فيه حد هنا لسه بيؤمن بوهم كبير تم اختراعه اسمه الحب ؟
مؤمن جدا بان الحب هو السبب في ان شباب وبنات كتير يموتوا وهما لسا عايشين.. ويعجزوا وهما لسا ف عز شبابهم.. ينطفوا وهما المفروض ف عز بريقهم وتألقهم ونشاطهم .. مش قصدي ان الحب وهم وغلط وكدا بس لو جينا نبص ع الضحايا هنكرهه .. انا عن نفسي حياتي مليانه شباب معجزين وحياتهم باظت بسبب البنات والعكس .. ممكن لاننا جيل ملقاش اللي يحتويه ف البيت بسبب جريهم عشان يوفروا العيشه الكريمه.. فبنضطر ندور ع الاحتواء ونتمسك فيه بغباء مع سابق علمنا ف اغلب الاوقات انه مش هيكمل بس هو كدا غباوه 🐸 حرفيا ابتديت اتعقد من نحيه الحوار دا ببص لصحابي دول واركز ف حياتهم وكميف الفشل واللا مبالاه اللي عندهم بتعقد وبلعن البنات .. مع اني عارف ان المشكله مش فيهم.. المشكله فينا.. ف دماغنا.. ف طيشنا ودخولنا ف نفق نهايته حفره ملهاش نهايه.. ودا بسبب احتياجنا للحب اللي مخدناش حقنا فيه عن تجربه .. محدش بيحقق نجاحات ف حياته وهو مرتبط .. محدش بيتقدم وهو مرتبط.. الطبيعي ان الطرف التاني دا بياخد وقت ومساحه من دماغنا ممكن نشغلها بحاجه تانيه تخلينا ف مكان احسن.. عن تجربه .. بدونهم هتحقق نجاح وهتعيش صح.. مش لان الحب غلط لكن الحب ف المعاد الغلط طبيعي يكون غلط.. الحب للشخص الغلط طبيعي يكون غلط .. بس احنا ساعتها غالبا مبنفكرش
الخلاصه .. متحبش او متحبيش الا وانتوا عارفين ان دا هو النص اللي هيكملكوا ..توفيرا للوقت.. وتقليلا للاكتئاب.. وحقنا للدماء .. بطلوا تحبوا اللي تلاقوه وخلاص .. اللي بيشم كذا ريحه مبيعرفش يميز بين الحلوه والوحشه .. بس خلاص ✋
احكيلي تاني كل حاجه حتي لو عاديه دانا بشوف نفسي فيكي اكتر مانا بشوفها فيا كل بحبك كنت بقولها لحاجه منك ف اللي قبلك يعني كل كلام الحب اللي انا كتبته دا اتكتبلك
بحب جدا النهايات المأساويه.. او موت البطل ف النهايه بطريقه غبيه .. مش قادر اوصل لسر حبي للنوع دا من الافلام.. بس يمكن عشان موت البطل ف النهايه بيعزز فكره الفيلم اكتر.. اللي هو ف داهيه البطل وايه يعني بس الحق انتصر.. والرساله وصلت.. اللي كان تمنها موت حد .. اعتقد موت البطل في سبيل فكره بيقوي الفكره دي عن فكره تانيه زيها بس اتحققت من غير تضحيه.. او يمكن عشان مبحبش الاوفر او ان النهايه تكون سعيده بطريقه مبالغ فيها.. بحس بالاشمئزاز من النهايه السعيده بأفوره او يمكن عشان انا عبيط.. Why not