مخطوبه م ٨ شهور هوا عنده الجزء اللى تحت ده مليان شويتين وانا بتكلم معاه فون عادى بنضحك ونهزر بس اول مااقابله بتقفل ببقى عاوزه اسيبه واقوم قولتله كذا مره اعمل دايت او روح جيم (بطريقه لطيفه) بيقولى حاضر ويطنش هوا كشخص.. محترم وبيحبنى جدا جدا انا مش عارفه هقدر اتغاضى ع الموضوع ده بعد الجواز ولا افسخ
أنا شخص مُشكلتي كلها تَكمُن ف عدم قدرتي على التخطي بسهولة.. باخد فترة كبيرة جداً على ما أتعود على غياب شخصٍ ما من حياتي، مبقدرش أبداً أمسح الشاتات والصور وكل الحاجات الcommon بينا بسهولة كده.. بقعد فترة كبيرة حزينة وأوقات بدخل ف Depression وأعيط وأحكي وأكتب عن الحاجات اللي خسرتها دي وأقع وأحنّ .. صحتي بتتبهدل ومبعرفش أدّعي القوة أبداً وبحزن بجد ومبعرفش أموڤ أون كده بسهولة، مبعرفش أسيب إيد مسكاها كده ولا أتخلى عن حد او حاجة بحبها من أول مرة وبعترف إني بستنزف طاقة وببذل مجهود ف كده...يمكن ده أحد أسباب إني خلاص بقى لما أجيب أخري وأتخطى مستحيل أبص بصة واحدة ورايا على كده. #copied