معلش عندي سؤال لو انا عندي جهاز تخدير جينرال والات جراحيه شغالين كويس وعايزه اعرضهم للبيع انزل المستشفيات ولا اكلم مين؟
جهاز التخدير يبقي تكلمى مستشفيات أما الآلات الجراحية ممكن دكاترة جراحه عادى او مستشفي خصوصا لو سعر كويس
انا مش فاهمه
ليه ميجوزوش كل حبيب حبيبه
عشان مش كل حبيب مناسب لحبيبه ربنا اعلم بالمناسب
يادكتور اي اماكن شغل
ينفع ننزلها ف الامتياز بس يكون تحت اشراف من دكاتره تانيه وميكنش فيها شبهه؟
لا انصح
السلام عليكم يا دكتور
كنت عايز أسال حضرتك هيا رسايل الدكتوراه بتاع الدكاتره في قسم الجراحه متاحه ككتب في مكتبة الكليه يعني هل اقدر اشتري نسخه لرسالة دكتوراه
متاح اخذ نسخه والاستعانة بها كمان ودا من اى جامعه
دكتور الأطفال كتب على بخاخ Bivatracin لمدة تلات أيام ولما رحله انهارده قال علي ملح الطعام وقال لو مش مطمنين نعرضه علي حد جراحه والأم قلقانه
حسب احتياجك يا هندسه وان كانت المسؤليات الماديه عاديه بالنسبه لحجم المرتبين فاختار الاسهل والراحة النفسية لست فى الدنيا في سباق لجمع المال ومن بعدك لايذكرك بحجم ما تركت لهم
لو حد قطعت علاقتك بيه كلمك انه محتاجلك هتقف جنبه؟
اه طبعا قدر استطاعتى البدنيه والنفسيه بمعنى أنه فيه ناس ممكن تيجي على نفسك عشانهم إنما دا هتقف جنبه قدر المستطاع
ممكن تفرط في راحتك النفسيه في مقابل انك تحتفظ بوجود شخص مؤذي انت بتحبه في حياتك؟
أنا اتعلمت الفترة الأخيرة في حياتى إن كل شيء نسبي فما مدى الأذى اللى يتسبب به ؟ وهل ما يفعله يسبب فعلا أذى ولا هى حساسيه مفرطه عندك ؟ وهل هو يعلم أنه يؤذيك ولا انت اللى بتتلزق فيه وخلاص ؟ اذا كان بالمفهوم أنه يأذيك حقا ويبهدل راحتك النفسيه فلازم تنزله درجات من حساباتك الدنيا محتاجه اكبر كم ممكن من الراحه النفسيه وتقليل الضغط لاننا في دنيا شقاء لوحدها فمينفعش نشقي نفسنا بمواضيع زى كدة
يا دكتور لو سمحت عايزة اسأل حضرتك علي اي السبل ال ممكن يتمشي فيها بعد التخرج عشان اخد تخصص معين لو مجموعي مش اوي ومهلحقش نيابة جامعة
واحد بيحب بنت من دفعته من وهم صغيرين وهو ما شاء الله زى القمر وابيضاني وهى ملامحها جميله جدا بس قمحاويه شويتين تلاته نفسي افهم اى مخليه متعلق بيها كدا مع ان حواليه بنات زى القمر وحلوين جدا ممكن تكون عملاله عمل ؟؟
الحب لايخضغ لألوان ولا اجسام ولا أشكال ارواح تتلاقى فقط وصفات طيبه تخطف الروح بلاش النفسيه التعبانه دى
أنا وجوزى متخانقين وروحت عند أهلى ،حفظا لكرامتى افضل لحد ماييجى ولا أكلمه واتس اقوله هنرسي علي ايه؟
احب عمل للشيطان التفريق بين زوجين قال رسول الله -صلى الله عليه وسلم-:« إن إبليس يضع عرشه على الماء، ثم يبعث سراياه، فأدناهم منه منزلة أعظمهم فتنة. يجيء أحدهم فيقول: فعلت كذا وكذا. فيقول: ما صنعت شيئا. قال: ثم يجيء أحدهم فيقول: ما تركته حتى فرقت بينه وبين امرأته. - قال: - فيدنيه منه، ويقول: نعم أنت »رواهمسلم.
جات واحده زميلتي في الكليه بتقولي إن هي بتحب واحد اوي من السوشيال ومش قادره تنساه والمشكلة أنها مخطوبه لواحد وبتقول هي هتظلم خطيبها معاه اوي قالت إنها هتسيبه وسالتني أنها تقوله ايه قولتلها قوليله الحقيقة راحت وحكتله وانهت كل حاجه اكتشفت في الاخر إن هو خطيبها هو هو نفس الشخص ع السوشيال وعاوزه ترجعله
هو فيلم عربي بلدى جدا مش معقول بس عموماً أساس نجاح العلاقات الانتماء ومحاوله تحمل العيوب قبل المميزات وعدم المقارنه لان كل انسان يحمل من الخَبث بداخله الكثير ومحدش بيعرف عيوب الشخص الا اللى قريبه منه فالشخص البعيد دائما لامع حتى وإن كان اسوء ممن تملك وذلك الرضا والتغافل ومحاوله الفرح بما لديك الطريق الأقرب لطمأنينه القلب وسد فتحات الشيطان إليك
ومين فينا مكنش محتاس بس ربنا ييسر الحال خد بالاسباب وحدد انت عايز ايه ومتضحكش على نفسك حدد باطنه ولا جراحه ؟ راحه اكتر فلوس أقل شويه استرس أعلى وفلوس ممكن تكون أعلى وفي الاول والاخر الأرزاق بتاع ربنا سبحانه وتعالى بس بلاش كلمه أنا بحب كذا الا إذا كنت مستقبل كل مميزاتها وعيوبها الشغل مش بالحب