يحسس اللي حواليه بتعبه ، عن كل مره عيط فيها لربه و بيستنجد بيه ، علي كل حلم ضاع قدام عنيه ومعرفش يعمل حاجه ، عن كسره قلب وخيانه وغدر من اقرب الناس ليه ، و عن كل فشل بنجاح ، و كل انكسار بإنتصار ، و كل ام برزقها للولد الصالح ، يارب بيدك التعويض عما تلف فافعل بنا ما أنت أهله يا كريم..
اِفضلو كدا إستغلو الطيب لغاية ما يبطّل طيبته، واِزعلو من الصريح لغاية ما يتعلّم اللف والدوران، و اِحبطو العفوي لغاية ما يتعلّم النِفاق، إستمرو في هدم كُل نماذج الطيبة والرحمة في مُجتمعنا وحولونا لغابة ننهش في بعض وندوس على بعض وناكُل بعض إذا أمكن الأمر..!
كلنا بنعيش حياتنا غلط.. كلنا مش بنعرف ازاى نعيش.. لو بتعرف ازاى تعيش يبقا المفروض تكون لا مضايق ولا خايف ولا قلقان لو خايف يبقا انت عايش ف المستقبل وبتفكر فيه وسايب الحاضر بتاعك ولا مضايق ومتوتر يبقا عايش الماضى اللى خلاص مش هيرجع تانى حاول تعيش الدقيقة اللى انت فيها وبس مفيش حاجة تستاهل التعب والضيق غير بعدك عن ربنا وتقصيرك فى عبادتك البعد عن ربنا اكبر اسباب الضيق والتعب انت محتاج صلاة وقران محتاج شحن كل فترة انت فعلا محتاج ربنا مش ربنا اللى محتاجك،...... لومتأخر على محاضرة مش تفكر فى الدكتور هيعمل معاك ايه فكر فى وقتك ودقيقتك وبس لأنك مش هتقدر تعمل حاجة للدكتور الا لم توصل يبقا عيش الدقيقة اللى انت فيها وبس وسلم الباقى على ربك وعمره ما هيخذلك واتعلم تعيش فى سلام داخلى من غير صراعات وجلد لذاتك بدون مبرر اعمل اللى عليك دون تقصير ثم دع الأمر لله وستره عمر التفكير فى المستقبل هيغيره او تفكيرك فى الماضى هيرجعه انت لو مش عيشت لحظتك وحياتك مش هتعيش خليك دايما فى الدقيقه اللى انت فيها حالا واعمل المطلوب منك وممكن وبس بعد كده هتلاقى نفسك فى استقرار داخلى وحب لذاتك وتغير كبير جدا فى حاضرك ومستقبلك والماضى هو حاجة تاخد منها التجربة والحكمة والنضج وهتفضل طول عمرك تتعلم وصدقني حالتك ونفسيتك وهدوئك اهم ما فى حياتك فحافظ على طاقتك🤍🌺