يأتي زمانٌ لا طمأنِينة فيه، ثمّ تأتينَ أنتِ، يا طمأنِينَة العُمرِ المُتعَبِ.❤️
الكابشن حلو للخطوبة ولا؟
لا الصراحه awkward اوي...بيخلي الواحد يمتعض ويحس انه مش عاوز يقراه او يسمعه. بالعربي الفصيح كدا تعبير مزيت...مدهون سمنه😂😂. انا بلحقك عل فكره قبل ما تكتبه😂😂.
لو اكتشفت إني بعاني من مرض صعب هو مش صعب يكاد يكون مميت اقول لأهلي واتعبهم معايا ولا اتعامل مع الوضع مع نفسي 🌚💔
جماعة انتو بتصدقوا في حوار السحر والعمل والكلام دا؟
لا الاعمال ولوح كتف البقره بقي ودم المعزه والعمل المربوط عل القمر والمرمي في قبر او في البحر...كل ده كلام هبل ودجل وشعوذه ونصب عشان يتاخد من الناس فلوس.
اخر صورة عملتلها save
كنا شغالين الوقفه والعيد ورا بعض فالدكتور السنيور يوم العيد الساعه ٤ الفجر عزمنا عل رز بلبن لوتس من عند بلبن…من بعدها ولسه ٤ ساعات بس ونسلم الشفت ونخلص… طول ال٤ ساعات يقول"وشكوا نور بعد الرز بلبن وكنت شبه الاموات"…اللي هو خلاص يا سينور شغالين بقالنا ٤٨ ساعه ومش ناقصه😂😂.
تحدث ..! 👀
بمناسبة ان امبارح كام العيد وانا كنت شغال في المستشفي. عمي حسن محجوز بجلطه في شراين القلب…وكان داخل قسطره يوم الوقفه والحمد الله…الجلطه فكت واتركبله دعامه. امبارح لقته بيقولي…يا دكتور احمد هتخرجني من هنا امتي…عاوز اروح اكل لحمه🤡😅.
دكتور انت مرتبط ؟
مبحبش الاسئله الشخصيه…بس عموماً لا مش مرتبط
نتعامل ازاى مع حد عمره مابيشوف نفسه بيغلط ؟؟
فيه كتب اسمه"محاط بالحمقي"…الكاتب بيشرح ليه البشر في نفس الموقف بيتصرفوا تصرفات مختلفه عن بعض. وقسم شخصيات البشر لاربعه category كبار…كل انسان بيكون خليط من الاربعه مع وجود category طاغي هو ده اللي بيdefine الانسان. الcategories هي احمر واخضر واصفر وازرق. اللي فيه الوصف اللي انت بتقول عليه الشخصيه الصفرا…والكاتب بيقول احسن طريقه للتعامل معاه…انك متتعملش معاه من بابه كدا…عشان هو مبيسمعش الا نفسه.
كل عام وانت الخير بكل عام يا احمد عيد سعيد 💕💕
الله الله❤️❤️❤️. وانت بخير وصحه وسعاده ديماً.
ازيك يا احمد عامل ايه وحشتني اوي
I don’t know even who U R!!😅
لو بدأت م الاول هتختار نفس الاختيارات ؟
لا طبعاً اللي يرجع من الاول ويختار نفس الاختيارات يبقي…متعملش حاجه. انت لو رجع بيك الزمن سنه وامشت في نفس الطرق…معنها ان السنه دي ضاعت من عمرك عالفاضي.
بتتسابق مع مين؟
حاليا انا indifferent ناحية اي سباق. لا مع نفسي ولا مع الناس.
فولتارين و لا ريبريل الاقوي في تسكين الوجع بتاع الظهر و الرقبة و الركبه
فولتارين مسكن. لكن ربيريل لا.
ممكن دكتور يرد عليا ضروري؟! بنتي خربشتها قطة وخدت اول جرعه م المصل وفاضل اربعه لسه ، لو الجرعه التالته اتاخرت ع معادها يومين لظروف سفر-- عادي ولا في ضرر عليها؟!؟!
ممكن تاخدها في اي مستشفي حكومي في مصر…مش لازم اللي اخدت فيه اول جرعه. …… وعادي ممكن تتاخر يومين مفيش اي مشكله.
معرفش والله…بس اعتقد انها لو مباشره كدا هتكون مش الطف حاجه. ممكن تستشفيها كدا من خلال شغله مثلاً.
أنا بطلت احتفل بأعياد الميلاد لقناعات عندي (دينية) ويوم ميلادي بعد بكرة تقريبًا وأكيد حد هيقولي كل سنة وانتي طيبة ارد عليه بايه؟
يا نهار ابيض مع الاحترام الكامل لقناعتك الدينيه والله ومعلش عشان ان والله ما اعرف…هو فيه راي ديني بيقول ان لما ناس تقولي كل سنه وانت طيب يوم ميلادي واجيب تورته كدا انا واصحابي او اهلي ونفرح وننبسط والناس تجبلي هدايا ونقول لبعض شواية كلام حلو…ان ده مخالف للشريعه وحرام؟!!!!!!!
بختفي من الحياه الواقعيه…وبقضي اكبر فتره ممكنه في البيت من غير ما اتعامل مع حد. مبروحش شغلي البرايفت…بروح شغل الحكومه بس(عشان مينفعش اسيبه)…اللي هو جدوله كبير لوحده😭. بكون موجود كتير اوي عل مواقع التواصل اللي انا مبحبهاش…زي الفتره دي كدا😅.
دعيتلك وانا صايمه
شكراً شكراً❤️🙏🏻.
اخر صوره عندك 🙂
ايام جنوب سينا كان ال gallery بتاع كله بحر وجبال ومناظر روعه من الطور لشرم الشيخ لكاترين لنويبع لدهب. دلوقتي بقي كله رسومات قلب😢😢.
اكتب ماتشاء 💬
Shared sorrow is a half sorrow Shared joy is a double joy.