ممكن تكره حد أو تكون فكره عنه أنه شخص مش مريح وتتجنبه لمجرد أنه انطوائى او مش بيحب يتعامل كتير ؟!
الانطوائيه ممكن تشوفها غرور أو تكبر ؟!
تحكم على شخص من تصرفات سطحيه ؟!!
مش كره بس عدم ارتياح أو عدم القبول عندى بيجي من اول مره ،
لا عامه مش بيثير فضولى اى شخص منطوى ،
لو المواقف السطحيه معايا اها هحكم ف حدود المواقف دى ، لكن لو المواقف حصلت قدامى مع ناس تانيه لا مش هحكم ، ممكن يكون فيه جانب تانى للموضوع انا مش واخد بالى منه
عمرى م اكره حد لمجرد انه انطوائى
والانطوائية عمرها م كانت غرور او تكبر
لما بحكم ع حد من تصرفات سطحية غالبا بيطلع غلط
لا طبعا
انا اصلا انطوائيه ف اه جربت ناس كدا عادي بيشوفوا الشخص الانطوائي دا غامض وغير مرغوب فيه ميحبوش يتعاملوا معاه
*معتقدش ديه ممكن تبقي حريات وانا مش هفرضها ع غيري
*ممكن الاتنين وممكن يبقي مرض نفسي اصلا
*فيه مقوله بتقول:(كل إناء ينبع بما فيه) بنسبه كبيرة التصرفات السطحية بتبقي متطابقه تقريبا مع الداخليه ف صورة البني ادم اللي بتوصلك ✋
لا مفيش حد عنده عقل اصلا يحكم ع اساس كده
مال الانطوائيه ومال الغرور والتكبر هو ممكن بس مش بيعرف يتكلم مع حد ولا يتعرف ع حد ومحتاج حد يشجعه انه يغير كده بس مش عارف حتي يقول كده
انا مبحبش الشخصيه الانطوائيه بس مبكرههاش يعني وبتعامل معاها عادي😂🌸
لا طبع انا مابحكمش علي حد ابدا من اول نظرة او من اول مقابلة لازم اقعد معاه كتير وكمان مش بحدد اوي يعين مش بحكم علي حد لان مش من حقي
بس الانطوائية حاجة عادية جدا انا في ناس فكراني انطوائية جدا بس دة مش تكبر احنا بنتعامل عادي والله مابنبقاش عارفين نعمل ايه اكتر من كدة !
مينفعش احكم على حد من تصرفات سطحيه والانطوائيه مش غرور او تكبر ممكن يكون الشخص ده خايف من التعامل معاكى بالذات لانه ميعرفكيش او اكيد انتى عملتيلو حاجه قبل كده هو مش قادر ينساها او يشيلها من حياته بس استحاله توصل ان اكره الشخصيه ديه
خلينا متفقين ان الانطباع الاول بيدوم، لكن مش لدرجة حكم بيبقي تصور عام عن الشخص الحكم بتحتاج عوامل تانيه
